Næsta æfing er þriðjudaginn 8. júní: 

Svörtuloft Kjalardalur Geirmundartindur

Akrafjalli


Mjög spennandi ganga á færi allra í sæmilegu gönguformi um fáfarnar slóðir upp á hæsta tind Akrafjalls norðan megin upp gullfallegan dal með klöngri upp á glæsilegar brúnir og niður frekar bratta en mjög skemmtilega leið.  Sjá Kjalardal hér svipmikinn á mynd hægra megin í Akrafjalli og Geirmundartind hæstan hægra megin. Magnaður dalur sem er vel þess virði að kynnast betur og fá allt aðra mynd af Akrafjalli en á hefðbundnum gönguleiðum um það. 

akrafjall_nordan_2009.JPG

Akstur
 

kl. 17:00 frá Össur Grjóthálsi 5

Um 40 mín akstur

Ekið frá borginni um Vesturlandsveg og Hvalfjarðargöng þar sem beygt er til hægri þegar komið er úr göngunum (eins og verið sé að fara í Borgarnes) en fljótlega þegar búið er að aka meðfram Akrafjalli öllu og komið norður fyrir það er beygt inn veg nr. 51 (eins og verið sé að fara á Akranes norðan megin Akrafjalls) og sá vegur ekinn meðfram norðurhlíðum Akrafjalls þar til komið er að bænum Kjalardal þar sem bílum er lagt við veginn.

Tölfræðin

 

 8 - 9 km

 

 3,5 - 4 klst. 

   648 m hæð

 390 m hækkun

  62 m upphafshæð

Erfiðleikastig 2-3 af 6
 

Leiðin

Gengið upp þéttar grasi grónar brekkur gullfallegs Kjalardals meðfram gljúfrinu og um grjót, skriður og kletta góða leið upp á Svörtuloft og svo upp á brúnirnar sem eru raktar alla leið á Geirmundartind ef veður leyfir.

 

Farið hinum megin dalsins niður aftur frekar bratta en vel færa leið (uppgönguleiðin okkar um "Pytta").

 

Ef veður er ekki gott sleppum við Geirmundartindi en tökum helst allan Kjalardalinn upp á brún.

Búnaður:  

Vatns- og vindheldar buxur og jakki,  hlýtt höfuðfat, ullar- og belgvettlingar, ullarföt innst, góðir gönguskór með ökklastuðningi, kjarngott nesti, 1-2 L af vökva. Keðjubroddar og höfuðljós eru nauðsynlegur búnaður allra yfir vetrartímann og að vori/hausti eftir birtuskilyrðum og snjóalögum.  Nánari búnaðarlisti hér !

Tryggingar: 
Þátttakendur eru ekki tryggðir í göngunum og er bent á tryggingarfélögin í þessu sambandi.
Toppfarar ehf tryggir hvorki þátttakendur, búnað né farangur þeirra.
Þátttakendur ferðast á eigin ábyrgð og eru því hvattir til að kanna með eigin tryggingar.