Þjálfarar fara í sumarfrí 22. júní - 20. júlí. Klúbbmeðlimir sjá um þriðjudagsæfingarnar í fjarveru
þjálfara - sjá dagskrána hér og viðburði/tilkynningu fyrir hvern þriðjudag á lokaða fb-hóp klúbbsins.

 

Næsta æfing MEÐ þjálfurum er þriðjudaginn 27. júlí: 

Hafnarfjall upp geilina á fimm tinda

Klausturstunguhóll, Katlaþúfa, Þverhnúkur, Þverfell og Tungukollur


Glæsileg en krefjandi og löng kvöldganga á færi allra í góðu gönguformi um kyngimagnaða leið í Hafnarfjalli á bröttustu tvö fjöllin
í fjallgarðinum sem líta ekki árennilega út en eru vel fær þegar nær er komið og algert ævintýri að ganga um.

hafnarfjall_allir_tindar_merktir_a_mynd_
187aef_hafn_210611-(29).jpg

Akstur
 

kl. 17:00 frá Össur Grjóthálsi 5
Leggja í NA-horninu.

Um 45 mín akstur
Fólksbílafært

Ekið frá borginni um Vesturlandsveg og Hvalfjarðargöng í átt að Borgarnesi en stuttu áður en komið er að Borgarfjarðarbrúnni er stuttur afleggjari á hægri hönd þar sem við leggjum bílunum. Sami staður og síðustu skipti á Hafnarfjalli. 

Tölfræðin

 

  9 - 10 km

 

 5 - 6 klst. 

    855 m hæð

   928 m hækkun

   68 m upphafshæð

Erfiðleikastig 3 af 6
 

Leiðin

Gengið upp mjög þéttar og skriðukenndar brekkur Klausturstunguhóls og ofar upp með hryggnum hans og þrætt svo með grasi grónum klettahjöllum í talsverðum hliðarhalla með gott hald í mosa og grasi að geilinni góðu sem lúrir falin þar til nær er komið.  Klöngrast upp þrönga ævintýralegu geilina og þrætt létta leið upp á Klausturstunguhól og yfir á hina tindana upp og niður í möl og mosa og kyngimögnuðu útsýni. Þrætt svo niður magnaðar brúnirnar á Tungukolli í grjóti og skriðu um vel færa leið þó hún virðist ófær séð úr fjarska. Mögnuð leið !

Búnaður 

Vatns- og vindheldar buxur og jakki,  hlýtt höfuðfat, ullar- og belgvettlingar, ullarföt innst, góðir gönguskór með ökklastuðningi, kjarngott nesti, 1-2 L af vökva. Keðjubroddar og höfuðljós eru nauðsynlegur búnaður allra yfir vetrartímann og að vori/hausti eftir birtuskilyrðum og snjóalögum.  Nánari búnaðarlisti hér !

Akstur
Sameinumst í bíla og ökum í samfloti að fjallsrótum. Skiptumst á að skaffa bíl og fá far og deilum bensínkostnaði - viðmiðið er 1.500 kr. fyrir hvern hálftíma í akstri sem deilist niður á alla í bílnum (bílstjóri undanskilinn bensínkostnaði ef farþegar eru fleiri en einn). Endurskoðum reglulega þessa reglu frá FÍB og slípum hana til ef mönnum finnst þetta ekki rétt viðmiðunarupphæð.

Tryggingar
Þátttakendur eru ekki tryggðir í göngunum og er bent á tryggingarfélögin í þessu sambandi.
Toppfarar ehf tryggir hvorki þátttakendur, búnað né farangur þeirra.
Þátttakendur ferðast á eigin ábyrgð og eru því hvattir til að kanna með eigin tryggingar.