Næsta æfing er þriðjudaginn 24. ágúst: 

 

Brennifell, Hestdadlsöxl og Hlíðarbrúnir

Skarðsheiðardraumurinn
... tindar 12, 13 og 14 af 22


Mjög spennandi og falleg leið á færi allra í sæmlegu gönguformi
fyrir nokkuð langa en einfalda kvöldgöngu um nýjar slóðir á lægri bungurnar sem rísa suðaustan megin í Skarðsheiðinni
og falla í skuggann af hæstu tindum hennar en koma vonandi á óvart sakir fegurðar og nýrra útsýnisstaða. 

 

skardsheidin_160907.jpg

Akstur
 

kl. 17:00 frá Össur Grjóthálsi 5
Leggja í NA-horninu.

Um 60 mín akstur
Fólksbílafært

Ekið um vesturlandsveg, gegnum Hvalfjarðargöng og til hægri þjóðveg 47 og svo þjóðveg 520 að Draghálsi þar sem bílum er lagt á sama stað og í janúar þegar farið var á Hádegishyrnu.

Tölfræðin

 

  7 - 9 km

 

 2,5 - 3 klst. 

     520 m hæð

    450 m hækkun

   200 m upphafshæð

Erfiðleikastig 2-3 af 6
 

Leiðin

 Um ótroðnar slóðir tilraunakennda leið þar sem stikla þarf yfir (eða vaða, takið með vaðskó í bílinn til öryggis, við sjáum ána frá bílunum) upp með ægifögru gljúfri Hestadalsár og um grýtt heiðarland í suðausturhlíðum Skarðsheiðarinnar þar sem múlar og hlíðar liggja ofan við Geitabergsvatn. Farinn hringur og metið hvort farið er niður að vatninu til baka eftir landslagi og tíma. 

Búnaður 

Vatns- og vindheldar buxur og jakki,  hlýtt höfuðfat, ullar- og belgvettlingar, ullarföt innst, góðir gönguskór með ökklastuðningi, kjarngott nesti, 1-2 L af vökva. Keðjubroddar og höfuðljós eru nauðsynlegur búnaður allra yfir vetrartímann og að vori/hausti eftir birtuskilyrðum og snjóalögum.  Nánari búnaðarlisti hér !

Akstur
Sameinumst í bíla og ökum í samfloti að fjallsrótum. Skiptumst á að skaffa bíl og fá far og deilum bensínkostnaði - viðmiðið er 1.500 kr. fyrir hvern hálftíma í akstri sem deilist niður á alla í bílnum (bílstjóri undanskilinn bensínkostnaði ef farþegar eru fleiri en einn). Endurskoðum reglulega þessa reglu frá FÍB og slípum hana til ef mönnum finnst þetta ekki rétt viðmiðunarupphæð.

Tryggingar
Þátttakendur eru ekki tryggðir í göngunum og er bent á tryggingarfélögin í þessu sambandi.
Toppfarar ehf tryggir hvorki þátttakendur, búnað né farangur þeirra.
Þátttakendur ferðast á eigin ábyrgð og eru því hvattir til að kanna með eigin tryggingar.