Næsta æfing er þriðjudaginn 17. ágúst: 

Glammastaðamúli, Hlíðarbrúnir, Brennifell

Skarðsheiðardraumurinn
Tindar 12, 13 og 14 af 22


Nýir og eflaust sjaldfarnir tindar í safnið á lægri bungur sem rísa suðaustan megin í Skarðsheiðinni og falla í skuggann af hæstu tindum hennar.  Á færi allra í sæmilegu gönguformi fyrir miðlungslanga kvöldgöngu á tilraunakenndri leið þar sem við erum að kynnast landslaginu þarna í fyrsta sinn
 

skardsheidin_160907.jpg

Akstur
 

kl. 17:00 frá Össur Grjóthálsi 5
Leggja í NA-horninu.

Um 60 mín akstur
Fólksbílafært

Ekið um vesturlandsveg, gegnum Hvalfjarðargöng og til hægri þjóðveg 47 og svo þjóðveg 520 að Draghálsi þar sem bílum er lagt á sama stað og í janúar þegar farið var á Hádegishyrnu.

Tölfræðin

 

  7 - 9 km

 

 2,5 - 3 klst. 

     520 m hæð

    450 m hækkun

   200 m upphafshæð

Erfiðleikastig 2-3 af 6
 

Leiðin

 Um ótroðnar slóðir tilraunakennda leið þar sem stikla þarf yfir (eða vaða (takið með vaðskó til öryggis !) upp með ægifögru gljúfri Hestadalsá og um grýtt heiðarland í suðausturhlíðum Skarðsheiðarinnar þar sem múlar og hlíðar liggja ofan við Geitabergsvatn. Farinn hringur og metið hvort farið er niður að vatninu til baka eftir landslagi og tíma. 

Búnaður 

Vatns- og vindheldar buxur og jakki,  hlýtt höfuðfat, ullar- og belgvettlingar, ullarföt innst, góðir gönguskór með ökklastuðningi, kjarngott nesti, 1-2 L af vökva. Keðjubroddar og höfuðljós eru nauðsynlegur búnaður allra yfir vetrartímann og að vori/hausti eftir birtuskilyrðum og snjóalögum.  Nánari búnaðarlisti hér !

Akstur
Sameinumst í bíla og ökum í samfloti að fjallsrótum. Skiptumst á að skaffa bíl og fá far og deilum bensínkostnaði - viðmiðið er 1.500 kr. fyrir hvern hálftíma í akstri sem deilist niður á alla í bílnum (bílstjóri undanskilinn bensínkostnaði ef farþegar eru fleiri en einn). Endurskoðum reglulega þessa reglu frá FÍB og slípum hana til ef mönnum finnst þetta ekki rétt viðmiðunarupphæð.

Tryggingar
Þátttakendur eru ekki tryggðir í göngunum og er bent á tryggingarfélögin í þessu sambandi.
Toppfarar ehf tryggir hvorki þátttakendur, búnað né farangur þeirra.
Þátttakendur ferðast á eigin ábyrgð og eru því hvattir til að kanna með eigin tryggingar.