Næsta æfing er þriðjudaginn 21. september: 

Mosfell

í staðinn fyrir Rauðahnúk sem frestast um viku v/veðurs !


Létt og frekar stutt kvöldganga óhefðbundna leið um suðurstíginn og baksviðsmegin upp og svo niður hefðbundna leið. 

Höfuðljós í bakpokann hér með og pössum að hafa alltaf auka rafhlöður í bakpokanum.  

mosfell_160907.jpg

Akstur
 

kl. 17:00 frá Össur Grjóthálsi 5

Um 15 mín akstur
Fólksbílafært.

Ekið gegnum Mosfellsbæ inn afleggjarann til Þingvalla og fljótlega beygt til vinstri inn að afleggjara upp að kirkjunni merktur kirkju og "Mosfell". Ekið að bílastæðinu við kirkjuna þaðan sem við leggjum af stað.

Tölfræðin

 

   3,5 km

 

1,5  klst. 

    299 m hæð

     208 m hækkun

    102 m upphafshæð

Erfiðleikastig 1-2 af 6
 

Leiðin

 

Gengið frá kirkjunni sunnan megin upp með gilinu og svo til vinstri stíginn í suðurhlíðum allt til enda og þaðan brölt þétta skriðukennda brekku þar sem komið er bakdyramegin á hæsta tindinn. Farið niður hefðbundna leið til baka um austurhlíðarnar. 


Leiðarval endurmetið ef færi eða veður er erfitt.

Búnaður:  

Vatns- og vindheldar buxur og jakki,  hlýtt höfuðfat, ullar- og belgvettlingar, ullarföt innst, góðir gönguskór með ökklastuðningi, kjarngott nesti, 1-2 L af vökva. Keðjubroddar og höfuðljós eru nauðsynlegur búnaður allra yfir vetrartímann og að vori/hausti eftir birtuskilyrðum og snjóalögum.  Nánari búnaðarlisti hér !

Akstur
Sameinumst í bíla og ökum í samfloti að fjallsrótum. Skiptumst á að skaffa bíl og fá far og deilum bensínkostnaði - viðmiðið er 1.500 kr. fyrir hvern hálftíma í akstri sem deilist niður á alla í bílnum (bílstjóri undanskilinn bensínkostnaði ef farþegar eru fleiri en einn). Endurskoðum reglulega þessa reglu frá FÍB og slípum hana til ef mönnum finnst þetta ekki rétt viðmiðunarupphæð.

Tryggingar: 
Þátttakendur eru ekki tryggðir í göngunum og er bent á tryggingarfélögin í þessu sambandi.
Toppfarar ehf tryggir hvorki þátttakendur, búnað né farangur þeirra.
Þátttakendur ferðast á eigin ábyrgð og eru því hvattir til að kanna með eigin tryggingar.