Eldborg nyrðri og syðri í þoku, glensi og pólítík

Æfing nr. 846 þriðjudaginn 8. apríl 2025

Niðdimm þoka einkenndi þriðjudagsæfinguna á Eldborgirnar í Lambafellshrauni og það var rigning og smá vindur... en hlýtt og á löngum köflum var logn og svo var dagbjart og það var sumarfæri... svo álagsstuðullinn var eingöngu 1 - 2 af 5 og því var ekki yfir neinu að kvarta... enda skemmtum við okkur konunglega í endalausum fíflalátum og / eða háalvarlegum pólitískum vangaveltum um heimsmálin og nutum þess í botn að ganga þessa fallegu leið í dulúð og notalegheitum... og fá dýrmæta kílómetra í kroppinn...

Alls 9,1 km á 3:04 klst. upp í 361 m hæð á Eldborg nyrðri og 386 m hæð á Eldborg syðri með alls 327 m hækkun úr 243 m upphafshæð...

Ljósmyndir úr göngunni hér fyrir neðan og nafnalisti mættra undir einni myndinni þar sem því miður gleymdist að taka hópmynd því við vildum bíða eftir Halldóru og Þórhildi sem komu á eftir okkur en náðu okkur ekki fyrr en á Syðri Eldborg og þá voru allar hópmyndir dottnar út úr kollinum á þjálfara en það náðust flestir á mynd í göngunni samt :-)

Mættir voru: Aníta, Bára, Birgir, Björg, Brynjar, Fanney, Halldóra Þ., Hjörtur, Linda, Siggi, Silla, Smári, Sjöfn Kr., Þorleifur, Þórhildur og Örn og Baltasar og Batman voru með í stuðinu :-)

Takk elskurnar mínar fyrir dásemdargöngu í notalegheitum og skínandi góðri þjálfun á vegalengd og röskri yfirferð um óskaplega heilandi landslag :-)