Búrfell í Grímsnesi að Reyðarbörmum #ÞvertyfirÍsland

Uppfært 21. apríl kl. 17:  - staðfest brottför út frá veðurspá og þátttökufjölda: 

Skráðir eru 9 manns: Agnar, Ása, Davíð?, Fanney, Gulla, Kolbeinn, Sjöfn Kr., + báðir þjálfarar. 

Nýjustu tilkynningar:

*Fólksbílafært. Ferja þarf bíla milli upphafsstaðar og endastaðar í byrjun og enda göngu. Best að 5 manns sameinist um 2 bíla þar sem annar er skilinn eftir við endastað á Lyngdalsheiði og keyrt 5 manns til baka að upphafsstað við Búrfell og eftir göngu keyra þessi 5 manns frá Lyngdalsheiði að Búrfelli og sækja bílinn á leið í bæinn. 

*Enginn fb-viðburður er um þessa ferð, allar tilkynningar fara inn á þennan viðburð hér og umræður eru inni á lokaðri fb-síðu Toppfara. Gestir velkomnir með og hafa þá samband við okkur þjálfara.

Verð:

Kr. 7.000 kr. fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.

Kr. 10.000 kr. fyrir klúbbmeðlimi ef ofangreindur afsláttur gildir ekki.

Kr. 13.000 kr. fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is. 

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Athugið að við viljum helst alltaf endurgreiða við afboðun þó það sé með stuttum fyrirvara, en þó er ferð ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn www.yr.no þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng.

Leiðsögn:

Þjálfarar.

Brottför:

Kl. 7:30  á slaginu frá Össur, Grjóthálsi 5.

Heimkoma:

Um kl. 18:00.

Aksturslengd:

Rúmlega 1 klst. með ferjun upp á Lyngdalsheiði og akstri að Búrfelli í Grímsnesi. Fólksbílafært.

Akstursleiðarlýsing:

Ekið inn Lyngdalsheiði og helmingur bíla skilinn eftir við endastað göngu á keyrt að upphafsstað göngu við Búrfell í Grímsnesi. Á heimleið náum við í bílinn við Búrfell á leið í bæinn. 

Hæð:

Um 552 m.

Hækkun:

Um 800 m miðað við 65 m upphafshæð en fer endanlega eftir leiðarvali, veðri, færð og hópi.

Göngulengd:

Um 17 km en fer endanlega eftir leiðarvali, veðri, færð og hópi. .

Göngutími:

Um 7 klst. en fer endanlega eftir leiðarvali, veðri, færð og hópi.

Gönguleiðin:

Gengið upp þéttar skriðukenndar og grónar brekkur Búrfells í Grímsnesi og magnað stöðuvatnið uppi á fjallinu skoðað á brúnunum áður en haldið er á tindinn. Farin tilraunakennd leið niður norðan megin eins og færi leyfir og gengið á þýfðu landslagi yfir Lyngdalsheiðina þar sem ganga endar við Reyðarbarma.

Erfiðleikastig:

Um 3 af 6 eða fært öllum í ágætis gönguformi fyrir frekar langa og einfalda dagsgöngu en þó með fjallgöngu á Búrfelli í leiðinni. 

Búnaður:

Alltaf skal taka með sér vatns- og vindheldar buxur og jakka,  hlýtt höfuðfat, ullar- og belgvettlinga, ullarföt innst, góða gönguskó með ökklastuðningi, kjarngott nesti og 1-2 L af vökva eftir vegalengd og tímalengd ferðar. Höfuðljós og keðjurbroddar eru nauðsynlegur búnaður allra að vetri til og aðstæður gætu krafist notkun jöklabúnaðar og ísaxar sem er nauðsynlegur búnaður allra sem vilja almennt ganga á fjöll að vetri til. 

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

Enginn fb-viðburður um þessa ferð, allar tilkynningar fara inn á þennan viðburð hér og umræður eru inni á lokaðri fb-síðu Toppfara. Gestir velkomnir með og hafa þá samband við okkur þjálfara.