top of page

Sun, May 12

|

#Toppfaraáskorun #afmælisáskorun

17 fjöll á 17 dögum... í tilefni af 17 ára afmæli Toppfara !

Göngum á 17 fjöll á 17 dögum í tilefni af 17 ára afmælisári fjallgönguklúbbsins sem var stofnaður þann 15. maí árið 2007 á Esjunni... sko ef við ætlum að ganga 31 fjall á 31 degi á 31 ára afmæli Toppfara árið 2038... þá er eins gott að fara að æfa fyrir það :-)

17 fjöll á 17 dögum... í tilefni af 17 ára afmæli Toppfara !
17 fjöll á 17 dögum... í tilefni af 17 ára afmæli Toppfara !

Time & Location

May 12, 2024, 8:00 AM – May 28, 2024, 11:00 PM

#Toppfaraáskorun #afmælisáskorun , Esjan, 162, Iceland

About the Event

Hefst sun 12. maí og lýkur þri 28. maí 2024. 

Njótum þess að geta virkilega gengið á 17 fjöll á 17 dögum... af því við ætlum að gera þetta næstu árin upp í 20 ára afmæli klúbbsins... og langtímamarkmiðið er að ná 31 árs afmæli og fylla þannig alveg út í maímánuð... það verður drepfyndið ! ... já, við getum þetta ! ... með því að taka okkur ekki of alvarlega... heldur hugsa í lausnum en ekki hindrunum.. og bara hafa gaman... 

Þátttökuskilyrði:

1. Melda þarf fjallalistann sinn inn á viðburðinn eða í tölvupósti til þjálfara í lok áskorunarinnar. Nauðsynlegt er að þar komi fram nafn á hverju fjalli og dagsetningar. Aðrar tölfræðiupplýsingar eru valkvæðar en vel þegnar.

2. Ein mynd skal fylgja með og ekki verra ef smá pistill fylgir með um hvernig upplifunin var að gera þetta. Engar sjálfumyndir eins og alltaf í okkar áskorunum NB. Tökum eftir fegurðinni í kringum okkur og myndum hana og drögum athyglina frá okkur sjálfum.

3. Allir tindar á sama fjalli teljast hver fyrir sig. Leyfilegt er að fara á sama fjallið oftar en einu sinni í áskoruninni almennt og taka fleiri fjöll / tinda í sömu ferð og ganga á sama fjallið oftar en einu sinni í sömu ferð, ef farið er niður að fjallsrótum aftur (vanalegur upphafsstaður). Engin ákveðin skilgreining er á hvað telst fjall, heldur gilda öll fjöll, fell og hlíðar sem við höfum hingað til talið í okkar göngum sem "tind" eins og Búrfellsgjá, Vífilsstaðahlíð, Steinninn á Esjunni o.s.frv. en það þarf að vera einhvers lags "tindur" en ekki eingöngu gönguleið, hver og einn metur þetta eftir sínum metnaði. 

4. Allir núverandi og fyrrverandi Toppfarar velkomnir að taka þátt í þessari áskorun. 

5. Dreginn út einn þátttakandi sem vinnur sér inn árgjald í klúbbnum sem viðkomandi má nýta fyrir sjálfan sig eða gefa öðrum.

Lausnamiðuð hugsun: 

Þrjár þriðjudagsæfingar gefa nokkra tinda samanlagt, Skarðsheiðarþverunin gefur sjö tinda, Tindfjallajökull tvo og ef við náum Flekkudal Esjunnar á þessu tímabilil þá erum við komin með fleiri en 17 tinda alls... nú og ef menn taka vinafjallið sitt þá daga sem þeir geta... þá náum við þessu létt... jebb... hugsa í lausnum... þetta er ótrúlega gaman !

Langtímaáætlunin... er að gera þetta árlega með einum degi til viðbótar hvert ár... við erum búin að gera þetta síðan klúbburinn varð 10 ára árið 2017... svo árið 2027 náum við 20 fjöllum á 20 dögum og árið 2038 ætlum við að ganga á 31 fjall á 31 degi frá 1. - 31. maí 2038... já, bara gaman og ekkert annað :-) 

Sjá samantekt úr fyrri áskorunum í gegnum árin:

https://www.fjallgongur.is/allar-askoranir-toppfara-fra...

Sjá fb-viðburð hér:  

Share This Event

bottom of page