Blákollur og félagar átta tinda kyngimagnað leið yfir milli Hafnarfjalls og Skarðsheiðar.

Uppfært 30. apríl kl. 11:00: 

Skráðir eru 9 manns: Agnar, Fanney, Gustav, Jaana, Johan, Linda, Sigrún Bj. , Tinna + Örn þjálfari.

Nýjustu tilkynningar:

*Fólksbílafært, ferja þarf bíla milli upphafs- og endastaðar en það er fljótlegt á þessari leið. 

*ATH, þeir sem mættu á Þórólfsfellið á föstudag greiða eingöngu 3.000 kr. fyrir þessa ferð.

*Ljósmynd ferðar er tekin ofan af Skessuhorni 12. júní 2021 þar sem leiðin blasir við með Rauðuhnúkafjall gult af líparíti í miðju leiðarinnar. Bak við lægri fjöllin rís Hafnarfjallið dekkra að sjá. Sannkallaður hulinsheimur sem allt of fáir skoða. 

Verð:

Kr. 7.000 kr. fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.

Kr. 10.000 kr. fyrir klúbbmeðlimi ef ofangreindur afsláttur gildir ekki.

Kr. 13.000 kr. fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is. 

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Athugið að við viljum helst alltaf endurgreiða við afboðun þó það sé með stuttum fyrirvara, en þó er ferð ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng. 

Leiðsögn:

Örn.

Brottför:

Kl. 7:30  á slaginu frá Össur, Grjóthálsi 5.

Heimkoma:

Um kl. 18:00.

Aksturslengd:

Rúmlega 1 klst. með ferjun bíla að morgni með helming að Bolakletti og svo keyrt á hinum helmingnum í Ölver þar sem gangan hefst.

Tæplega 1 klst. frá Bolakletti í bæinn með viðkomu í Ölveri að sækja bílana frá upphafsstað. 

Fólksbílafært.

Akstursleiðarlýsing:

Ekið um Vesturlandsveg um Hvalfjarðargöng en rétt áður en komið er að Borgarfjarðarbrú er beygt til hægri inn veg F50 og hann ekinn stuttlega að litlu stæði fyrir bíla við þjóðveginn þar sem helmingur bíla er skilinn eftir. Keyrt á hinum helmingnum til baka í Ölver við Blákoll suðvestan við Hafnarfjallið, þar sem gangan hefst.

Hæð:

Um 781 m.

Hækkun:

Um 1.581 m miðað við 68 m upphafshæð en fer endanlega eftir leiðarvali, veðri, færð og hópi.

Göngulengd:

Um 16 km en fer endanlega eftir leiðarvali, veðri, færð og hópi. .

Göngutími:

Um 7 - 8 klst. en fer endanlega eftir leiðarvali, veðri, færð og hópi.

Gönguleiðin:

Upp snarpar brekkur Blákolls frá Ölveri á ágætlega mótuðum stíg að hluta til alla leið upp á tind þessa glæsilega fjalls með kyngimögnuðu útsýni yfir Hafnardal og Hafnarfjall, Skarðsheiði, Akrafjalls, Esju, höfuðborgarinnar og sjávar. Þrætt niður austan megin af Blákolli niður á fjallgarðinn sem liggur milli Hafnarfjalls og Skarðsheiðar en hann er margtindóttur upp og niður alls kyns tinda í síbreytilegu bergi sem skiptir litum. Í könnunarleiðangrinum þegar við bjuggum þessa leið til árið 2012 töldum við átta tinda á þessari leið: Blákollur, Geldingaárháls, Ytri Svartitindur, Hrossatungutindur, Rauðahnúkafjall, Innri Svartitindur, Þverfell og Skálafjall, allt af kortum af svæðinu. Spáum endilega í þessu saman, bara gaman.

Erfiðleikastig:

Um 3 af 6 eða fært öllum í ágætis gönguformi fyrir frekar langa dagsgöngu með heilmiklu brölti upp snarpar brekkur Blákolls en svo minni brekkur á hina tindana sem liggja í aflíðandi landslagi milli hrikalegra fjalla allt í kring sem gefur þessari leið glæsilega sýn allt í kring og magnaða upplifun. Ein af okkar uppáhaldsleiðum sem við höfum búið til í gegnum tíðina og leynir verulega á sér þar sem hún er í skugga frægari fjalla allt í kring. 

Búnaður:

Alltaf skal taka með sér vatns- og vindheldar buxur og jakka,  hlýtt höfuðfat, ullar- og belgvettlinga, ullarföt innst, góða gönguskó með ökklastuðningi, kjarngott nesti og 1-2 L af vökva eftir vegalengd og tímalengd ferðar. Höfuðljós og keðjurbroddar eru nauðsynlegur búnaður allra að vetri til og aðstæður gætu krafist notkun jöklabúnaðar og ísaxar sem er nauðsynlegur búnaður allra sem vilja almennt ganga á fjöll að vetri til. 

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.