Brandsgilin, Hattur, Jökulgil, Þrengsli, Uppgönguhryggur, Skalli nýja spennandi leið frá Landmannalaugum

Uppfært 12. ágúst 2022 - laus 2 pláss v/afboðana (ath).

Skráðir eru 25 manns:  Arna, Auður E. Jóhannsdóttir, gestur, Ágústa Þ., Björgólfur, Doddi, Edwin Árnason gestur, Elísa, Fanney, Guðný Ester, Gulla, Inga Guðrún, Jaana, Jóhann Smári gestur, Kolbeinn,  Linda, Njáll, Njóla, Oddný T., Sigga Lár., Siggi, Sigrún Bjarna, Sofía Jóhannsdóttir gestur, Súsanna, Sæbjörn Guðmundsson gestur, Þórkatla og þjálfarar. 

Afboðað: Ása (inneign), Kristín Leifs (inneign), Birgir (inneign), Maggi (inneign).

Jeppar/jepplingar - þurfum að vera 6 - 8 jeppar: 

1. Örn, Bára, laus 2 pláss - frá Dómadalsleið.

2. Kolbeinn, Elísa, Guðný Ester ogJaana - frá Reykjavík

3. Inga Guðrún, Auður, Edwin og Sæbjörn - frá Flúðum. 

4. Sigrún Bj., Bjarni, Oddný T. og Sofia,  - frá Reykjavík. 

5. Doddi, Njóla, Fanney og Björgólfur frá Reykjavík. 

6. Arna, Njáll - laus 2 pláss frá Dómadalsleið.

7. Siggi og Linda - frá Suðurlandi. 

8.Þórkatla, - frá Reykjavík.

Vantar upplýsingar um bílfar hjá Ágústu Þ., Jóhanni Smára og Súsönnu.

Hámark 25 manns, lágmark 15 manns.

Nýjustu tilkynningar:

*Förum á jeppum og jepplingum sem geta keyrt inn að Landmannalaugum. Fjórhjóladrifnir bílar geta keyrt alla leið að ánni við Landmannalaugar og menn fengið jeppafar yfir ána spölkornið inn í Laugar eða gengið ef þeir vilja. 

*Óhefðbundin og ný leið að hætti hússins þar sem við fetum nýjar tilraunakenndrar slóðir saman við fyrri gengnar slóðir þar sem við ætlum að upplifa Brandsgilin og Þrengslin í návígi með því að ganga um þessi gil eins og hægt er og vaða ár þar sem þess þarf og upplifa svo Uppgönguhrygginn kyngimagnaða sem skákar Grænahrygg að mati þjálfara í fegurð og tignarleik.

*Taka þarf vaðskó og þurrklút og gera ráð fyrir að þurfa að vaða nokkrum sinnum kalda jökulána í Jökulgili fram og til baka í Þrengslin án þess að skipta yfir í gönguskó (ath þetta er sama áin og við óðum 18 sinnum árið 2019 nema nú erum við ofar og Sveinsgilskvíslin er ekki komin inn í Jökulgilsána, ekkert mál, útfærum þetta saman fyrir ferð og göngum saman ef þarf yfir árnar). 

*Förum í heita lækinn eftir göngu eða viðrum tær og sál eftir göngu á fallegum grasbala áður en keyrt er aftur heim. 

*Langur dagur en sannarlega þess virði um nýja, mjög spennandi leið að hætti hússins um fegursta svæði landsins í ólýsanlegu landslagi.

*Höfum föstudag, laugardag og sunnudag sem mögulegan göngudag og nauðsynlegt að melda inn við skráningu ef menn komast ekki alla þessa daga til þess að fá endurgreitt ef þeir komast ekki þann dag sem verður valinn.

*

Verð:

Kr. 10.000 fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.

Kr. 13.000 fyrir klúbbmeðlimi ef ofangreindur afsláttur gildir ekki.

Kr. 16.000 fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Ferð er ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng: 

Leiðsögn:

Þjálfarar.

Brottför:

Kl. 6:00 á slaginu frá Össur, Grjóthálsi 5.

Heimkoma:

Um kl. 21:00 miðað við 3 klst. akstur, 8 klst. göngu, græjun við bíla fyrir og eftir göngu og 1 klst. böðun/hvíld/viðrun eftir göngu í Landmannalaugum áður en haldið er heim á leið aftur.

Aksturslengd:

Um 3 klst.

Sameinumst í bíla og ökum í samfloti að fjallsrótum. Skiptumst á að skaffa bíl og fá far og deilum bensínkostnaði - viðmiðið er 1.500 kr. fyrir hvern hálftíma í akstri sem deilist niður á alla í bílnum (bílstjóri undanskilinn bensínkostnaði ef farþegar eru fleiri en einn). Endurskoðum reglulega þessa reglu frá FÍB og slípum hana til ef mönnum finnst þetta ekki rétt viðmiðunarupphæð.

Akstursleiðarlýsing:

Keyrt um Suðurlandsveg, þjóðveg 1 að Landvegamótum þar sem beygt er til vinstri og ekinn þjóðvegur 26 þar til beygt er til hægri um Dómadalsleið inn á hálendi um veg F225 og hann ekinn um magnaðan Dómadalinn alla leið inn í Landmannalaugar þar sem bílum er lagt. Keyrt um Dómadal eða Hrauneyjar á leið til baka eftir bílfæri og smekk.  

Hæð:

Um 1.018 m. hæst á Skalla. 

Hækkun:

Um 1.000+ m miðað við 608  m upphafshæð en fer endanlega eftir leiðarvali, veðri, færð og hópi.

Göngulengd:

Um 18 - 20  km en fer endanlega eftir leiðarvali, veðri, færð og hópi. .

Göngutími:

Um 8 klst. en fer endanlega eftir leiðarvali, veðri, færð og hópi.

Gönguleiðin:

Gengið á grjóti í ævintýralegu landslagi frá fyrsta skrefi í Landmannalaugum inn Litla Brandsgil og það skoðað eins og landslag leyfir og snúið við inn í Stóra Brandsgil og það skoðað eins og hægt er áður en brölt er upp formfagra og litríka hryggi ofan við gilin og stefnan tekin á Suður-Skalla þaðan sem mikið útsýni gefst yfir fjöll Jökulgils en frá honum er þræddur magnaður hryggur niður að Hatti sem hefur skapað sér sérstöðu á svæðinu og vakir yfir gróðurvin Hattvers þar sem við göngum niður í Jökulgilið en niður það ætlum við að ganga og vaða ána nokkrum sinnum þar til komið er í Þrengslin sjálf og þau skoðuð í návígi. Snúið til baka upp Jökulgilið aftur og farið upp um Uppgönguhrygg sem er einstaklega litfagur og formfagur fjallshryggur sem skiptir stöðugt litum þar til komið er á hæsta tind dagsins, Skalla sem ræður ríkjum á svæðinu og gefur einstakt útsýni allan hringinn. Gengið frá Skalla niður í mót greiðfæra leið milli Brandsgilja og Jökulgilsins og farið fram á útsýnisbrúnirnar yfir gilin eftir smekk og veðri og neðar komið við á mögnuðum útsýniskletti sem við nefndum Brand á sínum tíma en af honum sést vel yfir bæði Brandsgilin og inn eftir Litla Brandsgili. Lokakaflinn svo um mosa og grjót niður í Landmannalaugar um áraurar Brandsgilja. Mögnuð leið frá fyrsta til síðasta skrefs. 

Erfiðleikastig:

Um 3 af 6 eða fært öllum í ágætis gönguformi fyrir frekar langa dagsgöngu um grýtt og giljótt en greiðfært landslag þar sem þræða þarf upp og niður sandaða og grýtta hryggi og vaða gil um læki og jökulá í töfrandi fögru landslagi og útsýni allan tímann.

Búnaður:

Sjá upptalningu undir búnaður - farið vel yfir listann og passið að hafa allan tindferðabúnað meðferðis, góða skó, hlý föt, góðan hlífðarfatnað, vettlinga og höfuðfat og höfuðljós. 

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

Sjá fb-viðburð hér: