Esjan öll 2022

Göngum á alla tinda, hnúka, kamba, múla, hryggi, skörð og hóla Esjunnar um dali hennar, lendur, gil og ár árið 2022 og skrásetjum þannig höfuðborgarfjallið nákvæmlega og samviskusamlega.

Alls sjö þriðjudagsæfingar og sex tindferðir í mislöngum og miserfiðum ferðum.

Þar sem við erum nú þegar búin að ganga um Esjuna alla síðustu tæp fimmtán árin, ganga á alla tinda hennar og hringa alla hennar dali... þá ætlum við að hafa þessar göngur öðruvísi en áður eins og því er við komið... með því að fara öðruvísi leiðir en áður... sameina tvær hefðbundnar þriðjudagsæfingaleiðir í eina dagsferð... ganga á þriðjudegi á tinda sem áður voru gengnir í dagsferðum... breyta hefðbundnum leiðum og koma annars staðar á tindana en áður... og fara nýjar leiðir á tinda sem við erum nokkrum sinnum búin að ganga á... 

Okkur telst til að tindar Esjunnar... ef allt er talið sem landslagið hvíslar að okkur úr minningabankanum... séu alls 53 talsins... en þessi tala á eftir að breytast eftir því sem líður á árið eftir því hvað hver ferð segir okkur... þetta er uppkast... bætum við og tökum út það sem ekki á heima hér.. 

Hugmyndin á uppruna sinn frá því Ásgeir Jónsson sjöhátindafari hóf skrásetningu á öllum helstu örnefnum á Esjunni árið 2019 og vakti máls á því á fb-hópnum "Vinir Esjunnar" árið 2018... en þetta er fjórða árið í röð þar sem við söfnum fjöllum á ákveðnu landsvæði... - ath finn ekkert á veraldarvefnum um þessa skrásetningu hans en þetta var metnaðarfullt og mjög samviskusamlega gert man ég ! 

Árið 2019 var það Hvalfjörðurinn: Tólf tindar Hvalfjarðar (toppfarar.is) - betri samantekt á nýju vefsíðunni kemur fljótlega !

Árið 2020 voru það Þingvellir #Þingvallafjöllinöll: Þingvallafjöllin 2020 Áskorun ár (toppfarar.is) 

Árið 2021 var það Skarðsheiðin #Skarðsheiðardraumurinn: Skarðsheiðardraumurinn 2021 | Toppfarar (fjallgongur.is) 

 ... árið 2022 er það svo #EsjanÖll2022.

Esjuferðirnar allar hér í tímaröð: 

Þri 4. janúar: Kögunarhóll, Rauðhóll, Geithóll. 

Laug 8. janúar: Arnarhamar, Smáþúfur, Kerhólakambur, Laugagnípa.

Laug 19. febrúar: Kerlingargil, Dýjadalshnúkur, Tindstaðafjall, Melahnúkur, Hnefi, Lokufjall.

Laug 5. mars: Esjan endilöng frá Laufskörðum niður Kerhólakamb.

Laug 2. apríl: Eilífsdalur hringleið; Þórnýjartindur, Eilífstindur, Hábunga, Eilífsklettur, Skálatindur, Paradísarhnúkur, Nónbunga.

Þri 19. apríl: Múli í Svínadal. 

Þri 3. maí: Þverfell, Búi, Langihryggur, Steinninn. 

Laug 21. maí: Eyjadalur hringleið; Möðruvallaháls, Trana, Heimrahögg, Fremrahögg, Móskarðahnúkar, Laufskörð, Seltindur, Esjuhorn, Sandsfjall.

Laug 4. júní: Gljúfur, Karl, Hnjúkur, Kistufell, Gunnlaugsskarð.

Þri 7. júní: Þverárkotsháls, Hátindur, Kattarhryggir. 

Þri 2. ágúst: Gráhnúkur, Bláhnúkur, Þverfell undir Móskörðum. 

Þri 30. ágúst: Skotlandsöxl, Kúpuhryggur, Flatnaháls, Stóri og Litli Sandhryggur. 

Þri. 6. desember: Esjan upp að Steini - skálum fyrir #EsjanÖll2022

Skrásetjum þetta vandlega og samviskusamlega og spyrjum okkur í leiðinni hvað á heima í þessari samantekt og hvað ekki: 

Tindarnir 53 (hnúkar, kambar, hryggir, hamrar, hólar, fell o.s.frv.):​​

1. Arnarhamar
2. Bláfell
3. Búi
4. Dýjadalshnúkur
5. Eilífsklettur
6. Eilífstindur
7. Esjuhorn
8. Eyjadalur
9. Flatnaháls
10. Fremrahögg
11. Geithóll
12. Gljúfur
13. Gráfell
14. Hábunga
15. Hátindur
16. Heimrahögg
17. Hnefi
18. Hnjúkur
19. Kambshorn
20. Karl
21. Kattarhryggir
22. Kerhólakambur
23. Kerlingargil
24. Kistufell nyrðra
25. Kistufell syðra
26. Kúpuhryggur
27. Kögunarhóll
28. Langihryggur
29. Laufskörð
30. Laugagnípa
31. Lokufjall
32. Melahnúkur
33. Miðfjall
34. Móskarðahnúkar
35. Múli
36. Níphóll
37. Nónbunga
38. Paradísarhnúkur
39. Rauðhóll
40. Sandsfjall
41. Seltindur
42. Skálatindur
43. Skotlandsöxl
44. Smáþúfur
45. Steinninn
46. Stóri og litli sandhryggur
47. Tindstaðafjall
48. Trana
49. Þverárkotsháls
50. Þverfell eystra
51. Þverfell vestra
52. Þverfellshorn
53. Þórnýjartindur

​

​

Stærri dalirnir 7 (minni innan þeirra):​

1. Blikdalur
2. Eilífsdalur
3. Eyjadalur
4. Flekkudalur
5. Gljúfurdalur
6. Grafardalur
7. Þverárdalur

​

Skörðin 3:​

1. Gunnlaugsskarð
2. Laufskörð
3. Móskörð

​

Árnar 10:

1. Blikdalsá
2. Dælisá
3. Fossá
4. Grafará
5. Hvítá
6. Mógilsá
7. Sandsá
8. Torfdalsá
9. Vallá
10. Þverá

Sjá allar ferðasögurnar hér í tímaröð og stafrófsröð fyrir hvern tind með tengil á gps-slóð og myndband af göngunni:

Sjá fb-viðburð hér: (4) Esjan öll árið 2022 | Facebook