Fagrafell og fossar undir Eyjafjallajökli

Uppfært 6. janúar 2023:

Skráðir eru 7 manns:  Birgir, Fanney, Jaana, Magga Páls., Sigurbjörg, Sjöfn Kr., Þórkatla+ báðir þjálfarar. 

Nýjustu tilkynningar:

*Gerum ráð fyrir að þurfa að vaða ána ofan við Seljalandsfoss þó hún geri vel verið klakabundin (vaðskór og þurrklútur).

*Tökum með keðjubrodda, ísexi og jöklabrodda til öryggis þar sem aldrei er hægt að vita hvernig færið er í fjöllunum þó lág séu. 

Verð:

Kr. 7.000 kr. fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.

Kr. 10.000 kr. fyrir klúbbmeðlimi ef ofangreindur afsláttur gildir ekki.

Kr. 13.000 kr. fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is. 

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Ferð er ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng: Yr - Seljalandsfoss - Long term forecast

Leiðsögn:

Þjálfarar.

Brottför:

Kl. 9:00 á slaginu frá Össur, Grjóthálsi 5.

Heimkoma:

Um kl. 16 - 17:00. 

Aksturslengd:

Um 1,5 klst. að bílastæðinu við tjaldstæðið við Þórmerkurafleggjara. Fólksbílafært.

Akstursleiðarlýsing:

Keyrt frá Össuri Grjóthálsi 5 um Suðurlandsveg með smá stoppi á Hvolsvelli og áfram þjóðveg 1 þar til komið er að bílastæði við tjaldstæðið að afleggjaranum um Þórsmerkurveg (leiðin að Seljalandsfossi en ekki eins langt inn eftir NB). 

Hæð:

Um 390 m.

Hækkun:

Um 500 m miðað við 40 m upphafshæð en fer endanlega eftir leiðarvali, veðri, færð og hópi.

Göngulengd:

Um 8 km en fer endanlega eftir leiðarvali, veðri, færð og hópi. .

Göngutími:

Um 4 - 5 klst. en fer endanlega eftir leiðarvali, veðri, færð og hópi.

Gönguleiðin:

Gengið upp grasi grónar og greiðfærar brekkur Seljalands upp á heiðina og hún rakin að Fagrafelli þar sem aðeins þarf að brölta upp grýttan en vel færan fjallstindinn með miklu útsýni yfir Þórsmerkurleið, Suðurlandið, Vestmannaeyjar og Eyjafjöllin með Eyjafjallajökulinn yfirgnæfandi í austri ofan okkar. Farið ofan af tindinum niður á láglendið og komið við hjá fossinum Gljúfrabúa og Seljalandsfossi þar sem við skulum taka ferðamannahringinn allan og upplifa þessa fossa í klakaböndum og fallegri vetrarbirtu á þessum dimmasta tíma ársins. Hugsanlega þarf að vaða ána ofan við Seljalandsfoss þó hún gæti verið klakabundin svo tökum með vaðskó og þurrklút. 

Erfiðleikastig:

Um 1-2 af 6 eða fært öllum í sæmilegu gönguformi fyrir mjög stutta en gefandi dagsgöngu um greiðfært fjalllendi með viðkomu um fjölfarnar ferðamannaslóðir í bakaleiðinni. 

Búnaður:

Vatns- og vindheldar buxur og jakki,  hlýtt höfuðfat, ullar- og belgvettlingar, ullarföt innst, góðir gönguskór með ökklastuðningi, kjarngott nesti, 1-2 L af vökva. Höfuðljós og keðjurbroddar nauðsynlegur búnaður allra þar sem frost gæti verið í jarðvegi og dagurinn er orðinn frekar stuttur ef tafir verða á heimleið. 

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

Sjá fb-viðburð hér: