Hafnarfjall á Gildalshnúk, Suðurhnúk og Vesturhnúk

Uppfært 10. nóvember 2023 kl. 17:00: 

Skráðir eru 11 manns: Björg, Jaana, Njóla, Linda, Sighvatur, Siggi, Sigríður Lísabet, Sjöfn Kr., Þorleifur, Þórkatla og Örn þjálfari.

Nýjustu tilkynningar:

*Fólksbílafært.

*Keðjubroddar eru nauðsynlegur búnaður allra í þessa ferð og ekki þörf á jöklabroddum og ísexi að þessu sinni, þar sem ekki er kominn snjór að ráði í fjöllin ennþá. 

Verð:

Kr. 7.000 kr. fyrir klúbbmeðlimi sem mættu í tindferð síðustu 2 mánuði eða ef báðir aðilar sem deila æfingagjöldum mæta. 

Kr. 9.000 kr. fyrir klúbbmeðlimi ef ofangreindur afsláttur gildir ekki.

Kr. 12.000 kr. fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is. 

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Athugið að við viljum helst alltaf endurgreiða við afboðun þó það sé með stuttum fyrirvara, en þó er ferð ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng. 

Leiðsögn:

Örn.

Brottför:

Kl. 09:00 á slaginu frá Össur, Grjóthálsi 5.

Heimkoma:

Um kl.  15:00.

Aksturslengd:

Tæp 1 klst. Fólksbílafært.

Akstursleiðarlýsing:

Keyrt frá Össuri Grjóthálsi 5 um Vesturlandsveg en stuttu áður en komið er að Borgarfjarðarbrú er afleggjari til hægri á malarstæði neðan við Hafnarfjall.

Hæð:

Um 857 m á Gildalshnúk, 839 m á Suðurhnúk og 800 m á Vesturhnúk.

Hækkun:

Um 890 m miðað við 44 m upphafshæð.

Göngulengd:

Um 9 km en fer endanlega eftir leiðarvali, veðri, færð og hópi.

Göngutími:

Um 4+ klst. en fer endanlega eftir leiðarvali, veðri, færð og hópi.

Gönguleiðin:

Gengið á stíg nánast alla leið upp Vesturöxl fjallsins upp í skarðið þar sem brölta þarf smávegis upp að Gildalshnúk sem er hæstur. Í bakaleiðinni ef veður og færi leyfir er komið við á Suðurhnúk sem er svipmikill tindur neðan við Gildashnúk og helst komið einnig við á Vesturhnúk sem rís ofan við skarðið milli tinda og er greiðfær á aflíðandi leið, en þaðan er svo greið leið niður aftur um stíginn niður alla öxlina.

Erfiðleikastig:

Um 2 af 6 eða fært öllum í sæmilegu gönguformi fyrir frekar stutta dagsgöngu á stíg nánast allan tímann en þó að vetri til þar sem aðstæður geta verið krefjandi.

Búnaður:

Alltaf skal taka með sér vatns- og vindheldar buxur og jakka,  hlýtt höfuðfat, ullar- og belgvettlinga, ullarföt innst, góða gönguskó með ökklastuðningi, kjarngott nesti og 1-2 L af vökva eftir vegalengd og tímalengd ferðar. Höfuðljós og keðjurbroddar eru nauðsynlegur búnaður allra að vetri til og aðstæður gætu krafist notkun jöklabúnaðar og ísaxar sem er nauðsynlegur búnaður allra sem vilja almennt ganga á fjöll að vetri til. 

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

FB-viðburður: