Heggstaðamúli, Klifsborg, Hrossaköst, Hróbjargastaðafjall og (Sóleyjartindur) Snæfellsnesi

Uppfært 30. apríl 2024 kl. 21:00:

Skráðir eru 8 manns:  Bára, Dina, Jaana, Skarphéðinn gestur, Sighvatur, Stefán G., Þórkatla og Örn.

Nýjustu tilkynningar:

*Keðjubroddar nauðsynlegur búnaður, metum þegar nær dregur hvort þörf sé á jöklabroddum og ísexi en líklega ekki þar sem þetta eru ekki há fjöll og komið vel inn í vorið.

Verð:

Kr. 7.000 kr. fyrir klúbbmeðlimi sem mættu í tindferð síðustu 2 mánuði eða ef báðir aðilar sem deila æfingagjöldum mæta. 

Kr. 9.000 kr. fyrir klúbbmeðlimi ef ofangreindur afsláttur gildir ekki.

Kr. 12.000 kr. fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is. 

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Athugið að við viljum helst alltaf endurgreiða við afboðun þó það sé með stuttum fyrirvara, en þó er ferð ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng. 

Leiðsögn:

Bára og Örn.

Brottför:

Kl. 08:00 á slaginu frá Össur, Grjóthálsi 5.

Heimkoma:

Um kl.  17 - 18:00.

Aksturslengd:

Um 1,5 klst. Fólksbílafært.

Akstursleiðarlýsing:

Keyrt frá Össuri Grjóthálsi 5 um Vesturlandsveg í Borgarnes, með viðkomu á Olís og áfram ekið inn Snæfellsnesið þar til beygt er til hægri inn Heydalsveg og sá vegur ekinn að góðu bílastæði við fjallið Hrútaborg þar sem lagt er af stað gangandi á fjallstindana vinstra megin við hana. 

Hæð:

Um 740 m.

Hækkun:

Um 860 m miðað við 94 m upphafshæð en fer endanlega eftir leiðarvali, veðri, færð og hópi.

Göngulengd:

Um 15 km en fer endanlega eftir leiðarvali, veðri, færð og hópi.

Göngutími:

Um 6 - 7 klst. en fer endanlega eftir leiðarvali, veðri, færð og hópi.

Gönguleiðin:

Upp aflíðandi leið á Heggstaðamúla með breiðum hryggnum og þrætt svo upp á tindana sem rísa þarna í hring þar sem eflaust þarf að brölta og klöngrast svolítið og hugsanlega lækka sig til að geta haldið áfram eftir hryggjunum allan hringinn en okkur sýnist leiðin vera klöngurfær allan hringinn... nú ef ekki þá lækkum við okkur smávegis og hækkum okkur aftur... og komumst að þessu með því að rekja okkur þessa spennandi sjaldförnu leið sem við höfum haft augastað á í mörg ár. 

Erfiðleikastig:

Um 2 - 3 af 6 eða fært öllum í ágætis gönguformi fyrir miðlungslangan könnunarleiðangur á ókunnri leið með tilraunakenndu klöngri og brölti á köflum en líklega greiðfærri að mestu og afar sjaldgæfu útsýni niður á Hítarvatnið sjálft.

Búnaður:

Alltaf skal taka með sér vatns- og vindheldar buxur og jakka,  hlýtt höfuðfat, ullar- og belgvettlinga, ullarföt innst, góða gönguskó með ökklastuðningi, kjarngott nesti og 1-2 L af vökva eftir vegalengd og tímalengd ferðar. Höfuðljós og keðjurbroddar eru nauðsynlegur búnaður allra að vetri til og aðstæður gætu krafist notkun jöklabúnaðar og ísaxar sem er nauðsynlegur búnaður allra sem vilja almennt ganga á fjöll að vetri til. 

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.