Hengill til Þingvalla leggur 6 Riddarapeysuganga #ÞvertyfirÍsland

Uppfært 11. nóvember 2022: 

Skráðir eru 16 manns;  Guðný Ester, Gulla, Jaana, Jóhanna D., Jóhanna Fríða, Hlökk (ekki rúta), Kristín Leifs, Lilja Sesselja, María H., Njóla, Oddný T., Sjöfn Kr., Vilhjálmur, Þórkatla og báðir þjálfarar.  

Nýjustu tilkynningar:

*Rúta hækkar í 4.000 kr. þar sem við erum svo fá. Hún sækir okkur í lok göngu og keyrir okkur að Hellisheiðarvirkjun þar sem við skildum bílana eftir um  morguninn.  

*Tökum riddarapeysuna með og sparilegt nesti (kristall, servíettur, gotterí, dúkur o.d.frv.), semjum ljóð í göngunni og höfum það hátíðlegt saman á fjöllum :-) 

Verð:

Kr. 7.000 + 4.000 kr. fyrir rútu fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.

Kr. 10.000 + 4.000 kr. fyrir rútu fyrir klúbbmeðlimi ef ofangreindur afsláttur gildir ekki.

Kr. 13.000 + 4.000 kr. fyrir rútu fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is. 

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Ferð er ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng: Yr - Hengill - Long term forecast

Leiðsögn:

Þjálfarar.

Brottför:

Kl. 8:00 á slaginu frá Össur, Grjóthálsi 5.

Heimkoma:

Um kl. 17 - 18:00.

Aksturslengd:

Um 20 mín um morguninn að Hellisheiðarvirkjun þar sem gangan hefst og rúmlega 1 klst. með rútu frá Þingvöllum að Hellisheiðarvirkjun og á okkar bílum í bæinn.  

Akstursleiðarlýsing:

Keyrt frá Össuri Grjóthálsi 5 um Suðurlandsveg að Hellisheiði en stuttu áður er beygt til vinstri inn afleggjarann að Hellisheiðarvirkjun þar sem bílum er lagt á sama stað og gangan endaði í mars á þessu ári sem er stuttu áður en komið er í Sleggjubeinsskarð NB. 

Hæð:

Um 765 m.

Hækkun:

Um 800 m miðað við 280 m upphafshæð en fer endanlega eftir leiðarvali, veðri, færð og hópi.

Göngulengd:

Um 16 - 18 km en fer endanlega eftir leiðarvali, veðri, færð og hópi. .

Göngutími:

Um 7 klst. en fer endanlega eftir leiðarvali, veðri, færð og hópi.

Gönguleiðin:

Gengið um Sleggjubeinsskarð, Innstadal á Nesjaskyggni, niður austurhlíðarnar yfir Svartfjallaleið um Þverárdal og Lómatjörn til suðurenda Þingvallavatns þar sem við endum í Hagavík. Á stíg til að byrja með en svo tilraunakennd leið um móbergshlíðar, fjallsása, grasbala, mosalendur og sanda um láglendið neðan við Hengilinn

Erfiðleikastig:

Um 2-3 af 6 eða fært öllum í ágætis gönguformi fyrir frekar langa en nokkuð greiðfæra dagleið á tilraunakenndri leið, til að byrja með í fjalllendi með tilheyrandi brölti Hengilsins en svo frekar létta og greiðfæra leið um láglendan síðari hluta  leiðarinnar. 

Búnaður:

Vatns- og vindheldar buxur og jakki,  hlýtt höfuðfat, ullar- og belgvettlingar, ullarföt innst, góðir gönguskór með ökklastuðningi, kjarngott nesti, 1-2 L af vökva. Höfuðljós og keðjurbroddar nauðsynlegur búnaður allra þar sem frost gæti verið í jarðvegi og dagurinn er orðinn frekar stuttur ef tafir verða á heimleið. 

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

Sjá fb-viðburð hér:  (4) Hengill til Þingvalla legg 6 #riddarapeysuganga #ÞvertyfirÍsland | Facebook