Hróarstindar - tignarlegu tindarnir bak við Hafnarfjall

Uppfært 18. nóvember 2023 kl. 22:30: 

Skráðir eru 11 - 12 manns: Birgir, Dina, Fanney, Gerður Jens., Jaana, Magga Páls, Ragnar, Sjöfn Kr., Steinar R., (Þorleifur), Þórkatla, Örn þjálfari.

Staðfest brottför út frá veðurspá og mætingu.

Lágmark 10 manns. 

Nýjustu tilkynningar:

*Keðjubroddar nauðsynlegur búnaður allra. Ekki er þörf á jöklabroddum og ísexi þar sem eingöngu þunn snjóföl er komin í fjöllin. 

*Tökum með höfuðljós til öryggis þar sem dagurinn er orðinn stuttur, þó gangan eigi að sleppa í dagsbirtu.

Verð:

Kr. 7.000 kr. fyrir klúbbmeðlimi sem mættu í tindferð síðustu 2 mánuði eða ef báðir aðilar sem deila æfingagjöldum mæta.

Kr. 9.000 kr. fyrir klúbbmeðlimi ef ofangreindur afsláttur gildir ekki.

Kr. 12.000 kr. fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is.

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst.

Athugið að við viljum helst alltaf endurgreiða við afboðun þó það sé með stuttum fyrirvara, en þó er ferð ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng.

Leiðsögn:

Örn.

Brottför:

Kl. 09:00 á slaginu frá Össur, Grjóthálsi 5.

Heimkoma:

Um kl. 17:00.

Aksturslengd:

Um 45 mín frá Össuri. Fólksbílafært.

Akstursleiðarlýsing:

Ekið um Vesturlandsveg, Hvalfjarðargöng og meðfram Hafnarfjalli að afleggjara merktur Ölveri á hægri hönd við mynni Hafnardals þar sem bílar eru skildir eftir á góðu malarstæði neðan við Ölver undir Blákolli. 

Hæð:

Um 783 m.

Hækkun:

Um  906 m miðað við 49 m upphafshæð.

Göngulengd:

Um 12+ km en fer endanlega eftir leiðarvali, veðri, færð og hópi.

Göngutími:

Um 6+ klst. en fer endanlega eftir leiðarvali, veðri, færð og hópi.

Gönguleiðin:

Gengið á stíg inn eftir dalnum að fjallsrótum og svo upp snarpar grjótbrekkur þar sem gott hald gefst alla leið upp á glæsilega fjallshryggi og ása þar sem hvergi er tæpt að ganga þó bratt sé allt í kring í mögnuðu landslagi og útsýni.

Erfiðleikastig:

Um 2-3 af 6 eða fært öllum í ágætis gönguformi fyrir miðlungslanga dagsgöngu

Búnaður:

Alltaf skal taka með sér vatns- og vindheldar buxur og jakka,  hlýtt höfuðfat, ullar- og belgvettlinga, ullarföt innst, góða gönguskó með ökklastuðningi, kjarngott nesti og 1-2 L af vökva eftir vegalengd og tímalengd ferðar. Höfuðljós og keðjurbroddar eru nauðsynlegur búnaður allra að vetri til og aðstæður gætu krafist notkun jöklabúnaðar og ísaxar sem er nauðsynlegur búnaður allra sem vilja almennt ganga á fjöll að vetri til.

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

FB-viðburður: