Kálfstindar á hæsta tind og fleiri

Uppfært 22. mars 2024 kl. 22:00: 

Skráðir eru 10 manns: Aníta, Áslaug gestur, Birgir, Fanney, Inga, Jaana, Maggi, Sjöfn Kr., Þórkatla og Örn. 

*Fólksbílafært en betra að vera á hærri bílum inn eftir. 

*Keðjubroddar, jöklabroddar og ísexi nauðsynlegur búnaður allra NB. 

Mikilvægar tilkynningar: 

*Sjá ferðasögur af ólíkum göngum á hina ýmsu Kálfstinda árin 2010, 2012, 2015, 2020 og 2021 í fjallasafninu undir stafnum K- undir "Kálfstindar":

K öll fjöll sem byrja á K | Toppfarar (fjallgongur.is)

Verð:

Kr. 7.000 kr. fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.

Kr. 9.000 kr. fyrir klúbbmeðlimi ef ofangreindur afsláttur gildir ekki.

Kr. 12.000 kr. fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is. 

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Athugið að við viljum helst alltaf endurgreiða við afboðun þó það sé með stuttum fyrirvara, en þó er ferð ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng: Yr - Þorgeirsfell - Long term forecast

Leiðsögn:

Þjálfarar.

Brottför:

Kl. 8:00 á slaginu frá Össur, Grjóthálsi 5.

Heimkoma:

Um kl. 17 - 18:00.

Aksturslengd:

Tæp 1 klst. Fólksbílafært en betra að vera á hærri bílum síðasta kaflann inn eftir (hægt að ferja annars á milli þetta er svo stuttur kafli).

Akstursleiðarlýsing:

Ekið um Vesturlandsveg og beygt inn Þingvallaveg við Helgafell í Mosó og sá vegur ekinn upp á Lyngdalsheiði en þar á miðri leið er beygt til vinstri inn að fjallsrótum Kálfstinda sem blasa við á vinstri hönd þegar keyrt er um Lyngdalsheiðina enda með eindæmum glæsilegur fjallgarður. 

Hæð:

Um 896 m.

Hækkun:

Um 1.406 m miðað við 184 m upphafshæð en fer endanlega eftir leiðarvali, veðri, færð og hópi.

Göngulengd:

Um 14 - 15  km en fer endanlega eftir leiðarvali, veðri, færð og hópi. .

Göngutími:

Um 7 - 8 klst. en fer endanlega eftir leiðarvali, veðri, færð og hópi.

Gönguleiðin:

Gengið um kjarr og mosa meðfram fjöllunum að Kálfsgili og klöngrast þar upp gróna og grýtta brekku þar til komið er á heiðina sem tekur við að Langjökulsfjöllunum að sunnan. Brölt upp á næst nyrsta tindinn í grýttum en vel færum brekkum en þessi tindur er nafnlaus og við nefndum hann "Kleif" á sínum tíma til aðgreiningar frá hinum. Brölt niður af Kleif og gengið um greiðfærar lendurnar að hæsta Kálfstindinum sem rís nyrstur og gefur alveg kyngimagnað og sjalddgefið útsýni yfir á fjallgarðana sem rísa í óbyggðunum milli Langjökuls og Þingvalla. Hér er greiðfært upp en seinfært í bröttum grjótskriðum. Farið niður svipaða leið og svo meðfram Kleif og Flosatindi og ef tími og færi leyfir þá farið upp á Flosatind sunnan megin fína leið sem við höfum farið nokkrum sinnum á öllum árstíðum. Niður af Flosatindi er farin hefðbundin leið á stíg alla leið aftur í bílana og er þessi leið öll hin glæsilegasta og sérlega svipmikil með hrikalega tinda nær og fjær á Þingvallasvæðinu, Langjökulssvæðinu að ónefndu útsýni til Heklu og Vestmannaeyja o.m.fl. 

Erfiðleikastig:

Um 2 - 3 af 6 eða fært öllum í góðu gönguformi fyrir frekar stutta dagsgöngu en í heimiklu brölti upp og niður seinfarnar, grýttar en vel færar brekkur viðn vetraraðstæður og því eru keðjubroddar og jöklabroddar og ísexi nauðsynlegur búnaður allra.  

Búnaður:

Alltaf skal taka með sér vatns- og vindheldar buxur og jakka,  hlýtt höfuðfat, ullar- og belgvettlinga, ullarföt innst, góða gönguskó með ökklastuðningi, kjarngott nesti og 1-2 L af vökva eftir vegalengd og tímalengd ferðar. Höfuðljós og keðjurbroddar eru nauðsynlegur búnaður allra að vetri til og aðstæður gætu krafist notkun jöklabúnaðar og ísaxar sem er nauðsynlegur búnaður allra sem vilja almennt ganga á fjöll að vetri til. 

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

Sjá fb-viðburð hér: