Kóngsvegur frá Úthlíð á Bjarnarfell um Geysi að Hvítárbrú hjá Brúarhlöðum #ÞvertyfirÍsland

Uppfært 8. mars 2024 kl. 20:30:

Skráðir eru:  Alls 15 - 16 manns: Agnar, Aníta, Ása, Bára, Birgir, Brynjar, Davíð, Fanney, Guðjón, Gulla, (Inga Guðrún), Jaana, Kolbeinn, Sighvatur, Sjöfn Kr., og Örn.

Bílar til að ferja: 

Bílar 1 + 2: Örn, Bára, Batman + Ása, Gulla, Myrra - neyðarsæti ef einhver bætist við á síðustu stundu en þröngt með hundunum samt.

Bílar 3 + 4:  Kolbeinn (er á svæðinu) + 4 saman í bíl úr bænum.

Bílar 5 + 6: Sjöfn Kr. (fer ekki í bæinn aftur) + Aníta, Fanney, Jaana - laust 1 pláss með þeim úr og í bæinn ?

Bætum við bílum 7+8 ef fleiri bætast við.

Agnar, Birgir, Brynjar, Davíð, Guðjón, (Inga Guðrún) og Sighvatur eiga eftir að raða sér í bíla. 

Mikilvægar tilkynningar:

*Staðfest brottför úr frá veðurspá, mjög góð spá, hlýtt og léttskýjað og ljúfur vorvindur og búast má við mjúku og auðu færi og því litlar líkur á keðjubroddum en tökum þá með til öryggis fyrir Bjarnarfellið og metum þetta endanlega við upphafsstað. 

*Fólksbílafært. Ferjum helming bíla að Brúarárhlöðum þar sem gangan endar og keyrum til baka að upphafsstað við Úthlíðarkirkju.

*Mikilvægt að skrá sig frekar snemma í þessa ferð til að við getum raðað öllum í bíla við ferjun, 4 - 5 manns í 2 bíla. 

Verð:

Kr. 7.000 kr. fyrir klúbbmeðlimi sem mættu í tindferð síðustu 2 mánuði eða ef báðir aðilar sem deila æfingagjöldum mæta. 

Kr. 9.000 kr. fyrir klúbbmeðlimi ef ofangreindur afsláttur gildir ekki.

Kr. 12.000 kr. fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is. 

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Athugið að við viljum helst alltaf endurgreiða við afboðun þó það sé með stuttum fyrirvara, en þó er ferð ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng. 

Leiðsögn:

Þjálfarar.

Brottför:

Kl. 07:30 á slaginu frá Össur, Grjóthálsi 5.

Heimkoma:

Um kl. 18:00.

Aksturslengd:

Um 1,5 - 2 klst. með ferjun í upphafi og lok dags (styttra í lok dags þar sem við náum bara í bílana á heimleið).

Akstursleiðarlýsing:

Keyrt frá Össuri, Grjóthálsi 5 um Vesturlandsveg, Þingvallaveg, Lyngdalsheiði að Laugarvatni að Geysi og þar er beygt til hægri veg F30 að Hvítárbrú hjá Brúarhlöðum þar sem helmingur bíla er skilinn eftir og ekið með hinn helminginn að Úthlíðarkirkju þar sem gangan hefst. Akstur tekur um 10-15 mín á milli. 

Hæð:

Um 720 m á Bjarnarfelli ofan við Geysi í Haukadal. 

Hækkun:

Um 500 m miðað við 120 m upphafshæð en fer endanlega eftir leiðarvali, veðri, færð og hópi.

Göngulengd:

Um 22 - 23 km en fer endanlega eftir leiðarvali, veðri, færð og hópi.

Göngutími:

Um 7 klst. en fer endanlega eftir leiðarvali, veðri, færð og hópi.

Gönguleiðin:

Gengið frá Úthlíðarkirkju á malarvegi gegnum sumarhúsabyggðina og svo á slóða upp á Bjarnarfell og niður aflíðandi hlíðar þess að Geysi í Haukadal þar sem endað er á vegi í lokin. Gengið á vegi frá Geysi að Brúarhlöðum þar sem ár eru brúaðar og ekki hægt að velja aðra leið yfir þetta byggða og ræktaða svæði. Fyrri hlutinn er því seinfærari upp aflíðandi létt Bjarnarfellið og svo greiðfært í vegakantinum frá Geysi. 

Erfiðleikastig:

Um 2 - 3 af 6 eða fært öllum í sæmilegu gönguformi fyrir frekar langa dagsgöngu en á slóða fyrri hlutann á aflíðandi fjall og svo á vegi síðari hlutann gegnum byggð og ræktað land. 

Búnaður:

Alltaf skal taka með sér vatns- og vindheldar buxur og jakka,  hlýtt höfuðfat, ullar- og belgvettlinga, ullarföt innst, góða gönguskó með ökklastuðningi, kjarngott nesti og 1-2 L af vökva eftir vegalengd og tímalengd ferðar. Höfuðljós og keðjurbroddar eru nauðsynlegur búnaður allra að vetri til.

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

FB-viðburður: