Laugavegurinn á tveimur stórkostlegum dögum

Uppfært 18. janúar 2024:

Staðfestir eru x manns: + báðir þjálfarar

Lágmark 15 manns og hámark 25 manns. 

Hámark fjöldi í skála er 18 manns en nóg pláss í tjaldi NB. 

Nýjustu tilkynningar:

*Skráning er hafin með greiðslu staðfestingargjalds kr. 20.000 sem er óendurkræft við afboðun nema annar komi í staðinn. 

*Fullnaðargreiðsla er 1. júní sem er óendurkræft við afboðun nema annar komi í staðinn en við metum það í hvert sinn og endurgreiðum ef mögulegt er.

*Til að halda verði ferðar lágu gistum við eingöngu á miðri leið og hvorki fyrir gönguna né eftir hana, heldur keyrum snemma úr bænum og komum seint heim eftir seinni göngudaginn, en náum samt að borða og viðra gönguna í nokkra klukkutíma í Húsadal áður en haldið er heim. Ef einhver vill vera lengur eða mæta fyrr, þá er það sjálfsagt og hægt að kaupa áætlunarferðir til og frá Landmannalaugum og Þórsmörk. Verð lækkar þá í samræmi við rútukostnaðinn. Athugið að ef einhver nýtir sér rútuferðina eingöngu aðra leiðina, þá þarf samt að greiða fyrir hana að fullu þar sem viðkomandi tekur frá sæti í henni. 

*Trússað er í þessari ferð og því eingöngu gengið með dagpoka. Takmarka þarf engu að síður farangur og gætum þess að ferðast létt bæði á göngu og í trússi.

*Hver og einn greiðir fyrir sína máltíð á Volcano Huts í Húsadal og hver og einn kemur með allan mat í þessari ferð sjálfur sem og alla drykki. 

*Allir virkir klúbbmeðlimir Toppfara sem eru að mæta í þriðjudagsgöngur og/eða tindferðirnar og eru ekki að dragast aftur úr þar né í vandræðum almennt í göngunum, geta komið í þessa ferð. Leiðin er löng en á stíg allan tímann og landslagið slíkt að maður gleymir sér við að njóta og anda að sér fegurðinni á meðan kílómetrarnir fljúga framhjá. 

Ferðasagan af ofurgöngunni 2020: Tindferð 201 Laugavegurinn á ein (toppfarar.is)

Ferðasagan af fyrstu Laugavegsgöngu Toppfara árið 2008: Toppfarar.is - Tindur 14 - Laugavegur

Verð:

Kr. x.000 kr. (x ef í tjaldi) fyrir klúbbmeðlimi sem mættu í tindferð síðustu 2 mánuði eða ef báðir aðilar sem deila æfingagjöldum mæta.

Kr. x.000 kr. (x kr. ef í tjaldi) fyrir klúbbmeðlimi ef ofangreindur afsláttur gildir ekki.

Kr. x.000 kr. (x ef í tjaldi) fyrir gesti sem vilja prófa göngu með klúbbnum.

ATH verð miðast við að allir séu í Ferðafélagi Íslands (gistingin í Hvanngili). EF einhver er ekki með aðild þar þá hækkar verðið um 5.800 kr. Athugið að sambýlisfólk nýtur bæði afsláttar ef annar aðilinn er í FÍ svo það borgar sig að skrá sig í félagið ef verið er að kaupa þessa gistingu. 

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is.

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Staðfestingargjald greiðist við skráningu og er óendurkræft við afboðun nema annar komi í staðinn. Fullgreiða þarf ferð 6 vikum fyrir brottför, laug 1. júní og er sú greiðsla óendurkræf við afboðun nema annar komi í staðinn.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng.

Leiðsögn:

Þjálfarar.

Brottför:

Kl. 06:00 á slaginu frá Össur, Grjóthálsi 5 með rútu til Landmannalauga (3ja klst. akstur með stoppi). 

Heimkoma:

Kringum miðnætti í Reykjavík með rútu sem fer frá Þórsmörk kl. 21:00 miðvikudaginn 24. júlí.

Aksturslengd:

Um 3 klst. hvora leið með rútu.

Hæð:

Um  1.070 m 

Hækkun:

Um 2.100 m. 

Göngulengd:

Um 55 km en fer endanlega eftir leiðarvali, veðri, færð og hópi.

Göngutími:

Um 8 - 10 klst. hvorn dag á notalegu dóli að njóta stórkostlegs umhverfis allan tímann, en fer endanlega eftir leiðarvali, veðri, færð og hópi.

Gönguleiðin:

Gengið á góðum stíg alla leiðina um sand, möl, grjót, klappir, gras og mold þar sem stikla þarf og vaða nokkrum sinnum á leiðinni. Vaða þarf 3svar fyrri daginn og 2svar seinni daginn.  Bláfjallakvísl stuttu frá Hvanngili er köldust á degi tvö og Þröngá við Þórsmörk er straumhörðust á degi tvö en önnur vöð eru létt. 

Erfiðleikastig:

Um 3 af 6 eða fært öllum í ágætis gönguformi fyrir frekar langa göngudaga en á greiðfærum og vel troðnum stíg allan tímann þar sem vaða þarf  nokkrum sinnum yfir ár og læki.

Búnaður:

Alltaf skal taka með sér vatns- og vindheldar buxur og jakka,  hlýtt höfuðfat, ullar- og belgvettlinga, ullarföt innst, góða gönguskó með ökklastuðningi, kjarngott nesti og 1-2 L af vökva eftir vegalengd og tímalengd ferðar. Höfuðljós og keðjurbroddar eru nauðsynlegur búnaður allra að vetri til og aðstæður gætu krafist notkun jöklabúnaðar og ísaxar sem er nauðsynlegur búnaður allra sem vilja almennt ganga á fjöll að vetri til.

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.