Miðsúla - fáfarnasta og brattasta Botnssúlan

Uppfært 6. september 2024: 

Skráðir eru 7 manns: Aníta, Áslaug, Birgir, Sighvatur, Sjöfn Kr., Þorleifur og Örn.

Mikilvægar tilkynningar: 

*Betra að vera á hærri fólksbílum inn að Svartagili. 

*Ljósmynd ferðar er úr hlíðum Syðstu súlu með Miðsúlu hægra megin og Háusúlu vinstra megin, tekin í stóru Botnssúlugöngunni þar sem allir fimm tindar þeirra voru sigraðir í einni göngu þann 30. júní 2012 og komið svo seint í bæinn að við misstum af því að kjósa okkur forseta það skiptið :-) - sjá hér: Tindferð nr 80 - Botnssúlurnar a (toppfarar.is)

Verð:

Kr. 7.000 kr. fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.

Kr. 9.000 kr. fyrir klúbbmeðlimi ef ofangreindur afsláttur gildir ekki.

Kr. 12.000 kr. fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is. 

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Athugið að við viljum helst alltaf endurgreiða við afboðun þó það sé með stuttum fyrirvara, en þó er ferð ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng: Yr - Þorgeirsfell - Long term forecast

Leiðsögn:

Þjálfarar.

Brottför:

Kl. 8:00 á slaginu frá Össuri, Grjóthálsi 5.

Heimkoma:

Um kl. 17:00 í Reykjavík. 

Aksturslengd:

Um 1 klst. frá Reykjavík.

Akstursleiðarlýsing:

Ekið um Vesturlandsveg, Þingvallaleið en rétt áður en komið er að þjónustumiðstöðinni á Þingvöllum er beygt inn Uxahryggjaleið þar sem fljótlega er beygt til vinstri malarveg að fjallsrótum. Betra að vera á hærri bílum þennan síðasta kafla. 

Hæð:

Um 1.035 m.

Hækkun:

Um 1.000 m miðað við 170 m upphafshæð en fer endanlega eftir leiðarvali, veðri, færð og hópi.

Göngulengd:

Um 14 km en fer endanlega eftir leiðarvali, veðri, færð og hópi. .

Göngutími:

Um 6 - 7 klst. en fer endanlega eftir leiðarvali, veðri, færð og hópi.

Gönguleiðin:

Gengið í grónu landi og svo grýttu að Botnssúlunum og farið milli Miðsúlu og Súlnabergs sem fáir fara og gengið undir Miðsúlu með viðkomu uppi á hryggnum á leiðinni sem gefur alveg nýja upplifun af Botnssúlunum og haldið svo að hryggnum norðvestann megin þar sem síðasta klöngrið hefst upp á tind og hér reynir að lofthræðslu efsta hlutann í móbergsklettum sem gefa samt gott hald alla leið upp. 

Erfiðleikastig:

Um 3 af 6 eða fært öllum í góðu gönguformi fyrir ekki langa en frekar krefjandi dagsgöngu í grýttu en greiðfæru landslagi að mestu en þó varkárnu klöngri efst upp sjálfan tindinn. 

Búnaður:

Alltaf skal taka með sér vatns- og vindheldar buxur og jakka,  hlýtt höfuðfat, ullar- og belgvettlinga, ullarföt innst, góða gönguskó með ökklastuðningi, kjarngott nesti og 1-2 L af vökva eftir vegalengd og tímalengd ferðar. 

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

Sjá fb-viðburð einnig á opinni fb-síðunni: