Mófell og Ok - síðustu tveir Skarðsheiðartindarnir !

Uppfært 17. desember kl. 9:00:

Skráðir eru 8 manns: Bára, Jaana, Jóhanna Fríða, Linda, Ragnheiður, Þorleifur, Þórkatla, Örn.

Hámark 30 manns, lágmark 15 manns. 

Síðustu tveir tindar Skarðsheiðarinnar á árinu, nr. 23 og 24 takk fyrir ! Skálum á tindinum fyrir áfanganum. Frí tindferð fyrir alla þá sem náðu að ljúka við áskorunina á árinu. Dregið úr öllum þátttakendum sem luku við alla 24 tindana og árgjald í vinning. Þjálfarar koma með freyðivín og gos til að skála, hver og einn kemur með sitt freyðivínsglas. Sætur sigur og magnaður áfangi hjá þeim sem ná að klára alla tindana !

Verð:

Kr. 3.000 fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.

Kr. 5.000 fyrir klúbbmeðlimi ef ofangreindur afsláttur gildir ekki.

Kr. 7.000 fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 588-5277 eða 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. Ferð er ekki endurgreidd við afboðun ef uppselt er í ferðina og fólki var vísað frá sem vildi skrá sig. Hámark 30 manns, lágmark 15 manns. 

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng:  Yr - Mófell - Weather forecast

Leiðsögn:

Þjálfarar. 

Brottför:

Kl. 9:00 á slaginu frá Össur, Grjóthálsi 5.

Heimkoma:

Um kl. 16:00  miðað við 1:15 klst. akstur og 4 klst. göngu og græjun við bíla fyrir og eftir göngu.

Aksturslengd:

Um 1:15 klst.

Akstursleiðarlýsing:

Ekið um Vesturlandsveg og beygt til hægri inn veg nr. 50 stuttu fyrir Borgarfjarðarbrú, ekið inn í Skorradal framhjá bænum Horni, Mófellsstaðakoti, Mófellsstöðum og að gámastöð þar sem bílum er lagt.

Hæð:

Um 454 m.

Hækkun:

Um 518 m miðað við  71 m upphafshæð.

Göngulengd:

Um 8  km.

Göngutími:

Um 4 klst.

Gönguleiðin:

Gengið um aflíðandi brekkur, meðfram ánni, um gljúfur og gil og upp á grýttar bungurnar og þrætt um líparítsleginn og litríkan fjallshrygg í lokin sem kemur verulega á óvart. Heilmikið landslags sem er hulið þar til nær dregur. 

Erfiðleikastig:

Um 2 af 6 eða fært öllum í ágætis gönguformi fyrir létta og ljúfa dagsgöngu í litríku landslagi í tilkomumiklum fjallasal undir hrikalegum fjallstindum Skarðsheiðarinnar norðan megin. 

Búnaður:

Sjá upptalningu undir búnaður - farið vel yfir listann og passið að hafa allan tindferðabúnað meðferðis, góða skó, hlý föt, góðan hlífðarfatnað, vettlinga og höfuðfat og höfuðljós.

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

Sjá fb-viðburð hér: (20+) Mófell og Ok - síðustu tveir Skarðsheiðartindarnir ! | Facebook