Strútur og Mælifell á Mælifellssandi

Uppfært 8. maí 2023: 

Skráðir eru x manns: + báðir þjálfarar. 

Nýjustu tilkynningar:

*Eingöngu jeppar eða háir jepplingar inn Emstruleið og um Mælifellssand, fáum rútu ef við náum 20 manns og þá bætist rútugjald við verð ferðar. 

*Ljósmynd ferðar er tekin á leið niður af tindum Torfajökuls 14. ágúst 2021 í mergjaðri ferð þar sem bæði Strútur og Mælifellið blasa við, eins og þau gerðu stóran hluta ferðarinnar. 

Verð:

Kr. 7.000 fyrir klúbbmeðlimi sem mætt hafa í tvær tindferðir síðustu 2 mánuði NB.

Kr. 9.000 kr. fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.

Kr. 12.000 kr. fyrir klúbbmeðlimi ef ofangreindur afsláttur gildir ekki.

Kr. 15.000 kr. fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is. 

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Athugið að við viljum helst alltaf endurgreiða við afboðun þó það sé með stuttum fyrirvara, en þó er ferð ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn www.yr.no þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng.

Leiðsögn:

Þjálfarar.

Brottför:

Kl. 6:00  á slaginu frá Össur, Grjóthálsi 5.

Heimkoma:

Um kl. 18:00 en síðar ef við ákveðum að fara aðeins í heita lækinn í Landmannalaugum fyrir heimferð. 

Aksturslengd:

Um 4 klst. Jeppar eða háir jepplingar, farið er yfir Bláfjallakvísl. 

Akstursleiðarlýsing:

Ekið um Suðurlandsveg á Hvolsvöll og þaðan inn Fljótshlíðina og áfram jeppaslóðann á Emstruleið þar sem komið er inn á Laugavegsgönguleiðina og slóðinn ekinn yfir Bláfjallakvísl og eftir Mælifellssandi inn að Strútsskála þar sem gangan hefst. 

Hæð:

Um 973 m á Strút og 760 m á Mælifelli.

Hækkun:

Um 450 m á Strút miðað við 563 m upphafshæð og um 273 m á Mælifelli miðað við 569 m upphafshæð en fer endanlega eftir leiðarvali, veðri, færð og hópi.

Göngulengd:

Um 7 km á Strút og 1,5 km á Mælifell en fer endanlega eftir leiðarvali, veðri, færð og hópi. .

Göngutími:

Um 3-4 klst. á Strút og um 1-2 klst. á Mælifell en fer endanlega eftir leiðarvali, veðri, færð og hópi.

Gönguleiðin:

Gengið að mestu á slóða um mjög fjölbreytt landslag upp og niður fjögur fjöll í sandi og yfir lækjarsprænur.

Erfiðleikastig:

Um 3 af 6 eða fært öllum í ágætis gönguformi fyrir langa en ágætlega greiðfæra dagsgöngu á slóða að mestu. 

Búnaður:

Alltaf skal taka með sér vatns- og vindheldar buxur og jakka,  hlýtt höfuðfat, ullar- og belgvettlinga, ullarföt innst, góða gönguskó með ökklastuðningi, kjarngott nesti og 1-2 L af vökva eftir vegalengd og tímalengd ferðar. 

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

Viðburður á fb hér: