top of page

Sat, Aug 31

|

#FjöllinaðFjallabaki

Strútur og Mælifell á Mælifellssandi með rútu

Glæsileg ferð á svipmiklu skærgrænu fjallstindana tvo sem rísa við Strútsskála undir Torfajökli í tveimur, aðskildum, frekar stuttum göngum en mjög fallegum með stórkostlegu útsýni yfir Mælifellssand og náttúruperlurnar þar við Mýrdalsjökul.

Strútur og Mælifell á Mælifellssandi með rútu
Strútur og Mælifell á Mælifellssandi með rútu

Time & Location

Aug 31, 2024, 7:00 AM – 8:00 PM

#FjöllinaðFjallabaki, Strútslaug, 881, Iceland

About the Event

Uppfært 31. maí 2024: 

Skráðir eru x manns: + báðir þjálfarar. 

Nýjustu tilkynningar:

*Lágmarks- og hámarksþátttaka er 16 manns til að fá rútu til að ferja okkur. Ef það næst ekki þá er spurning hvort nægilega margir jeppar komast og þjálfarar geta fengið far. Þá er verðrið 7.000/9.000/12.000 kr. en EF þjálfarar þurfa að leigja jeppa þá hækkar verðið í samræmi við það (sjá þá síðar). 

*Ljósmynd ferðar er tekin á leið niður af tindum Torfajökuls 14. ágúst 2021 í mergjaðri ferð þar sem bæði Strútur og Mælifellið blasa við, eins og þau gerðu stóran hluta ferðarinnar. 

Verð:

Kr. x.000 kr. fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.

Kr. x.000 kr. fyrir klúbbmeðlimi ef ofangreindur afsláttur gildir ekki.

Kr. x.000 kr. fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is. 

Mjög mikilvægt er að skrifa í skýringu hvaða ferð er verið að greiða, nóg að setja nokkra stafi í nafni fjallsins svo skiljist.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Athugið að við viljum helst alltaf endurgreiða við afboðun þó það sé með stuttum fyrirvara, en þó er ferð ekki endurgreidd við afboðun ef uppselt er í ferðina og fólki var vísað frá sem vildi skrá sig eða ef fáir voru skráðir og ferð hefði verið aflýst vegna ónógrar þátttöku.

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn www.yr.no þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng.

Leiðsögn:

Þjálfarar.

Brottför:

Kl. 7:00  á slaginu frá Össur, Grjóthálsi 5.

Heimkoma:

Um kl. 21:00.

Aksturslengd:

Um 4 klst. Jeppar sem komast yfir Bláfjallakvísl komast í þessa ferð (venjulegir jeppar ættu duga ef ekki miklir vatnavextir). 

Akstursleiðarlýsing:

Ekið um Suðurlandsveg á Hvolsvöll og þaðan inn Fljótshlíðina og áfram jeppaslóðann á Emstruleið þar sem komið er inn á Laugavegsgönguleiðina og slóðinn ekinn yfir Bláfjallakvísl og eftir Mælifellssandi inn að Strútsskála þar sem gangan hefst. 

Hæð:

Um 973 m á Strút og 760 m á Mælifelli.

Hækkun:

Um 450 m á Strút miðað við 563 m upphafshæð og um 273 m á Mælifelli miðað við 569 m upphafshæð en fer endanlega eftir leiðarvali, veðri, færð og hópi.

Göngulengd:

Um 7 km á Strút og 1,5 km á Mælifell en fer endanlega eftir leiðarvali, veðri, færð og hópi. .

Göngutími:

Um 3-4 klst. á Strút og um 1-2 klst. á Mælifell en fer endanlega eftir leiðarvali, veðri, færð og hópi.

Gönguleiðin:

Gengið að mestu á slóða upp frekar brött en vel fær fjöll með stórkoslegu útsýni. 

Erfiðleikastig:

Um 3 af 6 eða fært öllum í ágætis gönguformi fyrir tvær frekar stuttar fjallgöngur uppi á hálendi.

Búnaður:

Alltaf skal taka með sér vatns- og vindheldar buxur og jakka,  hlýtt höfuðfat, ullar- og belgvettlinga, ullarföt innst, góða gönguskó með ökklastuðningi, kjarngott nesti og 1-2 L af vökva eftir vegalengd og tímalengd ferðar. 

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

Viðburður á fb hér: Sjá fb-viðburð einnig á opinni fb-síðunni www.facebook.com/fjallgongur.is = (20+) Facebook

Share This Event

bottom of page