Sat, Oct 16 | Skarðsheiði, Iceland

Súlárdalur - fimm tindar í Skarðsheiði

Mögnuð ganga á tindana sem rísa gegn Heiðarhorni og Skessuhorni í Skarðsheiði - alls fimm tinda leið á Tungukamb, Skarðskamb, Skessukamb, Þverfjall og Eyrarþúfu. Tindar 16-20 af 23 #Skarðsheiðardraumurinn
Súlárdalur - fimm tindar í Skarðsheiði

Time & Location

Oct 16, 7:00 AM – 6:00 PM
Skarðsheiði, Iceland

About the Event

1. október: Ferð frestað til laug 16. október. Illasúla er á dagskrá 9. október en ef ekki er hægt að fara á hana af einhverjum ástæðum þá er hugsanlegt að Súlardalurinn verði færður til 9. okt. Vonum það besta !

Uppfært 1. október 2021:

Staðfest brottför út frá þátttökufjölda en veður gæti hindrað för.  Metum fram á föstudagsmorgun m.t.t. vinds sem er um og yfir 10 m/sek á laugardag.  

Skráðir eru 14 manns: Egill, Fanney, Guðný Ester, Gunnar Már, Haukur, Helga Rún, Jaana, Linda, Ragnheiður, Siggi, Silla, Steinar R., Þórkatla, Örn. 

 

Laus 16 pláss. Hámark 30 manns, lágmark 15 manns. 

Afboðað: Ása. 

Verð:

Kr. 5.000 fyrir klúbbmeðlimi sem mættu í tindferð síðustu 2 mánuði eða ef bæði hjón/par/vinir mæta.

Kr. 7.000 fyrir klúbbmeðlimi ef ofangreindur afsláttur gildir ekki.

Kr. 9.000 fyrir gesti sem vilja prófa göngu með klúbbnum.

Greitt beint inn á reikning Toppfara ehf: 0114-26-58100. Kt: 581007-2210 eða með símgreiðslu á kreditkorti:

Örn í síma: 588-5277 eða 899-8185 og Bára í 867-4000 og tölvupóst orn-bokari(hjá)simnet.is eða baraket(hjá)simnet.is.

Skráning og skilmálar:

Skráning eingöngu gild með greiðslu. Þeir sem eiga inneign meldi það inn eða sendið okkur skilaboð / póst. 

Hámark 30 manns. Lágmark 15 manns. 

Veðurspár:

Sjá www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár, en taka þarf með í reikninginn að um fjallllendi er að ræða þar sem önnur lögmál gilda en á láglendi og oft er hæðartala á þessum vef röng: Yr - Skarðsheiði - Weather forecast 

Leiðsögn:

Örn (Bára að vinna). 

Brottför:

Kl. 7:00 á slaginu frá Össur, Grjóthálsi 5.

Heimkoma:

Um kl. 18:00  miðað við 1 klst. akstur og 8 klst. göngu og græjun við bíla fyrir og eftir göngu. 

Aksturslengd:

Um 1 klst.

Akstursleiðarlýsing:

Ekið um Vesturlandsveg, Hvalfjarðargöng, til hægri þjóðveg 504 um Svínadalsveg framhjá bænum Efra Skarði (þar sem gengið er upp á Heiðarhorn) og áfram veg 502 en stuttu eftir að ekið er framhjá bænum Hlíðarfæti er bílum lagt vinstra megin við veginn á malarstæði við gamla símastaura og sandhóla (rétt vestan við brúnna yfir Súlá). Fólksbílafært. 

Hæð:

Um 1.051 m. 

Hækkun:

Um 1.240 m.

Göngulengd:

Um 16,5 km.

Göngutími:

Um 8 klst.

Gönguleiðin:

Frekar löng en greiðfær leið á tvo af nánast hæstu tindum Skarðsheiðarinnar sem falla í skuggann af hæsta Heiðarhorninu sjálfu. Brölt upp grjót, skriður og kletta (létt og greiðfært klöngur) á Tungukambi (706 m) alla leið á Skarðskamb (1.039 m) og komið fram á kyngimagnaðar fjallsbrúnirnar þar sem Vesturlandið blasir allt við og einstakt útsýni fæst á Skessuhorn ofan frá. Þrætt með kyngimögnuðum og svipmiklum brúnunum yfir á Skessukamb (1.051 m)  þar sem Skessuhornið tengist við Skarðsheiðina en sá útsýnisstaður á Skessuhorn er  nauðsynlegt að allir upplifi. Frá þeim tindi er þrætt niður á við um Þverfjallið (715 m) aflíðandi, einfalda leið með Súlárdalinn á hægri hönd og skottast um Eyrarþúfuna (494 m) (annað nafn er Hlíðarfótarkambur skv. kortum)  í lokin niður í skóginn að bílunum. 

Erfiðleikastig:

Um 2-3 af 6 eða fært öllum í ágætis gönguformi fyrir nokkuð langa vegalengd á greiðfærri leið að mestu, með skemmtilegu og vel færu klöngri á uppleið um Tungukamb og um brúnirnar yfir á Skessukamb og svo á greiðfærri leið niður um Þverfjall og Eyrarþúfu. Gengið í grasi, mosa, grjóti, möl og klettahjöllum og sléttum fjallsbungum og brúnum. 

Búnaður:

Sjá upptalningu undir búnaður - farið vel yfir listann og passið að hafa allan tindferðabúnað meðferðis, góða skó, hlý föt, góðan hlífðarfatnað, vettlinga og höfuðfat og höfuðljós.

Tryggingar:

Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

Sjá fb-viðburð hér:  (20+) Súlardalur - fimm tinda leið í Skarðsheiði | Facebook

Share This Event