Vinafjallið mitt árið 2021

Alls tóku 15 manns þátt og gengu 11 manns á Úlfarsfell, tvær á Esjuna og tvö á Helgafell í Hafnarfirði.
Bára og Kolbeinn náðu 100 ferðum, Katrín Kjartans náði 76 ferðum (aldurstala) 
en afrek Betu stendur upp úr að okkar mati þar sem hún fór 52 ferðir á Esjuna, oftast ein krefjandi og langar göngur. 
Hún var því dregin út og fær árgjald að verðmæti 20.000 kr í verðlaun. 
Allir þátttkendur fá að auki eina hefðbundna tindferð í vinning sem þeir geta nýtt sér þegar þeim hentar. 
 

Alls 100 ferðir á Úlfarsfell, aðallega frá Sólbakka þar sem hundurinn Batman gat þá hlaupið frjáls en þetta er léttari leið upp en hinar því miður :-) Mjög gaman að gera þetta en var orðin svolítið leið undir lokin að fara þrjár ferðir á viku. Tek Mosfellið næst x52 árið 2022 og hlakka til !

Fór 52 ferðir á Esjuna. Læt tölfræðina fylgja með. Hefði verið flott að hafa samanlagða hækkun í hverri ferð með, hefði þá fengið hærri tölu  en setti bara inn hækkun á hæsta punkt og lengd ferðar í km. Ég er endanlaust þakklát fyrir þessa áskorun ykkar og hvatningu. Nú er Esjan komin með sérstakan stað í hjarta mínu og þykir svo undur vænt um hana.

Fór 53 ferðir. Er ekki með hækkunina en þetta voru um 216 km.

Ég náði ferð 52 með Toppförum á gamlársdag. Set nýrri mynd af hjartasteininum mínum, en hann er sunnan undir Stórahnúk. Er ekki með tölfræði, fer bara til að æfa og njóta.

Ég fór 53 ferðir á Úlfarsfellið (sönnunargögn á Strava.

Fór 53 ferðir á Úlfarsfellið árið 2021, þökk sé ykkur að setja á blað svona flotta áskorun. Ég fór eina ferð fyrir hvert ár mitt (fædd í des 1968). Þetta var frábær hjálp við markmiðið að hreyfa mig meira árið 2021 en 2020. Ég get reynt að taka saman km, tímann og hækkunina, tók “screenshot” af öllum ferðunum. Mér fannst stór hluti ferðanna vera farin í hálfrökkri eftir vinnu og alltaf samt hlýlegt að horfa yfir iðandi borgina þannig að ég sendi mynd úr ferð 52 þann 30.12.2021. Ég hef aldrei fyrr prófað þetta, að ganga svona oft á sama fjall. Fór því færri ferðir á Helgafellin og Reykjafellið, en Úlfarsfell er líka alltaf að koma manni á óvart og alltaf gaman að leggja upp á það 

Eins og ég var búin að segja svo var ég ekki í þessum frábæra Toppfarahópi fyrr en frá lok apríl 2021 og þannig ekki með í vinafjallaáskorunina 2021 en ef þú vilt hafa þetta með svo ok. Af öllum mínum 138 fjallaferðum á árinu voru greinilega 56 einhverstaðar á Esjunni, svo að mætti þá kalla Esjuna vinafjallmitt 2021  En nú í ár verður það bara Móskarðshnúkar þar sem við í Toppförum munum saman taka Esjuna í gegn og mér finnst ekki þá nógu mikið áskorun að taka þær ferðir með í vinafjallsáskorunina... Sjáum svo til hvernig gengur hjá mér... Eina mynd frá 2021?! Það verður erfitt....en ok, Esjan.

Vinafjall mitt var Úlfarsfellið. Fór alls 76 ferðir, 288,2 km. 16.845 m. hækkun og tíminn sem fór i þetta var 2d 7h 28 mín. Gekk ýmsar nýjar leiðir og urðu sumar að mínum uppáhalds leiðum. Gaman að gera þetta svona.

​

Hjörtun af Úlfarsfellinu eru fjölmörg. Vel hér 1 hjarta frá hverri árstíð.

#vinafjalliþmittx52 Úlfarsfell 31/12 2021 ferðir 98, 99 & 100