Mógilsárgljúfur í Esju frá sjó að upptökum við Geithól #Esjanöðruvísi

Æfing nr. 850 þriðjudaginn 6. maí 2025

Bára þjálfari er með Esjuna sem vinafjallið sitt í fyrsta skipti eftir nokkur ár á Úlfarsfelli... og það hefur þýtt að hún er að prófa alls kyns nýjar leiðir á þessu fallega fjalli...

Ein af þeim var að rekja sig meðfram Mógilsá frá því við bílastæðið undir Esjunni þar sem áin fellur í sjó fram... og alla leið upp að Geithóls þar sem vatnið kemur undan berginu og byrjar að renna niður hlíðar Esjunnar...

Við gátum ekki beðið með að hafa þessa leið á dagskrá og settum hana í stað Bolakletts í Borgarfirði sem víkur í enn eitt skiptið af dagskránni...

Ása hér í stíl við bergið á leiðinni... í nýjum buxum og skó og peysu og höfuðfat allt í stíl ! Ekkert smá flott !

Gljúfur Mógilsár í Esju... steinsnar frá fjölförnum slóðanum... er alveg magnað að upplifa...

Heilmikið klöngur en fegurðin slík að allir vildu leggja þetta á sig... enda varla hægt að tala um fjallamennsku þegar menn ganga á breiðum, sléttum slóðum allar göngur...

Við megum ekki hætta að klöngrast og brölta um ókunnar og ótroðnar slóðir... því annars hættum við að geta gengið á fjöll...

Hvílík dýrðarinnar leið ! Það er ekki hægt annað en mæla með þessari leið við alla sem vilja meira en slétta stíga á fjalli !

Mættir voru alls 13 manns... grátlega fáir í raun þar sem þetta var Esjan og svo falleg, ný leið... Smári, Sigrún Bjarna., Hjörtur, Sighvatur, Karen, Sjöfn Kr., Örn, Linda, Inga, Siggi, Ása og Silla og perluvinirnir, Batman og Myrra léku sér með og Bára tók myndina...

Komin að brúnni... hér verður leiðin léttari og greiðfærari upp efri hlutann... en áfram heilandi og nærandi...

Ofar tók þokan við... og svo smá rigningarsúld á Geithólsleiðinni niður Rauðurðina...

En aftur kom skyggnið þegar neðar var komið og við tókum grassléttuna síðasta kaflann og lentum ofan við Esjustofu síðasta hlutann... alveg frábær leið sem er komin til að vera reglulegan á þriðjudögum... !

Alls 6,1 km á 3:01 klst. upp í 484 m hæð með alls 468 m hækkun úr 16 m upphafshæð...

Takk öll elskur fyrir að mæta, þessi æfing var í hæsta gæðaflokki og enn ein nýjan leiðin á #Esjanöðruvísi að hætti Hjölla