Norðurpóllinn hvað ? Dagmálafell og Kjölur úr Kjós í ískulda, gullsól og stórkostlegri víðsýni

Tindferð nr. 323 laugardaginn 7. desember 2024

Að vakna með fjöllunum...... að þessu sinni keyrandi upp Mosfellsheiði... á leið í kjósina... af því við lögðum ekki af stað úr bænum fyrr en klukkan tíu...

Þetta var fjalllendi dagsins... jólatindferðin var á Kjöl um Dagmálafell úr Kjósinni... sem við höfðum lengi verið á leiðinni að bæta í safnið okkar...

Það er tignarlegur tindur þarna upppi... við ætluðum að reyna að finna hann... en sáum hann aldrei þennan dag...

Lagt var af stað kl. 10:50... eftir 35 mín akstur... með leyfi bóndans í Hækingsdal lögðum við bílunum við stóru keflin...

Sandfell í Kjós svo tignarlegt og fagurmótað... ég man ennþá þegar ég tók fyrst eftir þessu fjalli... árið 2007 og við vorum að byrja að móta fjallgönguklúbbinn...

Upp fórum við með þessu gili... Krúnudalur og Þverárdalur eru örnefnin á þessum stað...

Frosinn lækurinn...

Fínasta færi og saklaus leið en vel á fótinn... hér leið Ingunni ekki vel og á endanum ákvað hún að snúa við og kemur vonandi aftur sem fyrsta í göngu !

Hækingsdalur og Sandfell þegar litið var niður Kjósina....

Frosnir fossar og heiðbláir að lit... Sighvatur, Örn, Jóhanna Fríða og Gulla...

Steinar, Brynjar og Birgir... það var jöfn kynjaskipting í þessari göngu... einmitt eins og við viljum hafa það... eins og það var í gamla daga...

Hér fór sólin að skína og náði þarna inn...

Sjá færið...

Frábær hópur á ferð... þrír hundar... og sumir að koma í sína fyrstu tindferð eftir langt hlé...

Birtan þennan dag var að byrja að mæta...

... hún lék stórt hlutverk þennan dag...

Jólaþemað... jólahúfur... jólahlaðborð... jólaskreytingar...

Klettanös hér...

Þessi gyllti litur...

Hér er farið að sjást til Skarðsheiðar...

Akrafjallið er þarna í fjarska... nær eru Skálafellsháls sem er kominn tími á að rifja upp á þriðjudagskveldi...

Skálafellsháls... og Múli ásamt Höggunum og Trönu...

Móskarðahnúkar farnir að kíkja upp fjær... sjá hrygginn á Múla hægra megin... allt fjöll sem við erum búin að ganga á...

Það voru forréttindi að vera að bæta nýjum fjöllum í safnið... þau eru orðin fágæt í svona lítilli fjarlægð frá borginni...

Eftir brekkuna á Dagmálafelli tók heiðinni við...

Þessi frosni foss hefði verið geggjuð brekka þegar maður var lítill að leita að hröðum sleðabrekkum...

Sighvatur með Móskörðin á bak við sig...

Uppi var stífur vindur og hann lamdi vel á okkur... það varð ískalt... og lítið hægt að spjalla þegar verst lét... en við létum okkur hafa það...og kvenþjálfari benti á að samkvæmt spánni átti að lægja með deginum... breytilegar átti fram yfir hádegið og svo lygnara... en það átti ekki að vera svona mikið rok samt takk fyrir :-)

Sólin farin að gylla allt...

Skyndilega tók hún að skína á okkur og allt varð svo fallegt og léttara...

Framundan sást til tinds sem gat verið sá hæsti… en þjálfara grunaði að hann væri lengra í burtu og átti í raun að vera meira til hægri…

Blákollur í við Hafnarfjall farinnn að sjást vel hér...

Úfin skýin framundan í þessum stífa vindi sem lamdi á okkur... en við héldum ótrauð áfram...

Það var eins gott að vera með allan búnað... ullina innst og skelina yfir... frostið beit hart... og líklega var vel yfir 10 stiga frost þegar kaldast var í vindkælingunni...

Þjálfarar ákváðu að taka beinni línu yfir þetta gil.. ekki sneiða eins mikið ofan við það þar sem þeim sýndist leiðin fær... og hún var aldeilis saklaus þegar að var komið...

Hér hefði samt ekki verið hægt að fara nema af því áin var frosin.... en þetta var eini sstaðurinn sem gaf skjól... og því fengum við okkur nesti hér...

Litið niður eftir ánni og fram af... foss neðar... þetta var Þverá...

Það var krefjandi að taka nestispásu.... svo kalt... en nauðsynlegt... og við héldum uppi jákvæðum anda... enda ekkert annað í stöðunni við svona aðstæður... kuldinn reyndi verulega á...

Jólanestið.... jólastaur... jólaöl... mandaríma... piparkaka... jólakagkaka... jú, og svo venjuleg samloka :-)

Þrjú koma í jólapeysum... við skelltum okkur í myndatöku þrátt fyrir kuldann...

Birgir sagði að honum hlýnaði við að fara í peysuna yfir jakkann... og gekk það sem eftir var upp á tind í peysunni...

Vestari tindurinn á Kili...

Ein af nokkrum brekkum...

Þessi stapi var norðar... þetta var varla tindurinn sem við sáum skaga up úr fjalllendinu í fjarska ? Það má spyrja sig samt...

Snjórinn skafinn...

Skálafell... Sauðafell... Móskarðahnúkar... Skálafellsháls... Múli, Höggin og Trana...

Norðurpólsfílíngur...

Þetta var svo fallegt...

Lág vetrarsólin á þessum tíma... gefur kyngimagnað myndefni...

Pant alltaf fara á fjall í þessum dimmasta mánuði ársins...

Við þurftum að setja höfuðið fram og halda áfram í bítandi kuldanum og vindinum... og enginn gaf eftir...

Sjá skafrenninginn... og vindinn...

Takk fyrir okkur sól...

Heilmikið landslag þarna á Kili...

Önnur brekka...

Snjórinn mjúkur...

Farin að sjá til fjalla í suðri... Bláfjalla, Reykjanesið og svo er Skálafellið þarna hægra megin...

Til Esjunnar...

Víðáttan... snjórinn... bláminn... kuldinn... þetta var yfirnáttúruleg uplifun eins og áður á þessum vetri...

Litið til baka...

Sólin var á himni tæpa fjóra klukkutíma... reis kl. 10:59 og settist kl. 15:37...

Frosnu stráin...

Friðurinn...

Farið að sjást til Þingvalla... Hekla , Tindfjallajökull og Eyjafjallajökull fjærst vinstra megin...

Dj. voru allir duglegir !

Elsku Batman... æxlið stækkar og stækkar... og það blæðir úr því þegar hann rekur það í jörðina...

Hef þessar myndir hér til að varðveita þennan harmleik... þyngra en tárum taki... einfaldlega hræðilegt...

En Batman er sprækur... gefur ekkert eftir í göngunum... borðar, drekkur, sefur, fer í göngutúra og knúsar og gerir allt eins og vanalega... nema kannski svolítið minni orka... en hann er ennþá fremstur... og bíður ennþá eftir manni í göngunum... hverfur stundum þegar tindinum er náð... höfum haldið að hann væri að leita að drykkjarvatni... en það virðist ekki vera svo einföld skýring... hefur týnst nokkrum sinnum á fjalli á árinu en alltaf komið þegar flautað er á hann að lokum......

Fremstu menn...

Gjörnýting á dagsbirtunni... rökkur í bænum allan dagin á þessum árstíma... það er þess virði að fara á fjall og drekka í sig birtuna...

Hjarnið...

Stráið og við...

Mjöllin skafin...

Komin ansi langt frá Dagmálafelli...

Bláminn...

Brynjar og Tíra... góðir göngufélagar...

Tindurinn í augsýn...

Elsku Tíra... ljúfa og blíða... hrímuð í kuldanum... hún gætir Brynjar Orn Arnarson síns af kostgæfni... en gætti um leið hjarðarinnar þegar mest á reyndi í rökkrinu i lok göngunnar...

... beið róleg meðan við Birgir tókum síðustu brekkuna niður í lítilli birtu... án þess að missa sjónar af Brynjari sínum sem var framar... smalahundshjartað brást ekki...

Elsku Baltasar... sem lærir hratt af eldri hundunum og gefur okkur geislandi gleði sama hvernig veðrið lætur og kuldinn bítur... ísbjarnarbangsinn okkar dásamlegi...

Stutt eftir...

Kjölur... hæsti tindur... í mældri 776 m hæð... magnaður staður !

Sýnin til Þingvallavatns...

Til suðvesturs...

Fremstu menn... magnað myndband tekið hér... algert logn skollið á og við nutum þess í botn að koma hingað !

Botnssúlurnar í allri sinni dýrð... sést til Norðursúlu, alls hryggjar Vestursúlu, Miðsúlu smávegis og svo Syðstu súlu... Hlöðufell á bak við hlgra megin og hornið á Ármannsfelli...

Búrfell í Þingvallasveit... loksins... vorum við hérna megin... sjá Skriðu, Skriðutinda, Klukkutinda, Skefilsfjöll, Hrútafjöll, Kálfstinda og Reyðarbarmana... Ármannsfell nær vinstra megin á myndinni...

Skarðsheiðin í allri sinni fegurð...

Síðustub menn upp...

Hér var kalt... en komið logn og við fögnuðum vel...

Ef maður fór aðeins úr vettlingunum... þá var maður lengi að vinna sér upp hita aftur...

Gulla, Brynjar, Sighvatur, Jóhanna Fríða, Steinar R., Sjöfn Kr., Örn, Fanney, Aníta, Skarphéðinn, Birgir og Bára tók mynd og Tíra, Batman og Baltasar sjást hér á myndinni líka :-)

Um leið og hellt var úr þessari flösku í dallinn hans Batmans... þá fraus hún... og tappinn í stútnum lokaði alveg fyrir og var ekki brotinn upp aftur með handafli... slíkt var frostið þarna... vatnið fraus nánast strax...

En við gáfum ekki eftir og slógum upp jólahlaðborðinu okkar… í þessi bítandi frosti…

Gómsætar veitingar…

Flestir treystu sér ekki einu sinni til að setjast við hlaðborðið… það var svo kalt… við vorum þrjár sem settust...

Heimatilbúnar smákökur, konfekt, ostar, vínber, laufabrauð, sælgæti...

Gullfalleg birta... litir þessa árstíma... blái, bleiki, hvíti og guli...

Frábært að ná þessu... eftir allan ískalda vindinn í fangið á uppleið...

Svo fór að koma gjóla... og okkur varð enn kaldara... og þá var ráð að pakka saman.. dúkurinn var frosinn fastur við jörðina... vatnið var frosið...

Við strunsuðum af stað til að koma hita í kroppinn...

Drukkum í okkur fegurðina allt í kring…

Hlóðum okkur sólarorku…

Nutum þess að vera hér… á þessari stundu…  

Bláminn var ölvandi fagur...

Náttúran skákar okkur margfalt…

Litið til baka…

Þéttum hópinn öðru hvoru…

Tunglið mætt… sólin farin… samvinna himintunglanna beint fyrir framan okkur…

Renndum okkur niður brekkurnar....

Ótrúlega heilandi !

Hundarnir til í þetta líka :-)

Mikið spjallað...

Það var farið að rökkva á tindinum... svo við vorum að gjörnýta birtuna...

Heilmikið landslag á þessari leið...

Móskörðin aftur komin nær okkur... svo falleg í ljósaskiptunum...

Stutt eftir...

Klakafossinn.... og tunglið...

Magnaður staður... fyrir þá sem hafa þennan landslagssmekk...

Tíra gætti síðustub manna vel...

Jóhanna Fríða með jólaljós á bakpokanum eins og Kolbeinn... alger snilld !

Eftur renndum við okkur…

Þetta var svo gaman !

Og örugglega mjög hollt fyrir sál og líkama 😊 

Kjósin mætt aftur…

Hamarinn í brekkunni… ef við bara hefðum vitað hversu mikill kuldi og vindur beið okkar um morguninn...

Ein buna í viðbót… hvað annað 😊 

Fljót hér niður í fínasta færi…

Myrkrið læddist inn en við sluppum við að  ná í höfuðljósin…

Við þurfum að taka þriðjudagsgöngur í þessum hlíðum og skoða gljúfrin… búin að vera lengi á leiðinni að ganga meira hér…

Litið til baka…

Frosni lækurinn…

Tunglið fylgdi okkur alla leið niður eins og tryggur stuðningsmaður…

Máni...

Bílarnir...

Tíra að passa síðustu menn en um leið ekki missa sjónar á Brynjari sínum…

Takk fyrir okkur Dagmálafell og Kjölur…

Komin fyrir myrkur...

Alls 14,9 km á 6:11 - 6:15 klst. upp í 494 m á Dagmálafelli og 776 m á Kili með alls 922 m hækkun úr 98 m upphafshæð…

Þetta var sannarlega jólaleg jólatindferð sem stóð undir nafni…

Við þökkum Helga bónda í Hækingsdal kærlega fyrir góðfúslegt leyfi til að fá að leggja bílunum við keflin…

Batman leyfði Tíru að vera hjá sér í skottinu á heimleið… vinir á fjöllum frá fyrstu stundu…

JOg óhanna Fríða tók bakpokana fyrir þjálfarabílinn þar sem þeir fengu óvænt ntvo í bílinn sinn til baka þar sem Ingunn sneri við í byrjun dags... og Batman þarf sitt pláss ís kottinu...

Gps-slóðin: https://www.wikiloc.com/wikiloc/user.do?id=77475

Myndbandið: Dagmálafell og Kjölur úr Kjós 071224 - YouTube

Hjartansþakkir fyrir þessa óskaplega fallegu og um leiðn krefjandi göngu sem reyndi vel á hvað varðar kuldann á uppleið... en það var hvers skrefs virði...