Vífilsfell með Sigga

Æfing nr. 807 þriðjudaginn 4. júní 2024.

Meðan þjálfarar fóru vikuferð með Toppfara til Chamonix að freista þess í annað sinn að ganga á Mont Blanc sjálfan, bauð Siggi upp á tvær þriðjudagsgöngur þessa viku og var sú fyrri á Vífilsfellið en þetta kvöld var mjög hvasst svo vel reyndi á göngumenn.

Frá Sigga á fb:

"Þvílíkir naglar sem mættu í þvílíka rokferð upp á Vífilsfell í kvöld takk elsku þið sem mættuð og sögðu bara ekkert mál látum ekki rokið stoppa okkur."

Alls mættu fimm manns en tölfræði vantar.

Hjartansþakkir elsku Siggi fyrir þessa flottu göngu !

Og fyrir að hafa ætlað að bjóða upp á Esjuna viku seinna í sól og blíðu en það kvöld var mikil gosmóða yfir borginni og mælst til þess að fólk væri ekki úti við að óþörfu svo kvöldið endaði á að flestir héldu sig til hlés en Siggi og Linda gengu á varaplanið sem hann bauð upp á sem var Hafrahlíðin og einhverjir gengu á Esjuna eða annað sem hentaði. Þennan seinnipart lentu Mont-Blanc-fararnir í þessu blíðskaparveðri og það var heldur grátlegt að sjá ekki þetta góða veður nýtast þar sem fátt var um slíkt þetta sumarið.