Búrfell og Stórhóll við Hafravatn í rigningu og sól

Æfing nr. 861 þriðjudaginn 12. ágúst 2025

Fyrsta æfing þjálfara eftitr sumarfrí var þriðjudaginn 12. ágúst eftir að hafa hætt við göngu vikuna á undan við fjallsrætur þar sem eingöngu Helgi var mættur við Laufskörð og roki og rigningu... og reyndar Björg mætti líka... en það var eftir að við blésum gönguna af og vorum lögð af stað keyrandi til baka frá Esjunni...

En nú var góð mæting og þjálfarar buðu upp á nýja leið í safnið... Búrfell sem rís austan við Hafravatn og er ósköp saklaust, lágt og létt... og svo upp á Stórhól og til baka um fjallsöxl Bæjarfells...

Dásamleg ganga þar sem vaða þurfti tvisvar yfir Seljadalsá sem er líklega skýringin á því hversu fáir ganga þarna um fyrir utan að þetta er sumarhúsasvæði að hluta... en lúpínan reyndist þó okkar helsta hindrun á leiðinni... en bara hollt og gott eftir sumarfrí... og svo skiptust á skin og skúrir eins og gjarnan þetta sumarið... blautt og þungbúið fyrri hluta göngunnar en svo skein sól í heiði og við ætluðum varla að tíma að fara heim...

Alls 7,5 km á 2:50 klst. upp í 275 m hæðmeð alls 183 m hækkun úr 79 m upphafshæð.

Yndislegt með meiru... ljósmyndir og nafnalisti undir hópmyndinni hér fyrir neðan:

Mættir voru alls 12 manns:

Silla, Guðjón, Hjörtur, Ása, Ragnheiður, Siggi, Linda, inga, Örn, Helgi og Sighvatur en Bára tók mynd og Batman og Myrra nutu þess í botn að hitta fjallahópinn sinn aftur...

Dásamlegt kvöld og skemmtileg ný leið í safnið en Hulduhóll bíður betri tíma... við náum honum næst !