Mosfell eftir sólsetur

Æfing nr. 872 þriðjudaginn 4. nóvember 2025

Vegna ófærðar þegar snjókomumet var slegið í október í höfuðborginni þriðjudaginn 28. október... þar sem æfingu var aflýst... og ekki var hægt einu sinni að leggja bílunum í einn eða tvo daga eftir þetta fannfergi við rætur Úlfarsfells... var andstæða þessa veðurs viku seinna á Mosfelli fyrsta þriðjudag í nóvember...

Logn og nánast heiðskírt... sólin sest en gylling sólsetursins og svo tunglbirtan lýstu leið okkar þetta kvöld... og við nutum þess að taka létta og notalega göngu um fallegt fjall og spjalla og horfa á Esjuna og Mosfellsfjöllin allt í kring...

Alls 4,4 km á 1:23 klst. upp í 284 m hæð með alls 244 m hækkun úr 67 m upphafshæð.

Ljósmyndir hér fyrir neðan og nafnalisti undir hópmyndinni:

Mættir voru alls 19 manns... Lilja Sesselja tók hringinn á undan okkur og taldist með þar sem hún klukkaði okkur í byrjun göngunnar:

Efri: Björg, Brynjar, Silla, Ragnheiður, Þorleifur, Örn, Kolbeinn, Guðjón, Hjörtur, Sighvatur og Olli.

Neðri: Halldóra Kr., Linda, Sjöfn Kr., Siggi og Agnar en Bára tók mynd og Batman og Mía voru hundar kvöldsins...

Mögnuð listasmíði á Mosfelli eins og á fleiri fjöllum Mosfellinga... takk fyrir yndisgöngu sem nærði sál og líkama... Litla Baula á laugardaginn og það er frábær veðurspá og frábær mæting !