Laufafell með útsýnishring um Fjallabak við Markarfljót #FjöllinaðFjallabaki

Tindferð nr. 342 laugardaginn 20. september 2025

Ekið upp með Keldum... þessar létu okkur bíða eftir sér í háltíma eða svo... smölun niður í byggð í gangi þennan fallega laugardag... já... aksturinn uppi á hálendi er alltaf ævintýri út af fyrir sig...

Loksins fengum við að ganga á þetta fjall... búin að aflýsa göngu á það oftar en einu sinni... en þegar ný fjöll eru annars vegar... þá látum við aflýsingar og frestannir ekki slá okkur út af laginu...

Lagt af stað úr bænum kl. 08... þétt í bíla á Hellu... keyrt á 2 jeppum og 3 jepplilngum upp með Keldum... bak við heklu og Tindfjallajökul... og loksins lagt af stað kl. 11: 14... í ísköldum vindi við frostmark...

Við studdumst við gps-slóðir Hugrúnar Hannesdóttur og Þórunnar Kristínar Guðmundsdóttur á wikiloc sem létti okkur mjög lífið þar sem óvíst var með skyggni í þessari hæð... haf kæra þökk fyrir það stelpur !

Hvílíkur kuldi... rakinn hélaður og frostperlur í efsta hluta fjallsins...

Jeppar keyrðu framhjá fjallinu allan daginn... það kom verulega á óvart þar sem maður hefði ekki haldið að þessi leið væri fjölfarin... en líklega eru jepparnir að flýja jepplingamergðina á fjölfarnari slóðum á svæðinu ? Erfitt að segja...

Frosinn fjallalækur... í um 800 m hæð..

Fyrsta frostið veturinn 2025 - 2026... eftir þessa helgi... kom slagveðursvika með hitastigi yfir 10 stigum á flestum stöðum... roki og rigningu... við vorum sannarlega heppin...

Hvílík fegurð...

Takk fyrir að vera til elsku Ísland...

Já... við stöldruðum lengi hér við þessa fegurð...

En það var ráð að halfa áfram... engin slóð ennþá en við sáum smá slóða í grasmölinni ofar...

Hér var smá slóði eftir göngumenn...

Um leið og við hækkuðum okkur... opnaðist á útsýnið... og fjöllin sem við sáum voru óteljandi... hér til suðurs...

Leiðin var greiðfær og hvergi tæpistigur né mikill bratti... fast undir fæti og mjög gott yfirferðar...

Tindfjallajökull... og baksvið hans í norðri... hér horft til suðurs af Laufafelli... Laufavatn og Skyggnisvatn... við skráðum niður allavega sex göngur á þessu svæði næstu árin...

Hekla... bakhlið hennar í austri... séð til vesturs...

Já... ósköp saklaus leið... við fundum engar myndir á veraldarvefnum af göngum upp þetta fjall... svo það var merkilegt að sjá hversu greiðfært þetta var...

Hér komum við fram á brúnirnar...

... og við blasti veislan... á söndunum við Laugavegsgönguleiðina...

Elsku Batman... hér stóð hann heillengi og starði yfir Fjallabakið... það var eins og hann væri að rifja upp allar göngurnar sínar á þessu svæði... á öll þessi fjöll... Stóru súlu, Smáfjöll, Stórkonufell, Stóra Grænafjall, Illusúlu, Hattfell... o... m... fl... stóð bara og starði... í hávaðaroki og ískulda... og hreyfði sig ekki...

Ískuldi og mikill næðingur... við vorum smám saman komin í allan búnað sem varði okkur fyrir kulda og vindi...

Efri hluti uppgönguleiðarinnar... þetta gat ekki verið betri leið...

Hér var allt hélað... í um 1.000 m hæð...

Hví... líkt... útsýni...

Allt svo fallegt í frostinu...

Öxlin hér... og síðasta brekkan grýtt en mjög góð uppgöngu... hvergi lausagrjót og hvergi hált undir...

Sandurinn ennþá smá mjúkur... en hér er eflaust broddafæri þegar kominn er vetur...

Við hittum íslensk hjón á fjallinu... þau gistu í sendibíl neðan við fjallið og fóru upp sunnan megin... þau tóku þessa mynd af okkur og Bára þjálfari því með á mynd lengst til hægri...

Hugfangin af fegurðinni... og fegin því að allt gekk vel kláruðum við síðasta kaflann...

Litið til baka þar sem hjónin ágætu voru á leið niður... þau sögðust hafa beðið eftir því að fjallið yrði skýlaust eftir nóttina... við vorum ljónheppin að ganga á þetta fjall þennan dag...

Uppi á Laufafelli var smá spölur á hæsta tind... og það sköguðu skyndilega upp fjallstindar... Háskerðingur og Skerinef...

Háskerðingur var genginn í stórfenglegri ferð árið 2018… og Skerinef svo hvassbrýnt og fagurt er á framtíðarlistanum okkar…

Torfajökull 3ja tinda leið frá Strút um íshellinn og Krókagil til baka um upptök Brennivínskvíslar.

Mastrið á hæsta tindi Laufafells hér framundan...

Frostið í jarðveginum efst...

Smám saman opnaðist útsýnið yfir allt Fjallabakið...

Torfajökull... Háskerðingur og Skerinef...

Laufafellið mældist 1.201 m hátt...

Frostið farið að læsa sig í kofann...

Mikið rok og það var smá skjól við húsið...

Eingöngu búin með tæpa 3 km og komin upp á hæsta tind... það var engin spurning að fara útsýnishring þó veðrið væri ekki með besta móti...

Varða rétt hjá mastrinu sem var lítið eitt hærra staðsett...

Mýrdalsjökull...

Torfajökull og félagar...

Nesti hér í skjóli en bítandi kulda...

Orðin ísköld eftir nestið en til í útsýnishring...

Hekla hér og Rauðufossafjöll fjórstapa... Krakatindur í hvarfi...

Hrafnabjörg... Herbjarnarfell í hvarfi... Löðmundur hægra megin við miðju... Mógilshöfðar... Hnúðalda líklega lengst til hægri... Háalda ofan hennar...

Höfðarnir... Hnúðalda... Háalda fjær... Laugavegsgönguleiðin hægra megin út af mynd...

Laugavegurinn hér í fjarska ásamt Hrafntinnuskeri, Torfajökli, Háskerðingi, Skerinefi, Kaldaklofsfjöllum ofl.... í fjarska sáum við Sveinstind við Langasjó o.m.fl...

Mjög gaman að fara þennan hring...

Það var of fallegt hér til að fara ekki niður eftir...

Hvílíkur staður !

Með Fjallabakið og Laugavegsgönguleiðina í baksýn… Silla, Sjöfn Kr., Fanney, Pétur, Inga, Guðmundur Jón, Katrín Kj., Örn, Helga Rún, Halldóra Kristins nýliði, Sveinn, Gulla og Siggi en Bára tók mynd og Batman var eini hundurinn…

Ljósárfjöll... Ljósártungur... Ljósárgil... Ljósárfoss... þjálfari er búinn að smíða mjög spennandi göngu um þetta svði næsta sumar...

Jökultungurnar... niður að Álftavatni og Hvanngili...

Ískald og við nýttum búnaðinn vel... en þökkuðum pent fyrir þetta skyggni...

Aðeins upp og niður... en það koma nákvæmlega ekkert að sök því þetta var stutt ganga...

Brátt opnaðist á svörtu sandana með grænu fjöllunum… og þau sem við höfum nú þegar gengið á blöstu smám saman við í allri sinni dýrð… glittir aðeins í Álftavatnið innan um Stóru súlu, Torfatinda, Brattháls, Súluhryggi, Bláfjöll, Smáfjöll, Stórkonufell, Stóra og Litla Grænafjall, Illusúlu, Hattfell, Stóra Mófell… og bak við allt saman gnæfir Mýrdalsjökull yfir… hvílíkur útsýnisstaður !   

Við nutum í botn...

Fórum fram á brúnir...

... og uppgötvuðum klettaborgir og yfirnáttúrulega staði...

Markarfljótið saklaust og tært... vantslíið svona ofarlega og síðsumars... sjá veginn sem fer að hluta í ána hér milli fjalla...

Krækt fyrir smá gil... sem var sífreri undir sandinum...

Sjá klakann undir sandinum...

Við vorum agndofa...

Urðum að fara neðar...

Hagafell... sjá veginn þarna niðri..

Skyggnisvatn og Laufafell.... við erum komin með nokkrar göngur á þessu svæði næstu árin...

Hér var algert skjól... eða það lægði skyndilega... og við settumst niður og fengum okkur afstur nesti í rólegheitunum og nutum þess að vera stödd á þessum stað...

Klettarnir í hamrabeltinu...

Það var erfitt að yfirgefa þennan stað...

... en mál að linni og heimferðin eftir...

Fórum með brúnunum...

Skyggnir og Skyggnishlíðar kringum Skyggnisvatn... Þríhyrningur hægra megin í fjarska...

Hekla...

Klakkur og Stóra Jarlhetta í Langjökli... hluti Rauðufossafjalla hægra megin...

Höfðinn á niðurleið...

Sama leið niður... sjá smá slóða hér í mosanum...

Enga stund niður... mjög þægileg leið... þetta fjall er frábær leið fyrir þá sem ganga ekki mikið að fá svakalega upplifun á frekar stuttri fjallgöngu...

Litið til baka...

Sjá bílana í fjarska í sandinum... leiðin liggur að Dalakofanum... að Krakatindi... að Landmannahelli og Dómadal sé haldið enn lengra... mjög skemmtileg leið í bíltúr... ævintýri út af fyrir sig...

Fegurðin var líka í hinu smáa...

Fífa...

Laufafellið þegar litið var til baka... sjá hvernig hægt er að fara nokkrar leiðir þarna upp ef það er sumarfæri...

Frostið... hitinn var nú bara fjórar gráður í lok göngunnar... en komið í 8 gráður á Hellu...

Misstum af fyrsta bílnum en sigurmyndin var samt tekin... Laufafellið hér með komið í safnið !

Alls 7,7 km á 4:33 klst. upp í 1.201 m hæð með alls 692 m hækkun úr 671 m upphafshæð… þegar þetta tæki var búið að hlaða niður slóðinni í base camp… stundum breytast tölurnar við færsluna… og engin tæki mæla eins… fer eftir fjöldla gervitungla og fjölda sekúndna og metra milli punkta… um leið og maður fækkar punktunum og lætur líða lengri tíma milli punkta í tíma eða vegalengd… þá styttist gangan og sum forrit stytta gps-ferilinn þegar ferillinn er hlaðinn niður úr tækinu… agalegt í raun… og styður við einkenni nútímans sem er orðinn sá að það sé enginn einn sannleikur heldur margir sannleikar og hver og einn velur sinn… ekki er það nú til að minnka glundroðann… 😊 

Takk fyrir okkur Laufafell... við vinkuðum bless þegar við keyrðum í burtu...

Það voru víst vöð á þessari leið... en það voru bara lækjarsprænur... fjallið í fjarska úti í enda... og Gulla snillingur að koma að lækjarkvíslinni...

Mögnuð ferð sem gaf mjög mikið þrátt fyrir frekar stutta göngu... en það var sérkennilegt að finna að þreytan var ekki minni eftir þennan dag en eftir 20 km göngu… eflaust lék vindurinn og kuldinn þar sinn þátt í því… en upplifunin var stórkostleg… þetta fjall er tákn um gæði en ekki magn… takk elsku Ísland fyrir alla þína fegurð… og takk öll fyrir að vera til í svona ferð… því annars verða þessar stórkostlegu göngur ekki að veruleika… #TakkÍsland

Gps-slóðin hér: https://loc.wiki/t/232949882?wa=sc

Myndbandið hér: Laufafell að Fjallabaki við Markarfljót 200925