Næsta æfing er þriðjudaginn 18. nóvember:
kl. 17:30 frá fjallsrótum: 

Helgafell í Mosó

hringleið vestan megin frá 

Á stíg að hluta til góðan hring um fjallið
í myrkri NB allan tímann og höfuðljós því nauðsynleg
Metum endanlega leiðarval eftir færð og veðri. 

​

Höfuðljós og keðjubroddar nauðsynlegur búnaður yfir vetrartímann 
og höfum alltaf vararafhlöður meðferðis í bakpokanum.

​

Gangan:

Um 4 km á um 1,5 klst. upp í 214 m hæð með um 250 m hækkun
á stíg að mestu í léttu brölti frekar grýtta og á köflum blauta leið.

​

​Aksturinn:

Um 10 mín frá Össuri gegnum Mosfellsbæinn og beygt til hægri inn Þingvallaafleggjarann. Nánast um leið og beygt er inn þann afleggjara er bílastæði á hægri hönd með skilti merktu Helgafelli og korti þar af gönguleiðinni (norðvestan við Helgafellið). Við leggjum bílunum við skiltið á neðra malarstæðinu, keyrum EKKI upp brekkuna NB. Fólksbílafært.

​

Þeir sem vilja, sameinast í bíla og aka í samfloti að fjallsrótum. Skiptumst á að skaffa bíl og fá far og deilum bensínkostnaði. Viðmiðið er 1.500 kr. fyrir hvern hálftíma í akstri sem deilist niður á alla í bílnum (bílstjóri undanskilinn bensínkostnaði ef farþegar eru fleiri en einn). Endurskoðum reglulega þessa reglu frá FÍB og slípum hana til ef mönnum finnst þetta ekki rétt viðmiðunarupphæð.

​

Búnaður:  

Vatns- og vindheldar buxur og jakki,  hlýtt höfuðfat, ullar- og belgvettlingar, ullarföt innst, góðir gönguskór með ökklastuðningi, kjarngott nesti og 0,5 - 1 L af vökva. Keðjubroddar og höfuðljós eru nauðsynlegur búnaður allra yfir vetrartímann og að vori/hausti eftir birtuskilyrðum og snjóalögum.  Nánari búnaðarlisti hér.

​

​Tryggingar: 
Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur, búnað né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.​​