.jpg)
-
Fara könnunarleiðangra um óþekktar slóðir
-
Ganga á fáfarin fjöll
-
Fara öðruvísi leiðir á þekkt fjöll
-
Vilja metnað í fjalla- og leiðarvali
-
Vilja meira en sífellt feta í fótspor annarra
-
Fara á fjallgönguæfingu alla þriðjudaga allt árið um kring, stundum léttar og stuttar og stundum lengri og meira krefjandi
-
Fara í léttari og styttri dagsgöngu einu sinni í mánuði
-
Fara í krefjandi dagsgöngu einu sinni í mánuði
-
Vera í litlum gönguhópi þar sem menn þekkjast, hvetja og styðja hver annan í hvívetna
-
Fá persónulegt og vinalegt viðmót í gönguhópnum sínum
-
Styrkja sig í fjallgöngum og æfa sig í að geta tekist á við alls kyns veður og færð, jafnt í myrkri sem í dagsbirtu
-
Upplifa gullfallegar, ævintýralegar og stundum stórkostlegar göngur jafnt á þriðjudagskvöldum sem og um helgar
... fyrir byrjendur sem vilja prófa fjallgöngur
... fyrir þá sem vilja koma sér aftur í fjallgönguform
... fyrir þá sem eru vanir og vilja öðruvísi og meira... en þetta venjulega...
- Þriðjudagsæfingar kl. 17:30 frá fjallsrótum yfir vetrartímann
- Þriðjudagsæfingar á sumartíma til skiptis kl. 17:00 frá Össuri / Ásvallalaug þegar keyrt er lengra úr bænum eða kl. 17:30 frá fjallsrótum óhefðbundnar leiðir á þekkt fjöll
- Krefjandi, langar, stuttar og léttar kvöldgöngur í bland eftir veðri, færð, birtu og landslagi
- Þjálfarar mæta annan hvern þriðjudag og frjáls mæting er hinn þriðjudaginn allt árið.
Þorum að gera öðruvísi... fetum ekki sífellt í spor annarra... komumst að því að við getum meira en við höldum... gerum annað en þetta venjulega... og stundum bara létt og laggott... með bestu göngufélögunum... í glimrandi gleði... hlátri á köflum og brosi í grennd...
Árgjald kr. 20.000
Ef tveir skrá sig saman þá kr. 15.000 á mann
... með tölvupósti og greiðslu æfingagjalda ...
Næsta æfing er þriðjudaginn 25. nóvember:
kl. 18:00 frá fjallsrótum:
Háihnúkur Akrafjalli
Okkar árlega aðventuganga
með jólahúfu og jólanesi
Á fjölförnum stíg alla leiðina upp á tind
Metum endanlega leiðarval eftir færð og veðri.
Höfuðljós og keðjubroddar nauðsynlegur búnaður yfir vetrartímann
og höfum alltaf vararafhlöður meðferðis í bakpokanum.
Gangan:
Um 5,5 km á um 2 - 2,5 klst. upp í 565 m hæð með um 557 m hækkun
á fjölförnum stíg allan tímann með ágætis brölti í brekkum og grjóti.
Aksturinn:
Ekið um Vesturlandsveg og Hvalfjarðargöng í átt að Akranesi og beygt inn ómerktan afleggjara á hægri hönd sem liggur upp að fjallinu (keyra hægar, hafa augun hjá sér, erfitt að sjá afleggjarann í myrkrinu)
og keyrt á malarvegi að merktu bílastæði við fjallsrætur.
Lengri leiðin ef ofangreind er ófær vegna snjóa eða krapa: Keyrt alveg út að þjóðveg Akranesbæjar að afleggjara merktum "Borgarnes" hægra megin, þar beygt til hægri þar til skilti merkt "Akrafjall" vísar leiðina upp að fjallsrótum (passa að beygja ekki of snemma).
Fólksbílafært með fyrirvara um bílfæri á malarveginum ef það hefur snjóað, þá er nauðsynlegt að vera á fjórhjóladrifnum bílum.
Þeir sem vilja, sameinast í bíla og aka í samfloti að fjallsrótum. Skiptumst á að skaffa bíl og fá far og deilum bensínkostnaði. Viðmiðið er 1.500 kr. fyrir hvern hálftíma í akstri sem deilist niður á alla í bílnum (bílstjóri undanskilinn bensínkostnaði ef farþegar eru fleiri en einn). Endurskoðum reglulega þessa reglu frá FÍB og slípum hana til ef mönnum finnst þetta ekki rétt viðmiðunarupphæð.
Búnaður:
Vatns- og vindheldar buxur og jakki, hlýtt höfuðfat, ullar- og belgvettlingar, ullarföt innst, góðir gönguskór með ökklastuðningi, kjarngott nesti og 0,5 - 1 L af vökva. Keðjubroddar og höfuðljós eru nauðsynlegur búnaður allra yfir vetrartímann og að vori/hausti eftir birtuskilyrðum og snjóalögum. Nánari búnaðarlisti hér.
Tryggingar:
Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur, búnað né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.
Næstu tindferðir eða viðburðir...
Kothraunskúla, Smáhraunakúla, Gráakúla, Rauðakúla og Seljafell um BerserkjahraunSat, Nov 22#Snæfellsnesfjöllin
Grillirahryggur og Beinabrekka í Víðhamrafjalli HvalfirðiSat, Dec 06Botnsdalur, 301, Iceland
Heiðarhorn í Skarðsheiði í desemberSat, Dec 27#Snæfellsnesfjöllin
Krossþjálfum fjórar hreyfingar á viku allt árið - Toppfaraáskorunin 2025 !Wed, Dec 31#Hálftíminn
Hraunsnefsöxl og Hvassafellshamrar í BorgarfirðiSat, Jan 10Borgarfjarðarfjöllin
Húsatorfuhnúkur, Stekkjatúnshnúkur, Lambhagahnúkur, Botnahnúkur, Bjarnarfell og Stórahálsfjall ÖlfusiSat, Jan 24Garðyrkjuskólinn, 816 Hveragerði, Iceland
-
Kothrauns-, Grá-, Rauða- og Smáahraunskúla 22/11
-
Grillirahryggur og Beinabrekka Borgarfirði 6/12
-
Heiðarhorn 27/12
-
Hestur og Knarrarfjalli frestað/aflýst í jan - mars v/veðurs
-
Hekla frá Næfurholti aflýst v/veðurs+þjálfunar 22/3
-
Skarðsheiðin endilöng aflýst v/þátttöku 24/4
-
Eiríksjökli frestað um viku og svo aflýst v/þátttöku 31/5
-
Þjórsárfossar frá Búðarhálsi aflýst v/þátttöku 17/6
-
Strútsstígur frestað + aflýst v/veðurs og áhuga 6/8
-
Syðri Jarlhettur við Hagavatn frestað og svo aflýst 25/8
-
Kerlingarfjöll aflýst v/lítillar þátttöku 16/8
Áskorun ársins 2025 er að taka fjórar mismunandi hreyfingar / íþróttir á viku, að lágmarki 5 mín hver. Hvaða hreyfing sem er gildir. Þátttökureglur hér ! #krossþjálfum
Tökum samt... áfram hálftíma hreyfingu á dag alla daga ársins og æfum áfram þolið á vinafjallinu í hverri viku af því það er svo gaman ! #Hálftíminn #Vinafjallið
 454aef_gonguskidi_210317 |  459aef_hjol_burfellsgja_250417 (58) |
|---|---|
 414aef_hestaferd_skogum_070616 |  20240501_172507 |
 taekwondo_170117 (27) |  429aef_hjol_fjallid_eina_270916 (67) |
 393aef_klifurhusid_120116 (40) |  441aef_badminton_201216 (7) |
 436aef_reynisvatn_181116 (15) |  465aef_troppusprettir_180717 (1) |
 sjosund_310516 (22) |  t85einhyr_061012 (227) |
Hvaða tíma áttu ?
Ásfjall í janúar
Mosfell í febrúar
Reykjaborg í mars
Helgafell í Hf í apríl
Esjan í maí
Háihnúkur í júní
Móskarðahnúkar í júlí
Vífilsfell í ágúst
Helgafell í Mosó í september
Stórhöfði við Hvaleyrarvatn í október
Búrfellsgjá í nóvember
Úlfarsfell í desember
Jebb... þetta er hin áskorunin á árinu 2025...
Mælum tímann upp og niður og alls og skráum hann niður...
Til að bæta þolið...
Taka púlsinn á forminu okkar milli mánaða eða ára...
Gerum þetta á hverju ári...
Til að sjá hver staðan á fjallgönguforminu okkar er...
Þorum... að taka tímann... og bera okkur saman við aðra...
Það gefur okkur aðhald og hvatningu...
en keppum fyrst og fremst við okkur sjálf...
Taka má öll fjöllin tólf eða bara sum þeirra eins og hentar...
... þess vegna bara Úlfarsfell, Esjuna eða Helgafell nokkrum sinnum yfir árið...
... og það má fara á hvaða fjall sem er í hvaða mánuði sem er...
... þessi listi er til viðmiðunar og hvatningar fyrir hvern mánuð í senn...
Þorum... æfum... svitnum... mælum... skráum... bætum okkur... !
Söfnum öllum tólf mánuðum ársins á okkar uppáhaldsfjöllum...
Frá Reykjanesvita
að Fonti á Langanesi
Alls komnir 315 km...
á 4 dögum og 18:28 klst...
með 11.749 m hækkun...
upp í 804 m hæð hæst og 113 m lægst...
í 15 mjög ólíkum göngum...
Við lentum upp á Sprengisandi þann 30. ágúst 2025... og stefnum næst á 3ja daga göngu yfir Sprengisand í Nýjadal í júlí 2026... og um Vonarskarð í ágúst sama ár...
Næsta ofurganga verður x sumarið 2026
Æfum allt árið...
og njótum þess að fara 3ja daga gönguleiðir
á einni töfranóttu... í gleði og hlátri... staðfestu og elju... og látum engan segja okkur að við getum þetta ekki... komdu frekar með...
... og hér eftir nokkrum skilgreindum landsvæðum:
Botnssúlurnar Esjan Eyjafjöllin Fjallabakið Hafnarfjallið Hekluslóðir Jarlhetturnar Langjökulsfjöllin Laugavegsfjöllin Reykjanesið Skarðsheiðin Snæfellsnesið Sveifluhálsinn Vatnajökull Þingvallafjölli Þórsmörk
#Vinafjalliðmitt
Það myndast sérstakt vinasamband milli manns og fjalls þegar maður fer reglulega á fjallið árum saman... öllum veðrum og á öllum árstímum... það skilar manni undantekningarlaust heim hlaðinn sérstakri orku sem gefur manni styrk fyrir önnur verkefni lífsins... líkt og eftir gefandi heimsókn hjá góðum vini...
Skyndilega stendur maður sig að því að hugsa hlýlega til fjallsins... fara að sakna þess ef of langur tími líður á milli ferða... finna væntumþykjubylgju flæða yfir brjóstið þegar maður horfir á það úr borginni... fá fiðring í magann fyrir næstu ferð... vilja fara lágmark einu sinni í viku eða oftar... og taka stöðuna á veðrinu, færinu og umgengninni um fjallið... að heimsækja vin sinn...
Hvert er vinafjallið þitt ?
Deilið þið sem skiljið hvað við meinum... og elskið að fara á fjallið ykkar allt árið um kring... og vilduð óska að fleiri skildu þessa ástríðu og kæmust á bragðið...
#Vinafjalliðmitt
#vinafjalliðmittx52
Úlfarsfell
2019:
Kolbeinn 160 ferðir.
2021:
Bára 100 ferðir.
Fanney 52 ferðir.
Gerður Jens 52 ferðir.
Gréta 53 ferðir.
Halldóra Þ. 53 ferðir.
Katrín Kj. 76 ferðir.
Kolbeinn 100 ferðir.
Linda 63 ferðir.
Ragnheiður 55 ferðir.
Siggi 60 ferðir.
Þórkatla 58 ferðir.
2022:
Katrín Kj 52 ferðir.
Kolbeinn 160 ferðir.
Ragnheiður 121 ferð.
Þórkatla 59 ferðir.
2023:
Bára 53 ferðir
Katrín Kj 54 ferðir
Linda 63 ferðir
Sjöfn Kr 66 ferðir
2024:
Aníta 110 ferðir
Bára 60 ferðir
Halldóra Þ. 55 ferðir
Inga 57 ferðir
Kolbeinn 62 ferðir
Sjöfn Kr. 120 ferðir
Helgafell Hf
2020:
Sigríður Lísabet 57 ferðir.
2021:
Sigríður Lísabet 54 ferðir.
Stefán Bragi 52 ferðir.
2022:
Njóla 83 ferðir.
Sigríður Lísabet 56 ferðir.
Sjöfn Kr. 62 ferðir.
2023:
Njóla 66 ferðir
Sigríður Lísabet 52 ferðir
Esjan
2021:
Beta 52 ferðir.
Jaana 56 ferðir.
Móskarðahnúkar
2022:
Jaana 90 ferðir.
Háihnúkur Akrafjalli
2014:
Ingi: 55 ferðir
Riddari fjallanna í peysu fer
saman þeir geysa eins og her
Toppfarar þeir heita alla ver
að nýjum leiðum leita ber
Vöndum okkur...
Við viljum eindregið halda því góða orðspori
sem þessi fjallgönguklúbbur hefur skapað sér varðandi góða umgengni:
-
Skiljum við allar slóðir sem við förum um án verksummerkja eins og hægt er.
-
Göngum vel um sjaldfarna bílslóða í akstri og á malarstæðum.
-
Ef bílarnir skilja eftir verksummerki á stæðum eða vegum, t. d. þegar þeir festast í aurbleytu og spóla upp jarðveginum, þá lögum við það eftir á og skiljum ekki eftir ný hjólför.
-
Skiljum aldrei eftir rusl þar sem við förum um, hvorki á bílastæðum né á göngu.
-
Venjum okkur á að vera alltaf með ruslapoka í vasa eða bakpokanum og tína upp það sem við sjáum, þó við eigum ekkert í ruslinu... til að fegra umhverfið... margar hendur vinna létt verk... og allir njóta góðs af hreinu landi.
-
Bananahýðin og annar lífrænn úrgangur verður líklega alltaf umdeilanlegt „rusl“ – þeir sem vilja skilja það eftir, komi því fyrir undir steini eða langt frá gönguslóðanum (ef þeir vita til að fuglar eða önnur dýr nýti úrganginn), en ekki skilja úrganginn eftir á berangri við gönguslóðann, því þegar þetta eru orðin nokkur bananahýði á nokkrum vinsælum gönguslóðum frá nokkrum gönguhópum nokkrum sinnum á ári, þá fer lífræni ljóminn af öllu saman.
-
Göngum mjúklega um mosann og annan gróður, veltum ekki hugsunarlaust upp heilu mosabreiðunum og gróðurlendunum með skónum eða stöfunum, heldur göngum mjúklega yfir eða sneiðum framhjá eins og hægt er og verum meðvituð um hvað situr eftir okkur sem gönguhópur.
-
Það er hagur okkar allra að geta farið um óbyggðirnar að ganga án þess að finna fyrir því að stórir hópar hafi gengið þar um áður. Það felast forréttindi og verðmæti í óspjölluðu umhverfi :-) Áfram við og óbyggðirnar okkar.
Nýjustu ferðasögurnar hér:
