.jpg)
-
Fara könnunarleiðangra um óþekktar slóðir
-
Ganga á fáfarin fjöll
-
Fara öðruvísi leiðir á þekkt fjöll
-
Vilja metnað í fjalla- og leiðarvali
-
Vilja meira en feta í fótspor annarra
-
Fara á fjallgönguæfingu alla þriðjudaga allt árið um kring, stundum léttar og stuttar og stundum lengri og meira krefjandi
-
Fara í léttari og styttri dagsgöngu einu sinni í mánuði
-
Fara í krefjandi dagsgöngu einu sinni í mánuði
-
Vera í litlum gönguhópi þar sem menn þekkjast, hvetja og styðja hver annan í hvívetna
-
Fá persónulegt og vinalegt viðmót í gönguhópnum sínum
-
Styrkja sig í fjallgöngum og æfa sig í að geta tekist á við alls kyns veður og færð, jafnt í myrkri sem í dagsbirtu
-
Upplifa gullfallegar, ævintýralegar og stundum stórkostlegar göngur jafnt á þriðjudagskvöldum sem og um helgar
... fyrir byrjendur sem vilja prófa fjallgöngur
... fyrir þá sem vilja koma sér aftur í fjallgönguform
... fyrir þá sem eru vanir og vilja öðruvísi og meira... en þetta venjulega...
- Þriðjudagsæfingar kl. 17:30 frá fjallsrótum yfir vetrartímann
- Þriðjudagsæfingar á sumartíma til skiptis kl. 17:00 frá Össuri / Ásvallalaug þegar keyrt er lengra úr bænum eða kl. 17:30 frá fjallsrótum óhefðbundnar leiðir á þekkt fjöll
- Krefjandi, langar,stuttar og léttar kvöldgöngur í bland eftir veðri, færð, birtu og landslagi
- Þjálfarar mæta annan hvern þriðjudag og frjáls mæting er hinn þriðjudaginn allt árið
Þorum að gera öðruvísi... fetum ekki sífellt í spor annarra... komumst að því að við getum meira en við höldum... gerum annað en þetta venjulega... og stundum bara létt og laggott og venjulegt... með bestu göngufélögunum... í glimrandi gleði... hlátri á köflum og brosi í grennd...
Mynd tekin á leið á Botna-Skyrtunnu í maí 2025... með Kattareyra yfirgnæfandi en sá tindur er á dagskrá í maí 2026...
Næsta æfing er þriðjudaginn 6. janúar:
kl. 17:30 frá fjallsrótum:
Kögunarhóll og Rauðhólsurð
í Esju
Öðruvísi leið á Esjuna á stíg að mestu, með ágætis brölti í grasi, mosa og grjóti á Kögunarhól og Rauðhólsurð.
Höfuðljós og keðjubroddar nauðsynlegur búnaður yfir vetrartímann
og höfum alltaf vararafhlöður meðferðis í bakpokanum.
Gangan:
Um 5 km á um 2 klst. upp í 407 m hæð með um 400 m hækkun úr 10 m upphafshæð. Gengið upp stíginn við Esjustofu og upp grasbalann og gegnum skóginn þar sem farið er út af stígnum upp snarpar brekkurnar á Kögunarhól sem eru grasi grónar og grýttar ofar. Áfram í mosa og grjóti upp á brekkurnar á Rauðhólsurð en af henni farið niður á fjölfarinn stíginn við Mógilsá og hann genginn til baka niður eftir.
Aksturinn:
Ekið um Vesturlandsveg út úr borginni þar til beygt er hefðbundna leið til hægri inn afleggjarann að Esjunni en í stað þess að leggja bílunum við Esjustofu keyrum við í gegnum "nýrra bílastæðið" að "gömlu bílastæðunum" við trén þar sem bílum er lagt. Þetta er hefðbundni staðurinn við Esjurætur sem var áður en Esjustofa var reist. Yfirleitt eru laus stæði við trén þegar öll stæðin við Esjustofu eru full og því best að við förum alltaf á gömlu bílastæðin.
Þeir sem vilja, sameinast í bíla og aka í samfloti að fjallsrótum. Skiptumst á að skaffa bíl og fá far og deilum bensínkostnaði. Viðmiðið er 1.500 kr. fyrir hvern hálftíma í akstri sem deilist niður á alla í bílnum (bílstjóri undanskilinn bensínkostnaði ef farþegar eru fleiri en einn). Endurskoðum reglulega þessa reglu frá FÍB og slípum hana til ef mönnum finnst þetta ekki rétt viðmiðunarupphæð.
Búnaður:
Vatns- og vindheldar buxur og jakki, hlýtt höfuðfat, ullar- og belgvettlingar, ullarföt innst, góðir gönguskór með ökklastuðningi, kjarngott nesti og 0,5 - 1 L af vökva. Keðjubroddar og höfuðljós eru nauðsynlegur búnaður allra yfir vetrartímann og að vori/hausti eftir birtuskilyrðum og snjóalögum. Nánari búnaðarlisti hér.
Tryggingar:
Þátttakendur eru ekki tryggðir í göngunum og er bent á tryggingarfélögin í þessu sambandi. Toppfarar ehf tryggir hvorki þátttakendur, búnað né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.
Næstu tindferðir eða viðburðir...
Hraunsnefsöxl og Hvassafellshamrar í BorgarfirðiSat, Jan 10Borgarfjarðarfjöllin
Húsatorfuhnúkur, Stekkjatúnshnúkur, Lambhagahnúkur, Botnahnúkur, Bjarnarfell og Stórahálsfjall ÖlfusiSat, Jan 24Garðyrkjuskólinn, 816 Hveragerði, Iceland
Sveinstindur í Öræfajökli um Hnappavallaleið með Asgard BeyondFri, May 08Öræfajökull, Iceland
Fjallajólatré Toppfara árið 2025
-
Hekla aukaferð ef bílfæri / snjóalög leyfa 3/1
-
Hraunsnefsöxl Hvassafellshamrar 10/1
-
Húsatorfuhnúkur, Stekkjatúnshnúkur, Lambhagahnúkur, Botnahnúkur og Bjarnarfell í Ölfusi 24/1
-
Vörðufell í Biskupstungum 7/2
-
Sauðafell, Norðurbjallar, Fossabrekkur Hekluslóðum 21/2
-
Kýrgilshryggur, Litla Skarðsmýrarfjall og Svartagljúfur frá Sleggjubeinsskarði yfir í Reykjadal 7/3
-
Smérhnúkur, Seljafell, Háakast og Geirhnúkur við Vatnaleiðina 21/3
-
Hekla frá Ytri Rangá - aðrir páskadagar til vara 2. - 5/4
-
Grafartindar í Dölunum bak við Baulu 18/4
-
Kattareyra við Ljósufjöll 1/5 eð 2/5
-
Sveinstindur í Vatnajökli með Asgard Beyond 9/5
-
Steinafjall undir Eyjafjallajökli 14/5 eða 16/5
-
Ketildalir á Vestfjörðum úr Tálknafirði í Arnarfjörð - 40 km Ofurganga 2ja daga ferð 27.-31/5
-
Hafursey við Þakgil á Mýrdalssandi 11/7
-
Sprengisandur 3ja daga ganga í Nýjadal - allir 5 dagarnir mögulegir 22.-26/7
-
Tjaldfell, Tjörfafell, Ljótipollur, Norðurnámur og Suðurnámur kringum Frostastaðavatn 8/8
-
Þóristindur, Dálkur og Hattur Veiðivötnum (eða Kerlingarfjöll) 22/8 (hugsanlega 15/8
-
Bláfjöll um Bláfjallakvísl að upptökum við Mýrdalsjökul við Laugaveginn 5/9
-
Ljósárfoss í Ljósártungum frá Markarfljóti við Laufafell 19/9
-
Stóra og Litla Björnsfell við Langjökul 3/10
-
Hrafnabjörg kringum Hrafnabjargavatn á Hellismannaleið 17/10
-
Kerlingarfjall og Hafrafell við Vatnaleiðina14/11
-
Sokkatindur, Sauðártindur, Fjárskjólshnúkur, Klóarfjall, Álútur og Botnafell kringum Gufudal 28/10
-
Hestfjall í Grímsnesi 12/12 - hugsanlega 5/12
-
Brimlárhöfði við Kirkjufell 27/12
-
Kringum Kattartjarnir um Dalafell, Dalaskarðshnúk, Kyllisfell, Ölkelduhnúksgil og Reykjadal 8/2
-
Hafnarfjallsöxl syðri á Gildalshnúk, Suðurhnúk og Vesturhnúk 8/3
-
Seljafell, Kothraunakúla, Smáhraunakúla, Gráakúla og Rauðakúla 22/11
-
Grillirahryggur, Beinabrekka og Glymur Hvalfirði 6/12
-
Heiðarhorn í Skarðsheiði 27/12
Áskorun ársins 2026 er að ganga, skokka, hjóla eða skíða á 100 fjöll, tinda, fell eða gönguleiðir á árinu 2026. Á dagskrá Toppfara á árinu eru rúmlega 100 fjöll, tindar eða gönguleiðir... svo við náum þessu og bara gaman að ná nokkrum fjöllum eða leiðum á eigin vegum líka !
Hvað eru mörg fjöll, fell, tindar eða gönguleiðir
á dagskrá Toppfara árið 2026 ?
Hekla norðaustan megin, Kögunarhóll Esju, Rauðhóll Esju, Hraunsnefsöxl, Hvassafellshamrar, Stórhöfði, Úlfarsfell frá Skarhólamýri, Húsatorfuhnúkur, Stekkjatúnshnúkur, Lambhagahnúkur, Botnahnúkur, Bjarnarfell, Húsfell,Helgafell Hf., Vörðufell, Litli og Stóri Sandhryggur, Úlfarsfell frá neðra bílastæði, Sauðafell, Norðurbjallar, Fossabrekkur, Arnarhamar, Smáþúfur, Helgafell Mosó, Kýrgilshryggur, Litla Skarðsmýrarfjall,Svartagljúfur, Múli, Bakhæðir, Úlfarsfell frá Sólbakka, Smérhnúkur, Seljafell, Háakast, Geirhnúkur, Kollafjarðará að upptökum, Búrfellsgjá, Hekla suðvesta megin, Dauðidalur, Hádegishnúkur, Stóra Reykjafell, Reykjaborg, Hafrahlíð, Grafartindar, Gljúfurdalur Esju, Háihnúkur Akrafjalli, Kattareyra, Keilisbörn, Hrafnafell, Keilir, Sveinstindur Öræfajökli, Tröllafoss, Steinafjall, Hvalskarðsá og Botnsá að Glym, Vífilsfell, Ketildalir úr Tálknafirði yfir Selárdalsheiði í Arnarfjörð, Hafursey, Mófell, Ok, Móskarðahnúkar, Sprengisandur 3ja daga leið, Sköflungur, Geirmundartindur, Tjaldfell, Tjörfafell, Ljótipollur, Norðurnámur, Suðurnámur, Brekkukambur, Þóristindur, Dálkur, Hattur, Dyradalir, Grímmannsfell, Bláfjöll um Bláfjallakvísl að upptökum við Mýrdalsjökul, Bleikhóll, Ketilstindur, Skarðatindur, Miðdegishnúkur, Steinninn Esju, Ljósárfoss í Ljósártungum frá Markarfljóti við Laufafell, Gljúfur, Hnjúkur og Karl Esju, Undirhlíðar, Stóra og Litla Björnsfell, Skotlandsöxl, Skotland og Hrafnagilsfoss í Esju, Æsustaðafjall, Reykjafell, Hrafnabjörg kringum Hrafnabjargavatn við Hellismannaleið, Rauðuhnúkar, Úlfarsfell frá skógrækt, Valahnúkar, Mosfell, Kerlingarfjall og Hafrafell á Vatnaleið, Nípa í Esju, Úlfarsfell frá efra bílastæði, Sokkatindur, Sauðártindur, Fjárskjólshnúkur, Klóarfjall, Álútur og Botnafell kringum Gufudal, Ásfjall, Hestfjall, Brimlárhöfði, Lágafell, Lágafellshamrar.
Jahá... alls 114 fjöll, fell, tindar eða gönguleiðir... þar af fimm ólíkar leiðir á Úlfarsfellið og 16 ólíkar leiðir á Esjuna... ef við núllum það út þá eru 93 eftir... nú þá hljótum við að geta tekið þátt í þessari 100 fjalla áskorun, er það ekki ? Af því við ætlum auðvitað að fara sjálf á fjallið í sveitinni okkar og meira til á eigin vegum til að ná þessu hundraði !
Hugsum í lausnum... ekki hindrunum... möguleikum... ekki vandamálum... ævintýrum... ekki úrtölum... sérstaklega ekki úrtölum... þær eru vinsælar... ævintýrin eru betri valkostur... annars gerist ekki töfrarnir...
Óvissa ? ... vandamál... vanlíðan... erfiðleikar... sigur ? = Já, takk !
Söfnum öllum tólf mánuðum ársins á okkar uppáhaldsfjöllum...
Frá Reykjanesvita
að Fonti á Langanesi
Alls komnir 315 km...
á 4 dögum og 18:28 klst...
með 11.749 m hækkun...
upp í 804 m hæð hæst og 113 m lægst...
í 15 mjög ólíkum göngum...
Við lentum upp á Sprengisandi þann 30. ágúst 2025... og stefnum næst á 3ja daga göngu yfir Sprengisand í Nýjadal í júlí 2026... og um Vonarskarð í ágúst sama ár...
Næsta ofurganga verður x sumarið 2026
Æfum allt árið...
og njótum þess að fara 3ja daga gönguleiðir
á einni töfranóttu... í gleði og hlátri... staðfestu og elju... og látum engan segja okkur að við getum þetta ekki... komdu frekar með...
... og hér eftir nokkrum skilgreindum landsvæðum:
Botnssúlurnar Esjan Eyjafjöllin Fjallabakið Hafnarfjallið Hekluslóðir Jarlhetturnar Langjökulsfjöllin Laugavegsfjöllin Reykjanesið Skarðsheiðin Snæfellsnesið Sveifluhálsinn Vatnajökull Þingvallafjölli Þórsmörk
#Vinafjalliðmitt
Það myndast sérstakt vinasamband milli manns og fjalls þegar maður fer reglulega á fjallið árum saman... öllum veðrum og á öllum árstímum... það skilar manni undantekningarlaust heim hlaðinn sérstakri orku sem gefur manni styrk fyrir önnur verkefni lífsins... líkt og eftir gefandi heimsókn hjá góðum vini...
Skyndilega stendur maður sig að því að hugsa hlýlega til fjallsins... fara að sakna þess ef of langur tími líður á milli ferða... finna væntumþykjubylgju flæða yfir brjóstið þegar maður horfir á það úr borginni... fá fiðring í magann fyrir næstu ferð... vilja fara lágmark einu sinni í viku eða oftar... og taka stöðuna á veðrinu, færinu og umgengninni um fjallið... að heimsækja vin sinn...
Hvert er vinafjallið þitt ?
Deilið þið sem skiljið hvað við meinum... og elskið að fara á fjallið ykkar allt árið um kring... og vilduð óska að fleiri skildu þessa ástríðu og kæmust á bragðið...
#Vinafjalliðmitt
#vinafjalliðmittx52
Úlfarsfell
2019:
Kolbeinn 160 ferðir.
2021:
Bára 100 ferðir.
Fanney 52 ferðir.
Gerður Jens 52 ferðir.
Gréta 53 ferðir.
Halldóra Þ. 53 ferðir.
Katrín Kj. 76 ferðir.
Kolbeinn 100 ferðir.
Linda 63 ferðir.
Ragnheiður 55 ferðir.
Siggi 60 ferðir.
Þórkatla 58 ferðir.
2022:
Katrín Kj 52 ferðir.
Kolbeinn 160 ferðir.
Ragnheiður 121 ferð.
Þórkatla 59 ferðir.
2023:
Bára 53 ferðir
Katrín Kj 54 ferðir
Linda 63 ferðir
Sjöfn Kr 66 ferðir
2024:
Aníta 110 ferðir
Bára 60 ferðir
Halldóra Þ. 55 ferðir
Inga 57 ferðir
Kolbeinn 62 ferðir
Sjöfn Kr. 120 ferðir
Helgafell Hf
2020:
Sigríður Lísabet 57 ferðir.
2021:
Sigríður Lísabet 54 ferðir.
Stefán Bragi 52 ferðir.
2022:
Njóla 83 ferðir.
Sigríður Lísabet 56 ferðir.
Sjöfn Kr. 62 ferðir.
2023:
Njóla 66 ferðir
Sigríður Lísabet 52 ferðir
Esjan
2021:
Beta 52 ferðir.
Jaana 56 ferðir.
Móskarðahnúkar
2022:
Jaana 90 ferðir.
Háihnúkur Akrafjalli
2014:
Ingi: 55 ferðir
Riddari fjallanna í peysu fer
saman þeir geysa eins og her
Toppfarar þeir heita alla ver
að nýjum leiðum leita ber
Vöndum okkur...
Við viljum eindregið halda því góða orðspori
sem þessi fjallgönguklúbbur hefur skapað sér varðandi góða umgengni:
-
Skiljum við allar slóðir sem við förum um án verksummerkja eins og hægt er.
-
Göngum vel um sjaldfarna bílslóða í akstri og á malarstæðum.
-
Ef bílarnir skilja eftir verksummerki á stæðum eða vegum, t. d. þegar þeir festast í aurbleytu og spóla upp jarðveginum, þá lögum við það eftir á og skiljum ekki eftir ný hjólför.
-
Skiljum aldrei eftir rusl þar sem við förum um, hvorki á bílastæðum né á göngu.
-
Venjum okkur á að vera alltaf með ruslapoka í vasa eða bakpokanum og tína upp það sem við sjáum, þó við eigum ekkert í ruslinu... til að fegra umhverfið... margar hendur vinna létt verk... og allir njóta góðs af hreinu landi.
-
Bananahýðin og annar lífrænn úrgangur verður líklega alltaf umdeilanlegt „rusl“ – þeir sem vilja skilja það eftir, komi því fyrir undir steini eða langt frá gönguslóðanum (ef þeir vita til að fuglar eða önnur dýr nýti úrganginn), en ekki skilja úrganginn eftir á berangri við gönguslóðann, því þegar þetta eru orðin nokkur bananahýði á nokkrum vinsælum gönguslóðum frá nokkrum gönguhópum nokkrum sinnum á ári, þá fer lífræni ljóminn af öllu saman.
-
Göngum mjúklega um mosann og annan gróður, veltum ekki hugsunarlaust upp heilu mosabreiðunum og gróðurlendunum með skónum eða stöfunum, heldur göngum mjúklega yfir eða sneiðum framhjá eins og hægt er og verum meðvituð um hvað situr eftir okkur sem gönguhópur.
-
Það er hagur okkar allra að geta farið um óbyggðirnar að ganga án þess að finna fyrir því að stórir hópar hafi gengið þar um áður. Það felast forréttindi og verðmæti í óspjölluðu umhverfi :-) Áfram við og óbyggðirnar okkar.
Nýjustu ferðasögurnar hér:
