Fjallgönguklúbburinn Toppfarar

T O P P F A R A R . I S - F J A L L G Ö N G U R . I S
Fjallgönguklúbburinn Toppfarar var stofnaður 15. maí 2007 og er fyrir byrjendur í fjallgöngum og vana fjallgöngumenn á öllum getustigum
...sem vilja stunda líkamsrækt úti við með því að ganga í óbyggðum allan ársins hring... og safna fjöllum í leiðinni...

... FRÁBÆR FÉLAGSSKAPUR - dýrmæt reynsla - Mögnuð ævintýri ...
Allir hjartanlega velkomnir !
...Við erum á toppnum - hvar ert þú...?
* Skráning í klúbbinn hér *

Um klúbbinn - Dagskráin - Félagatal - Tölfræðin - Fjallasafnið - Búnaður - Þjálfun - Búnaðarprófun Toppfara - æfingagjöld og skráning í klúbbinn
Fyrri æfingar Fyrri tindar - Aukagöngur klúbbmeðlima - Aukafréttir - Ungir Toppfarar - Tenglar - Fjallajólatrén - Ferðasögur félaganna

Tindferðinni er frestað um viku vegna veðurspár og bílfærðar Stefnum á frábært veður laugardaginn 4. febrúar! Búrfell í Þingvallasveit Ganga á færi allra í sæmilegu gönguformi á eitt besta útsýnisfjall Þingvalla Hentar nýliðum vel og þeim sem ekki hafa treyst sér í krefjandi tindferðir ... og þeim sem vilja njóta þess að koma í bæinn á skikkanlegum tíma eftir tindferð ... ;-) Búrfell á Þingvöllum til vesturs frá Sleðaási í júlí 2007. Gönguleiðin um Leggjarbrjót er hægra megin við fjallið en uppgönguleið okkar er annað hvort þá leið eða vinstra megin frá Brúsastöðum.
Nýjustu tilkynningar:	Því miður höfum við ákveðið að fresta göngunni á Búrfell um viku vegna veðurspár og bílfærðar að fjallsrótum. Við íhuguðum það alvarlega að fara á annað fjall til að sniðganga vandamál með færðina en veðurspáin er ekki nógu góð til þess. Vonandi fáum við svipað veður næstu helgi eins og var síðustu helgi! Skyldubúnaður í öllum vetrartindferðum óháð veðurspá/veðurútliti er eftirfarandi:. Ullarnærfatnaður, ullarvettlingar, hlífðarbelgvettlingar yfir, lambhúshetta og skíðagleraugu, fyrir utan góðan hlífðarfatnað og góða skó. Skyldubúnaður í þessari ferð er höfuðljós og hálkubroddar (microspikes) - hálkugormar duga EKKI og þeir sem eiga jöklabrodda taka þá með og æfa notkun þeirra.
Þátttaka:	Skráning er hafin - skráðir eru 4 manns: Anna Sigga, Jóhanna Fríða, Willi + gestur.
Verð	Kr. 3.900 fyrir klúbbmeðlimi með gilt kort. Kr. 4.900 fyrir gesti sem vilja prófa göngu með klúbbnum. Greitt beint inn á reikning Gallerí heilsu: 0114-26-58100. Kt: 581007-2210 eða með símgreiðslu á kreditkorti: Örn er í síma: 588-5277 eða 899-8185 og Bára í 867-4000. og tölvupóst orn(hjá)toppfarar.is eða bara(hjá)toppfarar.is.
Veðurspá:	www.vedur.is Skoðið staðaspár og veðurþáttaspár til að fá betri yfirsýn yfir vind, úrkomu og hita á svæðinu. Textaspá er réttari en myndaspá. www.belgingur.is er stundum nákvæmari. Sjá norska veðurspávefinn þar sem hægt er að skoða langtímaspá, helgarspá og klukkutímaspár en taka þarf með í reikninginn að um fjalllendi er að ræða þar sem önnur lögmál gilda en á láglendi og oft er hæðartala á þessum vef röng: Botnssúlur: http://www.yr.no/place/Iceland/Su%C3%B0urland/Botnss%C3%BAlur~3418044/ Þingvellir: http://www.yr.no/place/Iceland/Su%C3%B0urland/Thingvellir~3412645/ ATH! sjá athugasemdir íslenskra veðurfræðinga varðandi erlendar veðurspár , staðaspár og sérstöður veðurspáa á hálendi eða fjalllendi í Morgunblaðinu 20. febrúar 2010 þar sem fram kemur að almennar veðurspár, þó staðarspár séu fyrir ákveðin fjöll á Íslandi (eins og yr.no)vanmeta gjarnan vind o. fl. (eins og við höfum komist að gegnum tíðina... nefnilega að engin leið er að vita nákvæmlega veður og vinda í fjöllum/hálendi nema vera á staðnum): http://mbl.is/mm/gagnasafn/grein.html?grein_id=1323144
Skráning og skilmálar:	Ef þátttakendur afboða fyrir kl. 12:00 á föstudegi fæst ferð endurgreidd að fullu, en við afboðun eftir kl. 12:00 á föstudeginum fæst ferð ekki endurgreidd þar sem tryggja þarf lágmarksþátttöku. Afboðun þátttakenda fyrir kl. 12:00 á föstudegi getur þýtt að ferð er afboðuð með öllu vegna dræmrar mætingar (og þá fá allir endurgreitt) og því er brottför ferðar aldrei staðfest fyrr en eftir hádegi á föstudegi og fer tilkynning á vefinn og í tölvupóst ef ferðin er afboðuð en annars verður farið. Lágmarksþátttaka er 20 manns.
Leiðsögn:	Þjálfarar.
Brottför:	Kl. 8:00 frá N1 Ártúni þar sem sameinast er í bíla og ekið í samfloti.
Heimkoma:	Um kl. 17:00 en fer endanlega eftir veðri, færð og gönguhópi.
Aksturslengd:	Tæp 1 klst. að Svartagili á Þingvöllum (eða Brúsastöðum).
Akstursleiðarlýsing:	Ekið til Þingvalla og beygt til vinstri áður en komið er að þjónustumiðstöðinni og stuttu síðar inn á afleggjara sem liggur að Svartagili þar sem bílar eru skildir eftir (ef bílfært) - annars gengið frá vegi eða Brúsastöðum.
Hæð:	Um 783 m.
Hækkun:	Um 700 - 800 m.
Göngulengd:	Um 12 - 14 km en fer eftir endanlegu leiðarvali og er alltaf breytilegt eftir veðri, færð og gönguhópi.
Göngutími:	Um 6 klst. en fer eftir endanlegu leiðarvali og er alltaf breytilegt eftir veðri, færð og gönguhópi.
Gönguleið:	Annað hvort frá Svartagili aflíðandi leið um fyrsta hluta Leggjarbrjóts og yfir Öxará að aflíðandi brekkum Búrfells og upp sunnanmegin og niður sömu leið eða vestan megin, yfir Öxará og um Leggjarbrjót til baka (14 km) - eða ef ekki er bílfært að Svartagili þá farið frá bænum Brúsastöðum; aflíðandi gönguleið í snjó um hjalla Selfjalls, meðfram Helluhólum og yfir Búrfellsgil um giljótt og mýrlent svæði að aflíðandi brekkum Búrfells sunnan megin og til baka svipaða leið (12 km). ATH! Fara þarf yfir Öxará ef farið er um Svartagil - verið við því búin að komast þar fyrir á snjóbrúm, eða um klakahellur og steina eða þurfa eitthvað að vaða (vaðskór, plastpokar, varasokkar). Gönguleiðin frá Brúsastöðum er fremur mýrlend og vot svo þar þarf einnig að vera við öllu búinn eftir veðri/hitastigi dagana fyrir göngu.
Búnaður:	Sjá upptalningu undir búnaður - farið vel yfir listann og passið að hafa góða skó, hlý föt, góðan hlífðarfatnað, vettlinga og höfuðfat og nóg að drekka og orkuríkt að borða fyrir langan dag. Skyldubúnaður eru hálkubroddar (microspikes) - hálkugormar duga EKKI og þeir sem eiga jöklabrodda ættu að taka þá með og æfa notkun þeirra.
Erfiðleikastig:	3 af 6 eða fær öllum í ágætis gönguformi. Hér reynir á göngu við vetraraðstæður þar sem búast má við snjóþungu færi og hálku en fjallið er hvorki mjög hátt né bratt og gönguleið í styttri kantinum svo hún hentar öllum í klúbbnum og er skorað á nýliða og þá sem ekki hafa treyst sér í lengri tindferðirnar að mæta ;-)
Tryggingar:	Þátttakendur eru ekki tryggðir í göngunum og er bent á tryggingarfélögin í þessu sambandi. Gallerí Heilsa tryggir hvorki þátttakendur né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.

Næsta æfing er birtuganga þriðjudaginn 31. janúar: Smáþúfur Blikdal Kröftug kvöldganga með stígandi hækkun á þægilegri leið fyrir alla í sæmilegu formi. Höfuðljós og hálkubroddar eru skyldubúnaður. Fögnum birtu aftur í byrjun æfingar því nú hækkar sól óðum á lofti ;-) Blikdalur Esjunnar 6. maí 2009. Smáþúfur hægra megin á mynd frá vesturbrúnum þar sem tveir hnúkar rísa snjólausir framan við Kerhólakamb sem er í snjó. Dýjadalshnúkur og Tindstaðafjall vinstra megin og framan við þá er Lokufjall með Hnefa efstan og og svo Melahnúkur aftar. Sjá tindferð hópsins á hringleið um þennan dal í mars 2010 hér.
Brottför:	Kl. 17:30 á slaginu frá fjallsrótum NB ! Yfir vetrartímann hittumst við við fjallsrætur kl. 17:30 á fjöllunum nær Reykjavík til að nýta birtuna sem mest. Þeir sem vilja áfram sameinast í bíla í vetur hittast á N1 Ártúni kl. 17:00 !
Aksturslengd:	Um 20 mín frá Ártúnshöfða.
Akstursleiðarlýsing:	Ekið frá borginni um Vesturlandsveg að vigtarplani við suðurop Hvalfjarðarganga en þar við er afleggjari upp í heiðina þar sem við skiljum bílana eftir.
Hæð:	Um 600 m.
Hækkun:	Um 555 m.
Göngulengd:	Um 7 km en fer endanlega eftir leiðarvali veðri, færð og hópi.
Göngutími:	2:30 - 3:00 klst. en fer endanlega eftir leiðarvali, veðri, færð og hópi.
Gönguleiðin:	Gengið frá Vigtarplani um Ártún, upp vesturbungur Blikdals með útsýni til sjávar yfir á Akranes og Reykjavík, að Arnarhamri og áfram upp á hnúkana Smáþúfur og beina leið til baka. Leiðarval endurmetið ef veður er slæmt eins og alltaf á veturna og stefnt þá á Arnarhamar.!
Erfiðleikastig:	1 - 2 af 6 eða á færi allra í sæmilegu gönguformi.
Nauðsynlegur búnaður:	Hlífðarfatnaður; vatns- og vindheldar buxur og stakkur, höfuðfat og vettlingar, hlý föt innar, gönguskór, eitthvað að drekka... og fleira... sjá nánar allt um búnaðinn í göngum Toppfara undir búnaður. Höfuðljósin eru skyldubúnaður yfir vetrartímann og best að hafa hálkubroddana í bakpokanum hér með.
Tryggingar:	Þátttakendur eru ekki tryggðir í göngunum og er bent á tryggingarfélögin í þessu sambandi. Gallerí Heilsa tryggir hvorki þátttakendur, búnað né farangur þeirra. Þátttakendur ferðast á eigin ábyrgð og eru því hvattir til að kanna með eigin tryggingar.
Mynd: Arnarhamar og Smáþúfur lengst til vinstri - vestast í Esjunni í mynni Blikdals með Kerhólakamb efstan á mynd. Tekin 16. sepbember 2007.

Dagskráin í janúar 2012: Mynd: Grjótárdalur í Skarðsheiði 8. janúar í frostrósarferð...Ágústa, Rósa, Lilja, Heiðrún, Áslaug, Dóra og svo María E. fremst á mynd...
SUN	MÁN	ÞRI	MIÐ	FIM	FÖS	LAUG
1	2 Hádegisskokk kl. 12:00 frá Laugardal	3 Nýársganga Eyrarfjall Miðdal	4	5	6	7 Nýárstindferð: Eyrarþúfa Þverfjall, Skessukambur, Skarðskambur Tungukambur á Skarðsheiði
8	9 Hádegisskokk kl. 12:00 frá Laugardal	10 Esjuljósaganga Allir velkomnir!	11	12 Powerade nr. 4 af 6	13	14
15	16 Hádegisskokk kl. 12:00 frá Laugardal	17 Hefðarkonuganga Mosfell	18	19	20 Öskjuhlíð kl. 20:00.	21
22	23 Hádegisskokk kl. 12:00 frá Laugardal	24 Úlfarsfell frá Leirtjörn	25	26	27	28 Búrfell í Þingvallasveit
29	30 Hádegisskokk kl. 12:00 frá Laugardal	31 Birtuganga Smáþúfur Blikdal

Sjá dagskrá ársins 2012 í heild hér !

Í dynjandi snjókomu... á Úlfarsfelli
... á kafi í snjó...

Þriðjudaginn 24. janúar mættu 44 manns til göngu á Úlfarsfell eftir snjókomu klukkustundum saman fyrr um daginn... jú og dögum saman þar á undan... eða vikum saman... mánuðina á undan... svo allt var á kafi í snjó... og áfram hélt snjókoman að dynja á göngumönnum meira og minna þetta kvöld...

Bjart var í upphafi æfingar þó formleg birtuæfing sé ekki fyrr en eftir viku, síðasta þriðjudag jánúarmánaðar... og verður þetta alltaf einn kærasti tími okkar á fjöllum því birtan er þeim svo kærkomin sem gengið hafa í myrkri síðustu vikur frá því upp úr miðjum nóvember... en þó er varla hægt að tala um myrkur því sannarlega hefur snjórinn prýtt fjöllin á öllum okkar göngum í vetur frá því í lok nóvember og lýst vel upp þriðjudagskvöldin svo varla hefur þurft höfuðljós... nema rétt til að skerpa á gönguslóðinni...

Gengið var hefðbundin leið frá Leirtjörn upp suðvesturhlíðina á Vesturhnúk en þar afréðu þjálfarar að sleppa króknum yfir á norðurbrúnirnar því veðrið sýndist fara versnandi enda spáð þungri snjókomu og vindi er líða tæki á kvöldið... og héldu því yfir á Stóra hnúk sem er hæstur á Úlfarsfelli og haldið þaðan yfir á Litla hnúk í suðaustri þaðan sem tekinn var krókur niður og inn á skjólsælar suðurhlíðarnar niður á veg að bílunum.

Færið snjóþungt og hálka á köflum undir þykkum snjónum og veðrið í sama takti... snjóhríð að mestu en birti til á köflum
og útsýnisins þá notið meðan skyggni gafst niður á byggðirnar á láglendi... en Úlfarsfell verður alltaf í uppáhaldi þjálfara sökum þessa glæsilega útsýnis sem það gefur ofan í byggð af ekki hærra fjalli...

Kjartan, Stefán, Anton, Rósa, Jóhanna Fríða og Árni E?

Torfi, Alma, Gunnar Viðar og María E.

Halldóra Á., Anna Sigga, Björgvin, ?, Sigga nýja.

?, Kristjana? Guðlaug?, Ásta Guðrún?

Willi og Gunnar Kr.

Lilja Sesselja?, Gnýr, Jóhanna Karlotta, Nanna, Sæmundur, Steinunn og Irma?

Halldóra Þorsteins og Sæmundur.

...en Halldóra náði hópnum á Litla hnúk eftir að hafa lagt af stað í göngu 25 mínútum síðar en hópurinn og eins náði Ósk hópnum á Stóra hnúk eftir töf á leiðinni að fjallinu en það var ekki heiglum hent að fara einsamall í þessu veðri og færð á eftir hópnum og ná honum - snilldarstelpur ;-)

Mættir í heild voru:

Alma, Anna Sigga, Anna, Anton, Árni E., Áslaug, Ásta Guðrún, Ástríður, Bára, Björgvin, Björn, Eyþór, Finnbogi, Gnýr, Guðlaug, Guðmundur Jón, Gunnar Viðar, Gunnar Kr., Halldóra Á., Halldóra Þ., Herdís, Inga Þóra, Irma, Jóhann Ísfeld, Jóhanna Fríða, Jóhanna Karlottta, Karen, KatrínmKj., Kjartan, Kristjana, Lilja Sesselja, María E., Nanna P., Ólafur, Ósk, Óskar, Sigga S., Stefán, Steinunn, Sæmundur, Torfi, Vallý, Willi og Örn...

... en þar af voru Anna og Guðlaug að mæta í sína fyrstu göngu með hópnum...

... og Dimma, Día, Moli, Skuggi, Spá og Þula réðu sér ekki fyrir kæti í snjónum og fóru örugglega yfir 10 km þetta kvöld...

... og Skagamenn tóku sína æfingu á Geirmundartind - frábært hjá þeim ;-)

Alls 4,4 km á 1:31 - 1:40 klst. upp í 319 m hæð með 320 m hækkun miðað við 93 m upphafshæð.

Búrfell í Þingvallasveit á laugardaginn
... frábært útsýnisfjall og tignarlegt umhverfi í góðu skyggni á allra Toppfara færi...
... ef veðurspá leyfir...

Endilega sendið mér línu yfir þá sem ég næ ekki að sjá á myndum hverjir eru!

Skýjum ofar á Skarðsheiði
... í þungu færi og perlukenndri hrímþoku... en hífandi göngugleði...

Nýárstindferð Toppfara var á Eyrarþúfu, Þverfjall og Skessukamb á Skarðsheiði í lygnu og hlýju veðri en frosti ofar í þokudumbungi allan tímann sem næstum því lyfti sér ofan af fjallgarðinum á köflum fyrir hífand gleði göngumanna...

...sem hlógu sig upp á 1.048 m hæð þrátt fyrir krefjandi göngufæri og perlandi þoku neðar sem breyttist í nístandi hrímþoku
í kuldanum upp úr 800 m hæð þar sem allt fraus sem frosið gat í rakanum...

Útsýni því miður lítið á þessum svipmiklu útsýnisslóðum en þó fengum við eftir pöntun... eins og oft áður...nokkurra sekúndna sýn niður á Skessuhornið af norðurbrúnunum sem gaf okkur innsýn í það svipmikla veisluborð sem tignarleg Skarðsheiðin býður upp á þegar vel liggur á henni í góðu skyggni... en það var magnað eins og alltaf að upplifa það bókstaflega að vera skýjum ofar þessi örfáu augnablik þegar við fengum eitthvurt skyggni og sáum skýjabreiðuna liggja eins og sæng neðan okkar yfir öllu láglendinu...

Ætlunin var að ganga á fimm tinda kringum Súlárdal með viðkomu á tveimur kömbum á norðurbrúnunum en þungt göngufæri í blautum snjó alla leið á tindinn sneri leiðangursmönnum til baka ofan af þriðja tindi án viðkomu á tveimur síðustu þar sem stuttur sólargangurinn gaf ekki færi á frekari afrekum í þessu veðri, skyggni og færð... og þó erfitt hafi verið að ná ekki öllu takmarki dagins með hringleið eins og jafnan er háttur þessa hóps, hvað þá með alla þessa sterku göngumenn í för, voru flestir fegnir að ævintýrið varð ekki flóknara þegar fljótlega fór að skyggja á niðurleið og síðustu kílómetrarnir gengnir í myrkri og þungri bleytu þar sem þreytan fór að segja til sín...

Efri: Finnbogi, Árni G., Ísleifur, Kristína, Þór, Jóhanna Fríða, Jón Atli, Soffía Jóna, Súsanna, Hjölli, Katrín, Guðmundur Jón, Örn, Elsa Þóris, Ari, Árni E., Slvía, Kjartan, Lilja Steinunn Th, Lilja Sesselja, Björgvin, Áslaug, Ragna, Ágústa, Óskar Wild og Anton.
Neðri: Ingi, Sæmundur, Heiðrún, Kristjana, Vallý, Sigga Rósa, Steinunn, Irma, Steini P., Björn og Lilja Kr.
en Bára tók mynd og Día var eini ferfætlingurinn í ferðinni enda passaði hún hjörðina sína vel ;-)

Alls gengum við 16,3 km á 8:40 - 9:02 klst. upp í 1.050 m hæð með 1.109 m hækkun alls og bættum við í safnið Eyrarþúfu (500 m) sem rís eins og skjólsælt hlið framan við Súlárdal, Þverfjalli ( 884 m) sem rís milli Miðdals og Súlárdals og loks nafnlausa kambshorninu sem rís ofan af norðurbrúnum Skarðsheiðarinnar og við kjósum að nefna Skessukamb (1.048 m) í samræmi við nafngiftina á kortum af Skarðskambi vestar þar sem Skessuhorn tengist meginlandi Skarðsheiðarinnar út frá þessum kambi til norðurs.

Ferðasaga í heild hér: http://www.fjallgongur.is/tindur69_skessukambur_070112.htm

Sjá myndir leiðangursmanna á fésbókinni
og myndir þjálfara hér:https://picasaweb.google.com/Toppfarar/T69SkessukamburSkarSheiI070112

Myndband þjálfara á fésbók sem lýsir vel færð og skyggni á hæsta tindi dagsins á Skessukambi:
http://www.facebook.com/video/video.php?v=2413276818470

* F j a l l a j ó l a t r é * T o p p f a r a ...skreytt með nýjum slóðum klúbbsins árið 2011...
			El Misty Perú 5.822 m
		Andesfjöllin Santa Cruz Perú 4.750 m	Machu Picchu Inkaslóðum Perú 4.215 m	Colca Canyon Perú 3.300 m
		Hrútsfjallstindar Vatnajökli 1.875 m	Ok Kaldadal 1.193 m	Magni Fimmvörðuhálsi 1.067 m
	Háasúla Botnssúlum 1.060 m	Miðsúla Botnssúlum 1.053 m	Miðkambur Grjótáral 1.026 m	Súlnaberg Botnssúlum 965 m	Stóra Jarlhetta Langjökli 950 m
	Miðfjall Grjótárdal 944 m	Smjörhnúkar Hítardal 933 m	Hátindur Esju 918 m	Eilífsklettur Eilífsdal 906 m	Kambur Grjótárdal 884 m
Elliðatindar Snæfellsnesi 867 m	Skálatindur Eilífsdal 827 m	Hrafnabjörg þingvöllum 780 m	Þjófahnúkur Þingvöllum 703 m	Syðri Jarlhettur Langjökli 696 m	Þórnýjartindur Eilífsdal 679 m	Staka Jarlhetta Langjökli 672 m
Brekkukambur Hvalfirði 657 m	Tröllkarl Hrafnabjörgum 626 m	Tröllbarn Hrafnabjörgum 619 m	Tröllskessa Hrafnabjörgum 593 m	Mórauðakinn Skorradal 568 m	Kyllisfell Ölkelduhálsi 493 m	Eyrarfjall Hvalfirði 490 m
	Austari Stardalshnúkar Stardal 438 m	Sköflungur Dyrafjöllum 432 m	Gráuhnúkar Hellisheiði 416 m	Dalafell Reykjadal 407 m	Grænavatnseggjar við Sogin 394 m
		Djúpavatnseggjar við Sogin 367 m	Sandfellsklofi Kleifarvatni 277 m	Háuhnúkar Kleifarvatni 268 m
			Toppfarar gengu á 102 fjöll/tinda árið 2011 í 63 gönguferðum. Þar af 39 ný fjöll, tinda eða gönguleiðir sem byggja upp fjallajólatréð í ár. Í lok ársins hafa klúbbmeðlimir gengið alls á 196 fjöll í alls 292 fjallgöngum...
Árið 2011 markaði ógleymanleg afreksspor í sögu Toppfara... Þrátt fyrir mótbyr á köflum gáfum við ekki eftir og uppskárum magnaðar göngur og tindferðir í hæsta gæðaflokki... Lögðumst í víking til Perú í Suður-Ameríku og heimsóttum göldróttar slóðir af öðrum heimi en þessum... Gengum upp í tæpa 6.000 metra hæð á El Misty sem telst til afreka -hvað þá í 20 manna leiðangri... Upplifðum ógleymanlegar stundir í alls kyns óbyggðum á ægiförgum slóðum Íslands... Stóðum saman sem einn maður og styrktum vinabönd sem aldrei slitna... Haf þökk elsku Toppfarar fyrir dýrmæta vináttu og félagsskap á fjöllum sem ekkert toppar... Sjá fjallajólatré Toppfara árin 2007, 2008, 2009 og 2010. ************** Jólakveðja þjálfara til klúbbmeðlima gegnum youtube: http://www.youtube.com/watch?v=AtFbXDT7TCU&feature=youtu.be ***************

Vetrartöfrar á Þríhyrningi
...með alpakenndri jólagleði að Þjóðólfshaga...

Glaðir jólasveinar á fjöllum... með austari hluta Þríhyrnings í baksýn... og Tindfjallajökul enn fjær hægra megin...
Efri: Ágúst, Steinunn, Örn, Kjartan, Helga Edw., Jóhanna Fríða, Rósa, Björgvin, Ingi, Simmi, Heiðrún, Gurra, Anton, Sylvía, Sæmundur,. Jón Atli, Guðjón, Roar, Ásta Guðrún og Halldóra Á.
Neðri: Irma, Steinunn Z, Steinunn Þ2, Vallý, Jóhanna Fríða, Ásta Bjarney, Helga Bj., Sigga Sig., Heimir, Gylfi, Árni, Ástríður, Súsanna, Helga Bára, María S., Hildur Vals. og Lilja Sesselja en Bára tók mynd... og Stefán A. vantar á mynd!

Jólatindferð Toppfara var á Þríhyrning á Suðurlandi laugardaginn 3. desember við aðstæður eins og þær gerast bestar á fjöllum að vetrarlagi... heiðskíru og lygnu veðri, brakandi ferskum snjó og kristaltæru útsýni allan hringinn... þar sem vetrarsólin reis og hneig áður en tungl og stjörnur leiddu menn inn í jólagleði sem endaði í alpakenndum fjallaskála að Þjóðólfshaga þar sem skemmtiatriði og hlátur glumdi til sunnudagsmorguns...

Gengin var hefðbundin leið upp vestan megin og þrætt með brúnum fjallsins til austurs...

... með einstöku útsýni til fjalla eins og Heklu allt um kring...

... og Tindfjallajökuls sem aldrei hefur virst fegurri úr fjarska...

... í brakandi góðu göngufæri svo hvorki hálka né snjóflóðahætta spillti för...

... svo meira að segja Antoni tókst að lokka menn upp á Tona-hrygg...

... þar sem sólin sló gulli á umhverfið...

... og hláturinn glumdi sem aldrei fyrr í fjöllunum...

... í botnlauri fegurð sem eingöngu dimmasti árstíminn býður upp á...

... svo ekkert gat skyggt á hvorki fjöll né gleði...

... þegar tunglið tók við af sólinni...

... og við kvöddum veisluborð el Trekante...

...með afmælissöng til Siggu Sig...
... sem án efa telst vera mesta hetja Toppfara og lætur ekkert stöðva sig á fjöllum...

Hjartans þakkir elsku Sigga
fyrir aðdáunarverða elju, trausta vináttu, óbifanlega jákvæðni og einstakt hjartalag,
... fyrir utan listilegar glersmíðar þínar sem eiga mikilvægan þátt í að skrifa sögu Toppfara...
með einlægri von um að fá að njóta nærveru þinnar á fjöllum um ókomna tíð...

Við enduðum í sólsetri við Vestmannaeyjar...

... og flýttum okkur niður úr bítandi frostinu fyrir annars konar veislu um kvöldið...

... og skelltum okkur í heita pottinn á Hellu... með jólasveinahúfuna á höfði...
...í sæluvímu sem fékk menn til að velta sér upp úr snjónum...

... til að kæla sig fyrir funheitt kvöldið að Þjóðólfshaga þar sem Ágúst bauð félögum sínum af einskærum öðlingsskap upp á alpakennda jólagleði og gistingu þessa helgi sem endaði á amerískum morgunmat a la Gústi áður en menn fóru heim á sunnudeginum...

.. eftir ógleymanlegar stundir á flatasta landshluta Íslands sem einhvern vegin tókst að skilja eftir sig alpakenndar minningar
á aðventuhelgi sem ekki gat verið betur heppnuð...

Hjartansþakkir Ágúst
... fyrir gistingu á þessu fallega heimili þínu, eldamennskuna frá morgni til kvölds og gestrisni sem á fáa sína líka...
...Ingi og Heiðrún fyrir útsvarskeppni sem sannarlega þarf að endurtaka...
og Jóhanna Fríða, Kjarta og Stefán fyrir frábær skemmtiatriði...
... og allir fyrir að leggja hönd á plóginn til þess að gera þessa helgi að því sem hún var...

Ferðasagan í heild hér: http://www.fjallgongur.is/tindur68_thrihyrningur_031211.htm

Allar ljósmyndir þjálfara hér: https://picasaweb.google.com/Toppfarar/T68Rihyrningur031211

Myndband þjálfara úr ferðinni sem jólakveðja til klúbbmeðlima hér:
http://www.youtube.com/watch?v=AtFbXDT7TCU&feature=youtu.be

***Fjallasafnið 2011***

Miðnæturganga á Syðstu súlu i Botnssúlum þriðjudaginn 5. júlí 2011... í mergjuðu veðri og skyggni...

Árið 2012 ætla Toppfarar á
90 ólík fjöll/tinda/gönguleiðir í 71 fjallgöngum...

Hér koma stakir tindar og fjöll í tímaröð í öllum göngum Toppfara árið 2011:
Sjá dagskránna í heild á http://www.fjallgongur.is/dagskrain.htm
Hvítu fjöllin eru ný í safn Toppfara - alls 36 fjöll/tindar/gönguleiðir.
Appelsínugul fjöll hafa verið gengin áður.

Eyrarfjall
Eyrarþúfa Skarðheiðii
Þverfjall Skarðsheiði
Skessukambur Skarðsheiði
Esjuljósaganga
Hefðarkonuganga á Mosfell
Úlfarsfell frá Leirtjörn
Birtuganga á Smáþúfur
Búrfell Þingvöllum
Sólarganga á Geirmundartind Akrafjalli
Lambhagi Kleifarvatni
Tröllakirkja Holtavörðuheiði eða Strútur
Helgafell Hafnarfirði
Rauðuhnúkar Bláfjöllum
Hafnarfjallsöxl syðri
Blákollur
Rauðahnúkafjall
Svartitindur
Skálafjall
Brekkufjall
Háihryggur Dyrafjöllum
Miðfell Þingvallavatni
Kerhólakambur Esju
Sandsfjall Flekkudal
Esjuhorn
Seltindur
Hátindur
Skálatindur
Nónbunga Flekkudal
Drottning
Stóra Kóngsfell
Eyjafjallajökull?
Vífilsfell
Gullbringa Kleifarvatni
Geithöfði Kleifarvatni
Snæfellsjökull
Keilir
Kálfstindar hæsti
Tungukollur Hafnarfjalli
Kistufell Esju
Nónbunga Eilífsdal
Skálatindur Eilífsdal
Þverártindsegg
Kattartjarnahryggir
Kyllisfell
Ingólfsfjall Suðurlandi
Baula
Hátindur Esju
Skjaldbreiður
Glymur Hvalfirði
Syðsta súla
Miðsúla
Háasúla
Norðursúla
Vestursúla
Eiríksjökull?
Þríhnúkar v/Bláfjöll
Kverkfjöll
Askja - hringleið
Hrafnabjörg Þingvöllum
Stapatindur Sveifluhálsi
Innsta Jarlhetta
Múlafjall
Karavenke fjöll Slóveníu
Bogatine Saddle /Prisivec
Seven Triglav Lakes Valley / Hribarice
Mt Triglav
Velo Polje Field / Tisc Cliffs
Slóveníu
Skálafell Hellisheiði
Snókur Hafnarfjalli
Prestahnúkur Langjökli
Lambafell
Lambafellshnúkur
Esjan tímamæling
Lali Hafravatni
Hafrahlíð Hafravatni
Reykjaborg Hafravatni
Gráuhnúkar Hellisheiði
Hafursfell Snæfellsnesi
Valahnúkar Kaldárseli
Þverfell Langihryggur Esju
Búrfellsgjá Heiðmörk
Hrútaborg Hnappadal
Hnefi Lokufjalli
Úlfarsfell frá Leirtjörn
Háihnúkur Akrafjalli
Bláfell við Langjökul
Höfðingjaganga Esju
Lágafell
Lágafellshamrar
Úlfarsfell frá skógrækt

3. janúar - lokið
7. janúar - lokið
7. janúar - lokið
7. janúar - lokið
10. janúar - lokið
17. janúar lokið
24. janúar - lokið - alls 6 tindar, fjöll, gönguleiðir á árinu.
31. janúar
28. janúar
7. febrúar
14. febrúar
18. febrúar
21. febrúar
28. febrúar
6. mars
10. mars
10. mars
10. mars
10. mars
10. mars
13. mars
20. mars
27. mars
31. mars
31. mars
31. mars
31. mars
31. mars
31. mars
3. apríl
3. apríl
5. apríl
10. apríl
17. apríl
17. apríl
21. apríl
24. apríl
1. maí
8. maí
15. maí
22. maí
22. maí
26. maí
29. maí
29. maí
5. júní
9. júní
12. júní
19. júní
26. júní
30. júní
30. júní
30. júní
30. júní
30. júní
7. júlí?
7. ágúst
10. ágúst
11. ágúst
14. ágúst
21. ágúst
25. ágúst
28. ágúst
3. september
4. september
5. september
6. september
7. september
8. september
11. september
18. september
22. september
25. september
25. september
2. október
9. október
9. október
9. október
16. október
20. október
23. október
30. október
6. nóvember
10. nóvember
13. nóvember
20. nóvember
27. nóvember
1. desember
4. desember
11. desember
11. desember
18. desember

Ofangreindur listi tekur til hvers fjalls, fells eða tinds fyrir sig þar sem stundum er gengið um fleiri en einn tind á sama fjalli eða gengið um fleiri en eitt fell á sama svæði, eða gengin ákveðin gönguleið.
Á sumum fjöllum teljast fleiri en einn tindur en á öðrum teljast nokkrir tindar sem sama fjall - hér ræður landfræðileg lega fjallsins, þörf okkar á að aðgreina tinda eftir því hvenær við göngum á þá (stundum genginn hluti af fjallgarði eða tindahrygg) og loks hefð hvernig er talið.
Til þess að geta haft tölfræðina sem nákvæmasta er hver staður aðgreindur eftir nafngiftum á kortum og ef okkur þykir þörf á að setja nafn á nafnlausan tind og er hann þá talinn sjálfstæður tindur út frá því, þar sem stundum er farið á einn tindinn en ekki annan í sitt hvorri göngu.
Það er því ekki markmið í sjálfu sér að telja sem flesta tinda þó halda mætti það út frá gegndarlausri tölfræði þessa fjallgönguklúbbs ;-) ... heldur að vera sem nákvæmust fyrir okkur sjálf og aðra sem ganga á sama svæði síðar,
enda eru gæði ávalt mikilvægari en magn hvort sem um fjallgöngur er að ræða eða annað í lífinu ;-)

Toppfarar fara til Slóveníu 2. - 9. september 2012.

Laust er eitt sæti í 20 manna ferð - hafið samband við þjálfara !

Upplýsingar um ferðina af vef Exódus:
http://www.exodus.co.uk/holidays/tvj/overview?return=cT1wc2VhcmNoJmtleXM9anVsaWFuJTIwYWxwcyUyMHRy
YXZlcnNlJmZwPTImZmlsdGVy

Allar upplýsingar og tilkynningar þjálfara um ferðina hér á sérsíðu:
http://www.fjallgongur.is/slovenia_2012.htm

Síðasti kaflinn upp á Mt Triglav eða Þríhöfða sem er hæsta fjall Slóveníou þar sem stuðst er við keðjur og línur.

----------------------

Árið 2013 ætlum við á tind Mont Blanc
Skráning hafin í þá ferð enda krefst sú ferð langs undirbúnings andlega, líkamlega og fjárhagslega
- sjá hér neðar:

Toppfarar á Mont Blanc 2013 !

Mynd: Úr ferð Toppfara á fjallahringnum kringum Mont Blanc í september 2008.
Tekin við Hvíta vatnið - Le Lac Blanc í 2.362 m hæð með góðri sýn yfir á hæsta tind Mont Blanc hægra megin á mynd og nágrannafjöll.

Við stefnum á hæsta tind Frakklands sumarið 2013

Farið með Bændaferðum ef mögulegt er.
Áætlum rúma viku í ferðina til hæðaraðlögunar og svigrúms til að toppa.
Dvalið í fjallabænum Chamonix í Frakklandi.
Ferðatími kringum júlí-mánuð.
Giskum á verð ferðar um hálfa milljón á mann eins og staðan er núna í janúar 2012 en þetta er ágiskun okkar og fæst endanlega staðfest síðar frá ferðaskrifstofu þegar nær dregur. Mælum með að þeir sem ætla, fari að leggja fyrir!
Verð ferðar ræðst fyrst og fremst af sérþjálfuðum leiðsögumönnum sem fylgja hverjum tveimur göngumönnum.
Undirbúa þarf sig fyrir þessa ferð jafnt líkamlega sem andlega með því æfa vel göngur mánuðum saman fyrir brottför og venjast öllum aðstæðum, veðurs, færðar og birtuskilyrða; fara í göngur að vetri til og í myrkri, fara í langar og krefjandi göngur, fara í jöklagöngur og vera alvanur sjálfum sér og öllum búnaði við allar aðstæður, þ.m.t. sérhæfðum jöklagöngubúnaði (broddar, ísexi, línur).
Stefnt er að 12 - 16 manna ferð - ath síðar hámarksfjölda/lágmarksfjölda.

Skráðir eru 15 manns
en menn staðfesta ekki endanlega fyrr en nær dregur með greiðslu staðfestingargjalds
og því skráum við alla áhugasama nú óháð því hver hámarksfjöldi verður:

Bára og Örn
Ingi og Heiðrún
Sigga Sig og Heimir
Jón Steingríms og Valgerður Lísa
Steinunn
Gunnar og María
Lilja Sesselja
Stefán Alfreðs
Sæmundur
Jóhanna Fríða

Myndasafn Toppfara:

Sjá ferðasögu Toppfara um fjallahringinn kingum Mont Blanc í september 2008 hér.

Sjá allar ljósmyndir þjálfara úr ferðnni þar sem sýnin á Mont Blanc fékkst úr öllum áttum hér:
https://picasaweb.google.com/Toppfarar/T15AlparnirDagur4 - Monte de la Saxe á Ítalíu
https://picasaweb.google.com/Toppfarar/T15AlparnirDagur5160908 - Le Lac Blanc í Massif des Aiguilles Rouges.
https://picasaweb.google.com/Toppfarar/T15AlparnirDagur6170908 - Aquille du Midi.
https://picasaweb.google.com/Toppfarar/T15AlparnirDagur7180908 Col Tricot við Bionnassy jökulinn.
https://picasaweb.google.com/Toppfarar/T15AlparnirDagur8190908 Le Mont Brevent.

Sjá nokkrar vefsíður af göngum á Mont Blanc:

Ferðasaga á Mont Blanc með Bændaferðum 2007: http://www.mbl.is/greinasafn/grein/1157888/

Ferðasaga á Mont Blanc með Bændaferðum og Einari Stefánssyni Everestfara og fararstjóra 2008:
http://birgirs.123.is/blog/month/200807/

Ferðalýsing Bændaferða með Haraldi Erni Everestfara á Mont Blanc frá því árið 2006 (gamlar upplýsingar/gamalt verð):
Skrolla niður - er í 3 hlutum og byrjar neðst á blogginu:
http://www.fi.is/files/1764208160Ganga%20%E1%20Mont%20Blanc%20-%20fer%F0al%FDsing.pdf
Athugið að þessi ferðalýsing eru gamlar upplýsingar og eiga ekki endilega við um okkar ferð
en gefa ákveðna innsýn!

Mynd: Úr ferð Toppfara á fjallahringnum kringum Mont Blanc í september 2008.
Tekin úr kláfnum á leið á Aquille du Midi í 3.795 m hæð þar sem við fylgdumst með göngumönnum á leið upp.

Framtíðarferðir Toppfara
erlendis næstu árin:

Annað hvert ár farið í fremur létta ferð sem hentar öllum
og annað hvert ár í meira krefjandi ferð.

2008: Fjallahringurinn kringnum Mont Blanc í Frakklandi, Sviss og Ítalíu - 2.386 m - - rúm vika - lokið!
2011: Perú Suður Ameríku - rúmlega 3ja vikna ferð - fjórar ólíkar göngur í mikilli hæð frá 3.300 m - 5.822 m - lokið!
2012: Slóvenía - rúm vika - hæsta fjall landsins, Triglav: 2.864 m - í undirbúningi - 19 manns staðfest ferðina af 20 plássum.
2013: Mont Blanc Frakklandi - rúm vika - hæsta fjall Frakklands/ V-Evrópu: 4.810 m - skráning hafin - staðfest þátttaka síðar.
2014: Mt Rainer 4.392 m í Washington fylki BNA - ca 2ja vikna ferð?
2015: Nepal - Grunnbúðir Everest upp í rúmlega 5000 m hæð eða Annapurna fjallahringurinn - um 3ja vikna ferð.
2016: Pólland - hæsta fjall landsins 2.499 m - rúmlega vikuferð.
2017: Aconcagua í Argentínu - Hæsta fjall Suður Ameríku 6.962 m - 3ja vikna ferð - erfitt!
2018: Atlasfjöllin í Marokko - hæsta fjall Norður-Afríku, Mt Toubkal: 4.167 m - rúmlega vikuferð.
2019: Elbrus - Í Rússlandi - hæsta fjall Evrópu 5.642 m - um 2ja vikna ferð.
2020: Þýskaland - Obersdorf - hæsta fjall landsins; Zugspitze: 2962 m - rúm vika.
2021: Kilimanjaro - Hæsta fjall Afríku 5.895 m - tæplega 3ja vikna ferð.
2022: Búlgaría - Sikileysku eldfjöllin - Balkanlöndin - Alparnir - Tyrkland - Spánn...?
2023: Monte Rosa - Zermatt - Asía - Kína - Japan/Mt Fuji? - Kanada - Hawaii - Íran...?
... o.s.frv... - sendið tillögur að spennandi áfangastöðum - allar athugasemdir vel þegnar.

ATH! Þetta eru drög sem geta auðveldlega breyst vegna athugasemda, annarra óska
eða betri hugmynda klúbbmeðlima eða þjálfara ;-)

*Orð eru til alls fyrst...
*Tíminn líður hratt...
*Klúbbmeðlimir eiga stórafmæli á hverju ári...
*Við vitum ekki hversu lengi heilsan leyfir krefjandi fjallgöngur...
*Sumar þessara ferða krefjast langs undirbúnings sem er ekkert síður andlegur en líkamlegur...
... þess vegna er nauðsynlegt að hafa skýra langtímasýn...
... til að hlutirnir gerist ;-)

Perúferðin var fyrst nefnd í janúar 2008 og endanlega ákveðin í ágúst 2009 og þá var ansi langt í árið 2011...
...nú í janúar 2012 er að verða ár liðið frá Perúferðinni...

Sjá vefsíður ýmissa fjalla og leiðsögumannafyrirtækja sem fara á spennandi slóðir:

*Mount Rainer: http://www.visitrainier.com/

*Amerískir leiðsögumenn sem fara um allan heim:
http://www.mountainguides.com/

... listinn er í vinnslu - endilega sendið áhugaverða tengla !

Dagskráin 2012!
Vinsamlegast sendið athugasemdir til þjálfara!

Myndasíða af tindferðum Toppfara frá upphafi:
www.picasaweb.com/Toppfarar

Myndbönd úr göngum Toppfara á Youtube:
www.youtube.com/BaraKetils

Og einstök myndbönd frá Áslaugu á Youtube:
www.youtube.com/user/
aslaugmelax

...og sama snilldin hjá Gylfa Þór á Youtube:
www.youtube.com/
user/gussleris

Myndasíða Gylfa Þórs geymir frábærar myndir og myndbönd af göngum Toppfara frá upphafi:
www.123.is/gylfigylfason

Allar myndir á vefsíðu eru teknar af þjálfurum í göngum Toppfara eða í tengslum við þær nema annað sé tekið fram.

Dagskráin 2012:

101 fjöll/tindar /gönguleiðir
í 69 fjallgöngum...

Komdu með að safna fjöllum!

T ö l f r æ ð i n :

Allar tölur uppfærðar eftir hvern tind eða oftar.

Fjöldi fjalla: 199
Fjöldi æfinga: 214
Fjöldi tindferða: 69
Aukagöngur: 6
Félagagöngur: 17
Fjallamaraþon: 4
Samtals göngur: 290

Félagar:
131 manns

Elsti:72 ára
Yngsti: 20 ára

Kynjahlutfall:
50 kk / 70 kvk

Meðaltali mætt:
Allar göngur: 19,8

Flest mætt:
Á sumaræfingar: 68
Á vetraræfingar: 62
Í tindferðir: 54

Fæst mætt:
Á sumaræfingar: 8
Á vetraræfingar: 5
Í tindferðir: 11

Yfir sumartímann (apríl-sept.) hittumst við alltaf á N1 í Ártúnsbrekku og förum kl. 17:30 í samfloti að fjallsrótum. Sjá leiðarlýsingu nánar á vefsíðunni hvert sinn og í tölvupósti.

Yfir vetrartímann (okt.-mars) hittumst við alltaf við fjallsrætur til að nýta birtuna sem best.

Vilji menn sameinast í bíla á vetraræfingum er um að gera að sammælast um að hittast kl. 17:00 á N1.

Í mánaðarlegu tindferðunum hittumst við hins vegar alltaf á N1 allt árið og förum í samfloti að fjallsrótum.

Athugið vel að margir eru kallaðir í fjallgöngur... en fáir útvaldir... þar sem margt veldur því að við komum okkur ekki af stað þó vilji sé fyrir hendi ( "alltaf á leiðinni")... ("æji, veðrið er ekki nógu gott")...
...en í þessu tilfelli er það undir okkur sjálfum komið hvort við erum ein hinna útvöldu eða sitjum eftir í bænum...

Flestir meðlimir Toppfara hafa tekið sín fyrstu skref í fjallgöngum með hópnum eða farið í fyrstu krefjandi göngurnar með hópnum.

Engu að síður eru einnig meðlimir í hópnum með áralanga reynslu svo getustig hópsins og reynsla er mjög breið.

Þeir sem mætt hafa vel á æfingar frá þeir byrja hafa allir undantekningarlaust tekið miklum framförum og öðlast dýrmæta reynslu sem gerir þeim kleift að vera sjálfstæðir í sinni útiveru og njóta hennar enn betur með hópnum og án hans.

Fjallgöngur eru ein ákjósanlegasta líkamsrækt sem völ er á

Ísland er einn ákjósanlegasti vettvangur fjallgangna sem um getur...

Fjöllin allt um kring eru forréttindi sem vert er að njóta til hins ítrasta...

Hvað annað en að safna fjöllum...?

Ekki missa af
hressandi heilsurækt í óbyggðum...

...og frískandi upplifun af árstíðunum fjórum...

Komdu með að safna fjöllum...

...og taktu þátt
í að skrá sögu Toppfara...

Að baki:
(uppfært 31. des 2009)

Alls hæð:
103.522 m

Meðaltal hæðar:
663,6 m

Alls hækkun:
85.696 m

Meðaltal hækkunar:
550 m

Samtals kílómetrar:
1.436 km

Meðaltal kílómetra:
9,2 km

Veðrið:

Meðalhitastig:
5,9°C

Meðalvindstig:
5,4 m/sek.

Hálfskýjað:
x 44
41,5%

Sólskin/heiðskírt:
x 27
25,5%

Skýjað:
x 21
19,8%

Þoka:
x 16
15,1%

Rigning:
x 26
24,6%

Snjókoma/él:
x 18
17 %

Sjá nánar tölfræðidagbókina

Ævintýralegar æfingar Toppfara

Töfrandi tindar
Toppfara

Hverjir eru þessir
Toppfarar?

Hvaða fjöll eru að baki Toppfara?

Hvernig klúbbur eru Toppfarar?

Hvað er á dagskrá
Toppfara?

Fjallajólatré liðinna ára hjá Toppförum

Tölfræði Toppfara

Hvernig kemst ég í Klúbb Toppfara?

---

Lið Toppfara í hlaupadagbókinni:

Við hvetjum ALLA til að skrá sig í lið Toppfara
og fylgjast þannig með eigin æfingum svart á hvítu...

Þjálfarar hafa skráð sveit Toppfara í hlaupadagbókina á vefnum – www.hlaup.com – þar sem hlauparar og aðrir íþróttamenn geta skráð allar sínar æfingar og fengið þær á tölfræðilegu formi, þ. á m. í excel. Þessi síða hefur slegið í gegn og fær nýja notendur á hverjum degi en þar skrá sig þeir sem hlaupa, hjóla, synda, ganga, lyfta, fara í ræktina o. s.frv… en dagbókin hentar öllum sem æfa reglulega. Síðan er í stöðugri þróun

Notkun á hlaupadagbókinni er lygilega mikil hvatning og aðhald, hún gefur kost á að skrá alla hreyfingu og sjá t. d. hve marga km maður hefur gengið á fjöllum eða hlaupið eða… frá áramótum… mjög gefandi.
Flestir sem hafa skráð sig í hlaupadagbókina hafa skyndilega fyllst eldmóði og metnaði til þess að æfa vel og standa sig svo þetta er tilvalin leið til að halda sér við efnið!
Kosturinn er einnig sá að við getum fylgst hvert með öðru, lært hvert af öðru, sent skilaboð á milli manna, haft persónulegar upplýsingar og tengla á síðunni… en fyrst og fremst séð eigin æfingar svart á hvítu og bætt okkar frammistöðu þar til við erum sátt!

------

Íris Ósk sendi 
þessa vísu í tilefni
af Syðstu-Súlu 
í október 2007.



Ljóð eftir
Tómas 
Guðmundsson:

FJALLGANGA.

I.

Urð og grjót.

Upp í mót.

Ekkert nema 
urð og grjót.

Klífa skriður.

Skríða kletta.

Velta niður.

Vera að detta.

Hrufla sig á 
hverjum steini.

Halda, að sárið 
nái beini.

Finna, hvernig 
hjartað berst,

holdið merst

og tungan skerst.

Ráma allt í einu í 
Drottinn:

"Elsku Drottinn,

núna var ég nærri 
dottinn"!

Þér ég lofa því 
að fara

þvílíkt aldrei framar,
bara

ef þú heldur 
í mig núna!''

Öðlast lítinn 
styrk við trúna.

Vera að missa 
vit og ráð,

þegar hæsta 
hjalla er náð.

II.

Hreykja sér 
á hæsta steininn.

Hvíla beinin.

Ná í sína 
nestistösku.

Nafn sitt leggja 
í tóma flösku.

Standa upp og rápa.

Glápa.

Rifja upp

og reyna að muna

fjallanöfnin:

náttúruna.

Leita og finna

eitt og eitt.

Landslag yrði

lítils virði,

ef það héti 
ekki neitt.

III.

Verða kalt, 
er kvöldar að.

halda seint 
og hægt af stað.

Mjakast eftir 
mosatónum.

Missa hælinn 
undan skónum.

Finna sig öllu 
taki tapa:

Hrapa!

Velta eftir 
urð og grjóti

aftur á bak 
og niðr í móti.

Leggjast flatur.

Líta við.

Horfa beint 
í hyldýpið.

Hugsa sér,

að höndin sleppi.

Hugsa sér,

að steinninn 
skreppi.

Vita urðir 
við sér taka.

Heyra í sínum 
beinum braka.

Deyja, áður 
en dagur rynni.

Finnast ekki 
einu sinni.

IV.

Koma heim og 
heita því

að leggja aldrei 
upp á ný.

Dreyma margar 
næstu nætur

hrap í björgum, 
brotna fætur.

Segja löngu 
seinna frá því

,,Sjáið tindinn, 
þarna fór ég!

Fjöllunum ungur 
eiða sór ég,

enda gat ei 
farið hjá því,

að ég kæmist 
upp á tindinn.

Leiðin er að 
vísu varla

vogandi nema 
hraustum taugum,

en mér fannst 
bara bezt 
að fara

beint af augum,

því hversu mjög 
sem mönnum 
finnast

fjöllin há, ber 
hins að minnast,

sem vitur maður 
mælti forðum

og mótaði í 
þessum orðum,

að eiginlega er 
ekkert bratt,

aðeins mismunandi 
flatt...!

----

Hugmyndafræði Gallerí heilsu byggir á frumefnunum fjórum:

jörð - eldur- loft - vatn

*Þjálfun (vatn- vökvun, smurning, mýkt): Nota þriðjudagsgöngurnar til að þjálfa sig upp líkamlega, andlega og búnaðarlega og tindferðirnar svo til meiri ögrunar fyrir krefjandi tinda. Mæta á æfingu óháð veðri þar sem gott er að læra á sjálfan sig við ólíkar aðstæður. "Slæmt" veður gefur gott tækifæri til að prófa eigin búnað við aðstæður þar sem fyrst og fremst reynir á hann. Sýna staðfestu og andlegt úthald með því að fara í göngu eða taka æfingu sjálfur ef maður missir af æfingu. Æfa þol lágmark x3 í viku og helst styrktaræfingar með - sjá almennt æfingaprógram neðar á vefsíðunni.

*Næring (eldur - brennsla, eldsneyti, orka): Fyrir þriðjudagsgöngurnar þarf að nærast vel sólarhringin fyrir og á þriðjudeginum sjálfum. Ekki er nóg að hafa borðað hádegismat, heldur borða orkuríkt eftir hádegið og hafa t. d. með sér banana eða samloku í bílnum til að borða á leiðinni. Fyrir tindferðirnar er mikilvægt að nærast vel sólarhringinn fyrir gönguna, borða góðan kvöldmat deginum áður með langvarandi orkugjafa eins og kjöti/fiski og svo t. d. pasta, hrísgrjón, kartöflur, brauð. Drekka einnig vel sólarhringinn fyrir átök og alls ekkert áfengi. Orkuleysi á göngu getur einfaldlega verið vökvaskortur eða sykurskortur en ekki lélegt form og eru mýmörk dæmi þess í hópnum að nokkrir sopar af sykruðum vökva hefur komið uppgefnum mönnum aftur af stað. Mikilvægt er að fara orkuríkur og vel nærður af stað en ekki treysta eingöngu á orkudrykki eða slíkt rétt á meðan á göngunni stendur þar sem sú orka dugar ekki til lengri tíma. Eftir krefjandi göngu er eðlilegt að vera svangari en oft áður sólarhringinn á eftir og mikilvægt að nærast hollt og vel til að endurhlaða og endurnæra líkamann fljótt og vel eftir átökin.

*Hvíld (jörð - slökun, yfirvegun, endurnæring): Hvílast almennt vel þegar maður er að æfa vel, bæði fyrir og eftir. Þar sem oft er erfitt að ná góðri slökun nóttina fyrir átök eins og krefjandi fjallgöngu, er lögð áherzla á góðan nætursvefn nóttina þar á undan, þ. e. aðfararnótt föstudags ef þetta er tindferð á laugardegi sem dæmi. Draga úr æfingaálagi tvo daga fyrir krefjandi tindferð en þetta er samt einstaklingsbundið og sumir æfa alla daga ef formið leyfir slíkt. Mikilvægt er svo að gefa sér góða hvíld eftir krefjandi göngu á sunnudeginum, (eða á miðvikudagskveldi ef þriðjudagsganga) og leyfa bæði líkama og huga að endurnærast með hvíld, góðri næringu og ánægju með ævintýrið...

*Hugarfar (loft - hugarfar, vilji, andi): Vera jákvæður og fullur tilhlökkunar fyrir komandi verkefni þó það sé krefjandi eða jafnvel kvíðavekjandi á stundum... Sækja í eigin reynslubanka ef maður verður óöruggur og hafa vilja til þess að bæta í hann nýrri reynslu þó það virðist óyfirstíganlegt. Muna að það er miklu skemmtilegra og í raun sigur að hafa lagt í hann fremur en að sitja heima og fá fréttir, hvernig svo sem dagurinn fer... Reynsla þess sem lætur sig hafa það og tekst á við krefjandi verkefni óháð útkomu er ein sú dýrmætasta í lífinu !

Í hnotskurn...
Æfa vel
Hvílast vel
Nærast vel
Hafa trú á sjálfum sér...
... og vera þakklátur fyrir góða fjallgöngu

Sigursæla
fjallgöngumannsins
er engu lík...