Dagskrá Toppfara árið 2023


Með fyrirvara um breytingar vegna veðurs, færðar eða vinnu þjálfara.
Dagskráin er sífellt í þróun og breytist með veðri og vindum, betri hugmyndum og óskum.
Æfingar falla ekki niður nema vegna óviðráðanlegra orsaka
og ekki vegna veðurs nema við tilmæli Almannavarna og þá tilkynnt samdægurs á fb-síðu hópsins.


Áskorun ársins 2023 er "þriðjudagsþakklæti"...

þar sem skorað er á alla klúbbmeðlimi mæta sem flesta þriðjudaga allt árið með klúbbnum
eða ganga á eigin vegum ef menn komast ekki í þriðjudagsgöngu.

Eingöngu þriðjudagsgöngur Toppfara gilda eða ganga á eigin vegum (ekki göngur með öðrum hópum NB)
og gangan þarf að vera utan malbiks, en þarf ekki að vera á fjall, nóg að sé gönguleið utan malbiks

Hver og einn telur sína þriðjudaga (með klúbbnum eða á eigin vegum)
og skráir þá tölfræði sem hann vill (km, hækkun o.fl. eftir smekk)

og meldar inn sinn lista eftir hvern mánuð (nóg að telja þriðjudagana NB)
en mjög gaman væri ef þátttakendur myndu skrá hversu oft þeir eru að fara í fyrsta sinn á viðkomandi fjall/leið

og ýmsa aðra tölfræði. 


Ljósmyndakeppni verður í þessari áskorun... "fegurð hins smáa"
þar sem við skulum gefa því smáa gaum í umhverfinu og myllumerkja hana #Þriðjudagsþakklæti og #Fegurðhinssmáa.

Þjálfarar velja mynd ársins og í vinning er árgjald í klúbbnum sem hægt er að nýta fyrir sjálfan sig eða aðra. 


Þá ætlum við einnig í þriðjudagsþakkætinu að kjósa um hvaða þriðjudagsæfing gaf manni mest,
var fallegust, erfiðust o.s.frv... (neiiiii... við förum nú ekki að velja "leiðinlegustu" ha ? :-) ).
Fleiri flokkar gætu skapast þegar við byrjum á þessu, bara til gamans :-).

Afhverju þakklæti ?
Jú... verum þakklát fyrir að hafa heilsu og tækifæri til þess að upplifa stórkostlegar fjallgöngur á hverjum einasta þriðjudegi allt árið um kring... steinsnar frá borginni en samt í gjöfulli náttúru, að mestu um ótroðnar slóðir og oft á nýjum slóðum þrátt fyrir að vera búin að stunda fjallgöngur árum saman... með yndislegu fólki... það er langt í frá sjálfgefið ! 

 

Í vinning í þriðjudagsþakklætinu er árgjald í klúbbnum sem verður dreginn út hjá öllum þátttakendum áskorunarinnar óháð fjölda þriðjudaga og NB sá sem nær flestum þriðjudagsæfingum með klúbbnum (ekki á eigin vegum) vinnur sér einnig inn árgjald. 

Þakklæti er vanmetin og vannýtt auðlind... æfum þakklætið meðvitað... auðgum tilveruna með því að staldra við og njóta hins smáa og vera þakklát fyrir það sem er í túngarðinum okkar og fyrir að geta notið þess si svona í hverri viku á þriðjudagskvedi... það þarf ekki alltaf að leita langt yfir skammt... ekki alltaf upp á há fjöll eða á framandi slóðir erlendis til að upplifa töfra sem lifa með manni um ókomna tíð.

#Þriðjudagsþakklæti 

Föstudagsfjallgöngur einu sinni í mánuði: 

Við ætlum að prófa að bjóða upp á eina fjallgöngu í mánuði á föstudegi
fyrir þá sem geta og vilja fara á fjall á virkum degi
og verða þessar göngur opnar öllum, klúbbmeðlimum og öðrum áhugasömum sem almennt geta ekki verið í Toppförum.

Þetta eru12 fjöll, eitt í hverjum mánuði, allar tólf göngurnar eru stuttar og frekar léttar göngur um 8 - 10 km á 4 - 5 klst. (nema Baula). og henta því öllum og ekki síst þeim sem hugnast ekki langar og krefjandi göngur um helgar.
Almennt verður farið úr bænum kl. 8:00 á föstudegi og komið til baka um kl.16 - 17:00.
Öll þessi 12 fjöll eru frístandandi og því áberandi, frekar þekkt fjöll, mjög svipmikil og sérlega glæsileg ásýndar enda í sérstöku uppáhaldi þjálfara.
Öll tólf hafa þau gefið okkur í klúbbnum kyngimagnaðar göngur í gegnum árin... 
og einmitt þess vegna... verða allir að upplifa þau og hafa þau í sínu fjallasafni !

Athugið að þessi fjöll eru svo alltaf á aukaferðalistanum á laug/sun næstu árin
fyrir þá sem ekki komast á föstudögum ef veður og áhugi leyfir. 

Ofurganga ársins 2023...

#KringumLangasjóáeinumdegi. 

 er  gamall draumur þjálfara um að ganga kringum Langasjó á einum löngum göngudegi 
með því að fá rútu sem keyrir okkur að suðurenda vatnsins og sækir okkur um 16 - 20 klst. síðar eftir alls 50 km göngu
um sanda, fjörur og stórkostlegar rætur Fögrufjalla í einstakri öræfakyrrð við jaðar Vatnajökuls
kringum blátt og tært fjallavatn sem á sér engan líka á Íslandi. 
Möguleiki verður á að láta sækja sig þegar hringurinn er rúmlega hálfnaður
með fyrirvara um hversu langt rútan kemst inn eftir Breiðbaksmegin en þetta er mjög krefjandi ganga fyrir þá sem vilja ná hringnum í heild, þarfnast góðs undirbúnings og þjálfunar þar sem við nýtum reynsluna og lærdóminn af Laugaveginum og Vatnaleiðinni á einum degi árin 2020 og 2021. Allir þurfa því að æfa vel frá ársbyrjun og vera tilbúnir í langa og stranga göngu en stórkostlega upplifun ein í heiminum, langt frá byggð með hvorki húsaskjól né aðrar bjargir á leiðinni...
eins og... en þó enn fjarri öllu... heldur en á Laugaveginum 2020 og Vatnaleiðinni 2021.
Útfærum þetta saman sem hópur og hugsum í lausnum og ævintýrum en ekki hindrunum né úrtölum...
því eingöngu þannig fórum við að því að fara  #Laugavegurinnáeinumdegi #Vatnaleiðináeinumdegi !

Árlega jöklaferðin...

verður á Eystri-Hnapp í Öræfajökli undir leiðsögn Jóns Heiðars og félaga hjá #AsgardBeyond á hann er mjög sjaldfarinn og án efa fáfarnasti tindurinn af öllum sjö í öskjunni enda sprungin og flókin leiðen í styttri kantinum þar sem keyrt er upp Hnappaleiðina sem styttir vegalengd og hækkun talsvert.Við erum búin að panta 8 - 12 manna ferð á Hvannadalshnúk með Tindaborg fyrir þá sem eiga alltaf Hnúkinn eftirog verða báðar ferðir sömu helgi og við gistum öll og grillum saman eftir göngu í Svínafelli

Höldum áfram að bæta...
við kyngimögnuðum fjöllum í safnið:
#FjöllinaðFjallabaki og #Laugavegsfjöllin og #Skaftárfjöllin og #Þórsmerkurfjöllin 
sem öll eru uppi á hálendi og sum hver fáfarin og janvel lítt þekkt en sérlega spennandi og fögur.

Höldum áfram #ÞvertyfirÍsland... 
Höldum áfram göngunni yfir landið og förum leggi 8, 9 og 10
yfir fjöll, lendur og ótroðnar spennandi slóðir og endum einhvers staðan við Jarlhetturnar í lok árs...


Göngum á 16 fjöll á 16 dögum á 16 ára afmælinu í maí.
#16fjöllá16dögum

... og förum á páskafjöllin fimm yfir páskana.
#páskafjöllin5


... og höldum áfram að fara 52 ferðir á vinafjallið okkar á árinu 2023 enda besta leiðin til að halda sér í góðu fjallgönguformi að heimsækja uppáhaldsfjallið sitt vikulega.
S
rásetjum hér með alla þá sem ná þessu á hverju ári eða rúmlega það á vefsíðunni
enda er frammistaðan og einurðin í þessari áskorun ótrúlega flott síðustu ár. 

#vinafjalliðmittx52

... og svo er líka gott aðhald að halda áfram að gæta þess að ná 42,2 km á fjöllum í mánuði fyrir þá sem vilja setja sér markmið og halda sér í góðu fjallgönguformi allt árið um kring.
#Fjallamaraþonx42km 

 

​Jú... og auðvitað prjónum við áfram riddarapeysur og aukahluti riddarans... vettlinga, húfur, pils...
til að auðga lífið, skapa, njóta fegurðar, læra hvert af öðru og bara hafa gaman... við þurfum að bæta okkur aðeins í þessu... það vantar fleiri húfur, vettlinga og pils... og vá, það hafa aldeilis bæst við fallegar riddarapeysur á hverju ári... magnað alveg... höfum bara gaman... þá er skemmtilegra að lifa :-) 

 

Janúar

 

Þri 3. jan: Móskarðahnúkar ef fært, skálum fyrir Móskarðaári Jöönu 2022 ! (Haukafjöll til vara).

Laug 7. jan: Kráka og Smjörhnúkur Snæfellsnesi. #Snæfellsnesfjöllin

Þri 10. jan: Ásfjall og Vatnshlíð kringum Ástjörn. #Vatnahringir2023

Fös 13 jan Vikrafell Borgarfirði. #Föstudagsfjöllin1 af 12. 

Þri 17. jan: Rauðuhnúkar í Bláfjöllum.

Laug 21. jan: Yfir Búrfell í Grímsnesi að Laugarvatnsfjalli legg 8 #ÞvertyfirÍsland. 

Þri 24. jan: Klúbbganga, þjálfarar í fríi.

Þri 31. jan: Klúbbganga, þjálfarar í fríi.

Febrúar

 

Þri 7. feb: Sandfell og Fjallið eina við Vatnsskarð.

Laug 11. feb: Níu tindar kringum Kleifarvatn. #Vatnahringir2023

Þri 14. feb: Kúpuhryggur í Esju.

Fös . feb: Bjólfell við Heklu. #Föstudagsfjöllin 2 af 12.

Þri 21. feb: Bláfjallahryggur, Kerlingarhnúkur og Heiðartoppur Bláfjöllum - jöklabrodda- og ísaxaræfing.

Laug. 18. feb: Þorgeirsfell og Þorgeirshyrna Snæfellsnesi. #Snæfellsnesfjöllin

Þri 28. feb: Þyrilsnes Hvalfirði.

Mars

 

Laug 4. mars: Yfir Laugarvatnsfjall og Efstadalsfjall í Efstadal legg 9 #Þvert yfir Ísland.

Þri 7. mars: Krossfjöll og Litla Sandfell Þrengslum.

Þri 14. mars: Sandfell í Kjós.

Fös 17. mars: Þríhyrningur Suðurlandi. #Föstudagsfjöllin3 af 12.

Þri 21. mars: Torfdalshryggur kringum Bjarnarvatn um Æsustaðafjall. #Vatnahringir2023

Þri 28. mars: Stóra Skógfell, Sundhnúkur og Hagafell Reykjanesi.

Apríl

 

Laug 1. apríl: Glymur, Skinnhúfuhöfði og Hvalfell kringum Hvalvatn. #Vatnahringir2023

Þri 4. apríl: Lakahnúkar og Stóra Sandfell Hellisheiði.

Fös. 7. apríl: Baula Vesturlandi. #Föstudagsfjöllin 4 af 12.

Þri 11. apríl: Bolaklettur Borgarfirði. 

Laug 15. apríl: Botna-skyrtunna norðan megin upp Snæfellsnesi. #Snæfellsnesfjöllin

Þri 18. apríl: Núpahnúkur, Valahnúkur og Þurárhnúkur Neðan Hellisheiðar.

Þri 25. apríl: Geldingaárháls og Kinnarhóll við Hafnarfjall.

Maí

 

Þri 2. maí: Jókubunga um Kúludal Akrafjalli.

Laug 6. maí: Eystri Hnappur í Öræfajökli með Asgard Beyond + Hvannadalshnúkur með Tindaborg. (Svínafell).

Þri 9. maí: Bláihryggur Grænsdal við Hveragerði. 

Fös 12: Hrútaborg Vesturlandi. #Föstudagsfjöllin 5 af12.

Þri 16. maí: Grænavatns- og Djúpavatnseggjar um Sogin og vötnin#Vatnahringleið16 ára afmælisganga ! 

Þri 23. maí: Vífilsfell öðruvísi upp gilið og niður Jósepsdal.

Laug 27. maí: Jötunsfell og Rauðakúla Snæfellsnesi. #Snæfellsnesfjöllin

Þri 30. maí: Bjarnarfell, Lambhagahnúkur, Stekkjartúnshnúkur og Húsatorfuhnúkur við Hveragerði. 

Júní

 

Laug 3. júní: Útigönguhöfði Þórsmörk. #Þórsmerkurfjöllin

Þri 6. júní: Ketilstindur, Bleiktindur, Kleifartindur og Arnartindur kringum Arnarvatn. #Vatnahringir2023

Fös 9. júní: Fanntófell Kaldadal. #Föstudagsfjöllin 6 af12

Þri 13. júní: Svörtufjöll og Hagavíkurlaugar frá Nesjavöllum.

Þri 20. júní: Klúbbganga, þjálfarar í fríi.

Þri 27. júní: Klúbbganga, þjálfarar í fríi.

Júlí

 

Þri 4. júlí - sun 9. júlí: Langisjór á einum degi með rútu frá Rvík, besti veðurdagurinn valinn. #Vatnahringleið

Þri 11. júlí: Klúbbganga, þjálfarar í fríi

Þri 18. júlí: Klúbbganga, þjálfarar í fríi

Fös 21. júlí: Hattfell við Laugaveginn. #Föstudagsfjöllin17 af 12 #FjöllinaðFjallabaki

Þri 25. júlí: Gláma í Eyrarsveit.

Laug 29. júlí: Strútur og Mælifellshnúkur við Torfajökul á Mælifellssandi. #FjöllinaðFjallabaki 

 

Ágúst

 

Þri 1. ágúst: Blákollur Hafnarfjalli.

Þri 8. ágúst: Þjálfarar í fríi.

Þri 15. ágúst: Trölladyngja, Grænadyngja, Hörðuvallaklof og Lambafellsgjá Reykjanesi.

Fös 17. ágúst: Hlöðufell við Langjökul. #Föstudagsfjöllin 8 af 12 

Laug: Reykjavíkurmaraþon.

Sun 19. ágúst: Varadagur ef mjög vel viðrar fyrir hálendisferðirnar í í ágúst/sept.

Þri 22. ágúst: Litla horn í Skarðsheiði.

Laug 26. ágúst: Háalda, Suðurnámur ofl. frá Landmannalaugum. #FjöllinaðFjallabaki 

Þri 29. ágúst: Hlíðarfjall kringum Hlíðarvatn Reykjanesi. #Vatnahringir2023

September

 

Fös 1. sept: Löðmundur við Landmannahelli. #Föstudagsfjöllin 9 af 12 #FjöllinaðFjallabaki 

Þri 5. sept: Oddafell og Driffell Reykjanesi. 

Laug 9. sept: Vinstrasnókur og Tindafjall#Skaftárfjöllin 

Þri 12. sept: Hnúkar Selvogsheiði.

Laug 16. sept: Langjökulshetta og skriðjökulshetta Jarlhettum við Langjökul. #Jarlhetturnar

Þri 19. sept: Sandfell, Bæjarfell og Lómatjörn við Þingvallavatn.

Þri 26. sept: Illaklif kringum Leirvogsvatn. #Vatnahringir2023

Laug 30. sept: Stórkonufell við Laugavegsgönguleiðina. #Laugavegsfjöllin 

Október

 

Þri 2. okt: Höfði og Núpshlíðarháls Reykjanesi.

Laug 7. okt: Varadagur fyrir hálendisferðirnar í ágúst/sept.

Þri 10. okt: Staki hnúkur og vestari Gráuhnúkar Þrengslum. 

Fös 13. okt: Hekla Suðurlandi. #Föstudagsfjöllin 10 af 12 #FjöllinaðFjallabaki

Þri 17. okt: Klúbbganga, þjálfarar í fríi.

Laug 21. okt: Varadagur fyrir Hálendisferðirnar í ágúst/sept.

Þri 24. okt: Rjúpnadalahnúkar við Bláfjöll.

Laug 28. okt: Varadagur fyrir Hálendisferðirnar í ágúst/sept.

Þri 31. okt: Hafrahlíð og Lali kringum Hafravatn. #Vatnahringir2023

Nóvember

 

Fös 3. nóv: Brimlárhöfði Snæfellsnesi. #Föstudagsfjöllin 11 af 12 #Snæfellsnesfjöllin

Þri 7. nóv: Undirhlíðar við Kaldársel.

Laug 11. nóv: Efstidalur, Brúará, Miðfell og Bjarnarfell í Úthlíð legg 10. #ÞvertyfirÍsland

Þri 14. nóv: Grindaskörð og Bollar ef búið að opna veginn, annars Undirhlíðar frá Kaldárseli.

Þri 21. nóv: Húshöfði, Miðhöfði og Stórhöfði kringum Hvaleyrarvatn. #Vatnahringir2023

Þri 28. nóv: Háihnúkur Akrafjalli aðventuganga.

Desember:

 

Laug 2. des: Kinnarhyrna, Axlarhyrna, Tunguhyrna og Knarrarfjall Snæfellsnesi. #Snæfellsnesfjöllin

Þri 4. des: Vífilsstaðahlíð kringum Vífilsstaðavatn. #Vatnahringir2023

Fös 8. des: Strútur Borgarfirði. #Föstudagsfjöllin 12 af 12

Þri 12. des: Lágafell og Lágafellshamrar frá Lágafellskirkju.

Þri 19. des: Úlfarsfell jólaganga.

Laug 30. desember: Varahelgi fyrir frestaðar ferðir v/veðurs eða aukaferð ef áhugi og veður leyfir.